﻿Waiata.
130.
He waiata; he pikitanga. I karanga ahau ki a koe, e Ihowā, i roto i ngā hōhonu. 
E te Ariki, whakarongo mai ki tōku reo! Kia anga mai ōu taringa ki tōku reo īnoi! 
Me i maharatia e koe ngā kino, e Ihowā, ko wai, e te Ariki, e tū? 
Otirā, he muru hara tāu, e wehingia ai koe. 
E tatari ana ahau ki a Ihowā, e tatari ana tōku wairua; e tūmanako ana hoki ahau ki tāna kupu. 
Ko te tāringa o tōku wairua i te Ariki nui atu i tō te hunga e whanga ana ki te ata, āe, i tō te hunga e whanga ana ki te ata. 
E Īharaira, kia tūmanako ki a Ihowā! Kei a Ihowā hoki te mahi tohu, ā, kei a ia te hokonga nui. 
Ā, māna a Īharaira e hoko i roto i ōna hē katoa. 
