﻿Waiata.
93.
E kīngi ana a Ihowā, he korōria tōna kākahu; he kākahu tō Ihowā, he mea whītiki ia ki te kaha. Kua ū hoki te ao, tē taea te nekeneke. 
Nō mua iho tōu torōna i whakapūmautia ai; nōnamata riro koe. 
Ko ngā roma, e Ihowā, kua ara, ngā roma nei, kua ara tō rātou reo; ka ara ngā ngaru o ngā roma. 
I runga ake i ngā reo o ngā wai maha, i ngā tūātea nunui o te moana, ko Ihowā i runga, te mea kaha. 
Pono atu āu whakaaturanga; he huatau te tapu mō tōu whare, e Ihowā, mō ake tonu atu. 
