Usif Yesus In Rais Reko
natuin
Naiꞌ Mateos in tuis
1
Usif Yesus In beif-naiꞌf ein
(Naiꞌ Lukas 3:23-38)
1-2 Surat reꞌ ia, naretaꞌ anmatoom nok Yesus Kristus, Tuaf reꞌ Uisneno nbaꞌan nain je naꞌko afi unuꞌ he nsoun Ee neem. In reꞌ naan, usif naiꞌ Daut in sufan, ma kaꞌo Abraham in sufan-kaꞌun.
Anmurai naꞌko kaꞌo Abraham tar antea usif naiꞌ Daut, anmuiꞌ naan batan boꞌes am haa. Naꞌko batan neu batan sin, on nai:
Naiꞌ Abraham nahonis naiꞌ Isak,
naiꞌ Isak nahonis naiꞌ Yakop,
naiꞌ Yakop nahonis naiꞌ Yahuda nok in orif-tataf sin,
3 naiꞌ Yahuda nahonis naiꞌ Peres ma naiꞌ Sera (sin nua sin, sin ainf ee, kaan ee bi Tamar),
naiꞌ Peres nahonis naiꞌ Herson,
naiꞌ Herson nahonis naiꞌ Ram,
4 naiꞌ Ram nahonis naiꞌ Aminadap,
naiꞌ Aminadap nahonis naiꞌ Nahason,
naiꞌ Nahason nahonis naiꞌ Soleman,
5 naiꞌ Soleman nahonis naiꞌ Boꞌas (in ainf ee, kaan ee bi Rahap),
naiꞌ Boꞌas nahonis naiꞌ Obet (in ainf ee, kaan ee bi Rut),
naiꞌ Obet nahonis naiꞌ Isai,
6a naiꞌ Isai nahonis naiꞌ Daut.
6b-11 Naꞌko naiꞌ Daut tar antea too Israꞌel nmoufun nbin Babel, sin ar-arsin naan, batan boꞌes am haa ntein. Sin esan reꞌ:
naiꞌ Daut nahonis naiꞌ Soleman (in ainf ee, nahunu te, naiꞌ Uria in fee).
Naiꞌ Soleman nahonis naiꞌ Rahabeam,
naiꞌ Rahabeam nahonis naiꞌ Abia,
naiꞌ Abia nahonis naiꞌ Asaf,*Tuis uab Yunani reꞌ reok reꞌuf, antui mnak, Asaf. Anmuiꞌ surat bian antuin am nak, Asa. Tuaf reꞌ ia, humaꞌ meseꞌ nok tuaf reꞌ matuꞌi et Mapeꞌo ꞌNaof Pah Israꞌel ma Pah Yahuda 3:10
naiꞌ Asaf nahonis naiꞌ Yosafat,
naiꞌ Yosafat nahonis naiꞌ Yoram,
naiꞌ Yoram nahonis naiꞌ Usia,
naiꞌ Usia nahonis naiꞌ Yotam,
naiꞌ Yotam nahonis naiꞌ Ahas,
naiꞌ Ahas nahonis naiꞌ Heskia,
naiꞌ Heskia nahonis naiꞌ Manase,
naiꞌ Manase nahonis naiꞌ Amos,†Tuis uab Yunani bian antuin am nak, Amos, ma bian antuin am nak, Amon.
naiꞌ Amos nahonis naiꞌ Yosias,
naiꞌ Yosias nahonis naiꞌ Yekonya ma in oirf ein oras sin nmoufun nbin Babel.✡2 Uisf ein sin Retaꞌ 24:14-15, 2 Mapeꞌo ꞌNaof Pah Israꞌel ma Pah Yahuda 36:10, Naiꞌ Yeremias 27:20
12-16 Naꞌko oras sin nmoufun nbin Babel antean naiꞌ Yesus, sin ar-arsin batan boꞌes am haa. Sin esan reꞌ:
Naiꞌ Yekonya nahonis naiꞌ Saltiel,
naiꞌ Saltiel nahonis naiꞌ Serubabel,
naiꞌ Serubabel nahonis naiꞌ Abihut,
naiꞌ Abihut nahonis naiꞌ Elyakim,
naiꞌ Elyakim nahonis naiꞌ Asor,
naiꞌ Asor nahonis naiꞌ Sadok,
naiꞌ Sadok nahonis naiꞌ Akim,
naiꞌ Akim nahonis naiꞌ Eliut,
naiꞌ Eliut nahonis naiꞌ Eliaser,
naiꞌ Eliaser nahonis naiꞌ Matan,
naiꞌ Matan nahonis naiꞌ Yakop,
rarit naiꞌ Yakop nahonis naiꞌ Yusuf.
Naiꞌ Yusuf ansao bi Maria. Bi Maria reꞌ naan, es reꞌ nahonis Yesus Kristus.
17 Onaim anmurai naꞌko naiꞌ Abraham antean naiꞌ Daut batan boꞌes am haa; naꞌko naiꞌ Daut antean oras sin nmoufun nbin Babel, batan boꞌes am haa; ma naꞌko Babel antean oras nahonis Kristus, batan boꞌes am haa msaꞌ.
Bi Maria nahonis Usif Yesus
(Naiꞌ Lukas 2:1-7)
18 Oras bi Maria nahonis Naiꞌ Yesus naan, in reetn ii on nai:
Bi Maria anmanaꞌan nok naiꞌ Yusuf. Sin nua sin ka ntuup-tuup nitan fa feꞌ on reꞌ fee-mone. Mes bi Maria naꞌapuꞌ naꞌko Uisneno In Asmaan Akninuꞌ.✡Naiꞌ Lukas 1:27 19 Oras naiꞌ Yusuf nahiin on naan ate, in he nafetin bi Maria. Mes in ka nroim fa he ntao namaeb ee nbi too mfaun ein sin maatk ein, natuin naiꞌ Yusuf in neekn ee kninuꞌ ma namnoon. Es naan ate, in he nafeitn ee mninuꞌ-mninuꞌ.
20 Onaim in natenab he naim ranan neu-mneem. Fai jes, in namnei. Anbi mneit naan, in niit Uisneno In ameput es neem naꞌko sonaf neno tunan, ma natoon ne mnak, “Yusuf! Ho reꞌ ia usif naiꞌ Daut in sufan. Ho neek maan kais naꞌoniꞌ he ho msao bi Maria. Fin riꞌanaꞌ reꞌ et bi Maria in apun, naan Uisneno In Asmaan Akninuꞌ es antao. 21 Bi Maria of nahonis naan riꞌaan moen jes. Rarit ho ro he mukaanb ee, Naiꞌ Yesus, fin In es reꞌ of ansoi nafetin Uisneno Iin na naꞌkon sin sanat ma penu sin.”‡Kanaf Naiꞌ Yesus in oetn ii nak, “Uisneno nsoi nafetin mansian”. ✡Naiꞌ Lukas 1:31
22 Rasi reꞌ ia of anjair on naan, natuin Uisneno natoon nain naꞌko afi unuꞌ. In npaek niit In mafefa kninuꞌ naiꞌ Yesaya he ntui mnak,
23 “Hi mneen, oo! Of anmuiꞌ bi non ao-ꞌtemef es, reꞌ ka ntuup-tuup niit fa feꞌ nok atoniꞌ,
mes nok askeken ate, in naꞌapuꞌ.
Rarit in nahonis Riꞌaan moen jes.
Sin nakaanb ee, Imanuel.”
(Anbi uab Ibrani, ‘Imanuel’ in oetn ii:
Uisneno nok kit.)✡Naiꞌ Yesaya 7:14
24 Naiꞌ Yusuf namnei nrair on naan ate, in nfeen. Onaim in natuin nain Uisneno In uaban naan. In nait bi Maria njair in fee, 25 mes in ka ntuup nabua nok ne fa on reꞌ fee-mone, tar antea bi Maria nahonis Riꞌanaꞌ naan. Rarit naiꞌ Yusuf nakanab Riꞌanaꞌ naan, Naiꞌ Yesus.✡Naiꞌ Lukas 2:21
*1:6b-11 Tuis uab Yunani reꞌ reok reꞌuf, antui mnak, Asaf. Anmuiꞌ surat bian antuin am nak, Asa. Tuaf reꞌ ia, humaꞌ meseꞌ nok tuaf reꞌ matuꞌi et Mapeꞌo ꞌNaof Pah Israꞌel ma Pah Yahuda 3:10
†1:6b-11 Tuis uab Yunani bian antuin am nak, Amos, ma bian antuin am nak, Amon.
✡1:6b-11 2 Uisf ein sin Retaꞌ 24:14-15, 2 Mapeꞌo ꞌNaof Pah Israꞌel ma Pah Yahuda 36:10, Naiꞌ Yeremias 27:20
‡1:21 Kanaf Naiꞌ Yesus in oetn ii nak, “Uisneno nsoi nafetin mansian”.
✡1:23 Naiꞌ Yesaya 7:14