﻿Waiata.
125.
He waiata; he pikitanga. Ko te hunga e whakawhirinaki ana ki a Ihowā ka rite ki Maunga Hiona, e kore nei e taea te whakangāueue, pūmau tonu ake ake. 
Me ngā maunga e taiāwhio nei i Hiruhārama, te karapoti a Ihowā i tōna iwi, āianei ā ake tonu atu. 
E kore hoki te tokotoko a te whakaarokore e waiho tonu i runga i te wāhi o te hunga tika, kei totoro te ringa o te hunga tika ki te kino. 
Kia pai tāu mahi, e Ihowā, ki te, hunga pai, ki te hunga he tika nei ō rātou ngākau. 
Ko te hunga ia e peka kē ana ki ō rātou ara kōpikopiko, mā Ihowā rātou e ārahi tahi atu me ngā kaimahi i te kino. Kia mau te rongo ki a Īharaira! 
