﻿Waiata.
87.
He hīmene, he waiata mā ngā tama a Koraha. Kei ngā maunga tapu tōna tūranga; 
e arohaina rawatia ana e Ihowā ngā kūwaha o Hiona i ngā nohoanga katoa o Hākopa. 
He mea korōria ngā mea e kōrerotia ana mōu, e te pā o te Atua. Hera 
Ka kōrerotia e ahau a Rahapa rāua ko Papurōna ki roto i te hunga e mātau ana ki ahau; tirohia atu a Pirihitia, a Tāira, a Etiopia – “I whānau tēnei ki reira.” 
Āe rā, ko te kupu tēnei mō Hiona, “I whānau tēnei me tērā ki reira; mā te Runga Rawa pū anō ia e whakapūmau.” 
Ka kōrerotia e Ihowā, ina tuhituhia ngā iwi, “I whānau tēnei ki reira.” Hera 
Nā, ka mea te hunga waiata, me te hunga kanikani, “Kei a koe ōku puna katoa.” 
