2
Elel eke wɛl ki ŋↄŋn Nyam
Low krɛkrɛ eke mʼam dad eke wɛl ki kok agŋ fɛŋ ecʼa el: ke wɛl ŋↄ́ŋn Nyam íbrmʼn low, kók sↄrŋ ke ɛ́luʼl bia. Ow it eke wɛl ki ŋↄŋn Nyam ↄŋ ɛ́b ebu fɛŋ lel agŋ fɛŋ ekʼↄnym es ɛw ab a, yecʼɛtŋ ke sʼↄ́tu sʼir ɛb ekʼɛrm mij anm ɛm, ɛrm es ɛy ɛm, sos us ɛm, Nyam ecʼes ucu ↄny tasi ɛm. Na anake akpl ke el sↄbↄ Nyam ɛy e Sↄg Ɛs, eke bʼerur ekʼagŋ fɛŋ kʼɛŋn sel, Ezekiɛl 18.23. ke ↄ́tu uw low nɛnyɛmbri nyam any a.
Tasi ɛm a Nyam nyam cɛ anŋ,
ɛtŋ in lel agŋ ab ecʼaraŋn a yɛji ɛgŋ nyam cɛ anŋ,
ɛgŋ a in lʼel Jesu Krist
ekʼocr in sosi ɛw awoba agŋ a fɛŋ e sↄg eci. Matie 20.28.
Ekʼow e lɛgŋ a ow a, lʼɛlu ↄkm li yɛgm eke Nyam erur ekʼagŋ fɛŋ kʼɛŋn sel. Na sosiɛm anake Nyam ɛwʼm lebl ɛlu ɛs lel ɛrm ɛs ab, ke mi yɛ́gm agŋ ekʼelm Jwifɛl yecʼeke el ↄmn lele low nɛnyɛmbri nyam ab a. Mʼↄnym yadŋ, low nɛnyɛmbri nyam mʼam dad.
Elel eke wɛl ki ŋↄŋn Nyam dedeku ɛm
Mʼerur ekʼusu fɛŋ, egŋ ki gbigbl sabu ogŋ afr ŋↄŋn Nyam, gbɛkↄ Nyam ŋↄŋn a él ɛrm lala ɛm, ɛrm ekʼɛrm bebl lel ów es atar ab anm ɛm. Mʼerur yɛjʼeke ↄyↄw ki sʼus mob ekʼit, mob frafra cɛ, ke ow kʼelm low agbr ɛm; ke -li ki kokmn sin ekʼagŋ kʼɛkn ɛl, -li kʼokmn sika ɛm miyob, miyob ac lele mob sus ɛm eke bʼil an nↄnↄ ab, Bɛ̀bmn 1 Piɛr 3.3. 10 kↄ ke ɛl e sakpl a él ów amamn e kok, ɛsɛ elel ekʼow it ekʼↄyↄw eke bi dad ɛsɛ ɛl bʼɛlum Nyam a, ki kok ab af. 11 Ow it ekʼↄyↄw kʼok es tiŋ iri low yɛgm a, ɛlum ligbɛl ɛm. 12 Mʼɛlum abusu es eke yↄw ki yɛgm igŋ low oglog ɛw igŋ es; ow it eke li ki yewal tiŋ. 13 Tasi ɛm a, Adam anake Nyam ikŋ anym kok a, ɛtŋ ow e jam a li kok Ɛv. 14 Ɛtŋ ɛmɛny, ow elm Adam yɛbm wɛl ɛjumʼn, kↄ yↄw yɛb wɛl ɛjuʼr ɛtŋ ɛluam Nyam ecʼodad ebl a. akr 13-14ɛ̀kn Nuŋ Ɔb 2.7, 21-22; 3.1-6. 15 Ɛbɛn yɛji, Nyam bʼow sↄgʼr in ecʼey eke li bʼow lʼew ab ɛm, Nyam bʼow sↄgʼr in ecʼey eke li bʼow lʼew ab ɛm:aŋa Pↄl erur eke ki yɛgm yↄw eci low tasi eke Nyam erur eke kʼabul a. Ɛtŋ ɛmɛny lʼerur eke li kʼↄny agŋ bɛb eci tutr a eke el yↄw ecʼigŋ ɛbim owi a, lʼoc es. gbɛkↄ ow it eke li kʼↄny ↄmn, erur, ke lʼír ɛb eke elm low agbr ɛm ke bʼakpl Nyam sos ɛm.

2:4 Ezekiɛl 18.23.

2:6 Matie 20.28.

2:9 Bɛ̀bmn 1 Piɛr 3.3.

2:14 akr 13-14ɛ̀kn Nuŋ Ɔb 2.7, 21-22; 3.1-6.

2:15 Nyam bʼow sↄgʼr in ecʼey eke li bʼow lʼew ab ɛm:aŋa Pↄl erur eke ki yɛgm yↄw eci low tasi eke Nyam erur eke kʼabul a. Ɛtŋ ɛmɛny lʼerur eke li kʼↄny agŋ bɛb eci tutr a eke el yↄw ecʼigŋ ɛbim owi a, lʼoc es.