﻿Waiata.
126.
He waiata; he pikitanga. I tā Ihowā whakahokinga mai i ngā pononga o Hiona i rite mātou ki te hunga e moehewa ana. 
Kātahi tō mātou māngai ka kī i te kata, tō mātou arero hoki i te waiata; kātahi ka kōrerotia i roto i ngā tauiwi, “He nui ngā mahi a Ihowā ki a rātou.” 
He mea nunui a Ihowā i mea ai mō tātou, ā, e koa ana tātou. 
E Ihowā, whakahokia mātou i te whakarau; kia pērā me ngā awa o te tonga. 
Ko te hunga e rui ana i runga i te roimata, ka kokoti i runga i te hari. 
Ahakoa haere tangi atu ia me te kawe i āna purapura hei whakatōkanga, tērā ia e haere hari mai anō me te mau mai i āna paihere. 
