﻿Waiata.
136.
Whakawhetai ki a Ihowā, he pai hoki ia; 
Whakawhetai ki te Atua o ngā atua; 
Whakawhetai ki te Ariki o ngā ariki; 
E mahi nei tōna kotahi i ngā merekara nunui, 
i tohunga rawa nei ki te hanga i ngā rangi, 
i whakatakoto nei i te whenua ki runga ki ngā wai, 
ki te kaihanga i ngā whakamārama nunui, 
i te rā hei tohutohu i te awatea, 
i te marama me ngā whetū hei tohutohu i te pō, 
Ki te kaipatu i Īhipa, arā i ā rātou mātāmua, 
ā, ārahina mai ana a Īharaira i waenganui i a rātou, 
nā te ringa kaha me te tākakau mārō, 
i tapahi nei i te Moana Whero ā motu rawa, 
ā, meinga ana a Īharaira kia haere rā waenganui, 
ā, hurihia ana a Parao me āna mano ki te Moana Whero, 
i ārahi nei i tāna iwi rā te koraha, 
i patu nei i ngā kīngi nunui, 
i whakamate nei i ngā kīngi rongo nui, 
i a Hihona kīngi o ngā Amori, 
i a Oka kīngi o Pahana, 
ā, hōmai ana tō rātou whenua hei kāinga pūmau, 
hei kāinga pūmau mō Īharaira, mō tāna pononga, 
I mahara nei ki a tātou i tō tātou itinga, 
ā, whakaorangia ana tātou i ō tātou hoariri, 
ko ia te kaihōmai i te kai mā ngā kikokiko katoa, 
Whakawhetai ki te Atua o te rangi, 
