﻿Waiata.
128.
He waiata; he pikitanga. Ka hari ngā tāngata katoa e wehi ana i a Ihowā, e haere ana i āna ara. 
E kai hoki koe i te mahinga a ōu ringa; e hari koe, ā, ka tau te pai ki a koe. 
E rite tāu wahine ki te wāina hua i roto rawa i tōu whare; āu tamariki ki ngā māhuri ōriwa, i ngā taha o tāu tēpu. 
Nā, he pērā te manaaki mō te tangata e wehi ana i a Ihowā. 
Ka manaakitia koe e Ihowā i Hiona; ā, e kite koe i te pai o Hiruhārama i ngā rā katoa e ora ai koe. 
Āe, e kite koe i ngā tamariki a āu tamariki. Kia mau te rongo ki a Īharaira! 
