1 Thailhai phal-iq neq, Miqyail aivq nail jeq-e jaq-a bhai khaonq ha-a nail laiq dai, ngal naldaiq movq-ail nial. Teevq thal-iq maq khaonq ha-al. Ngal iqsanl Ilsaqleiqlal nail tsaol-aq ngaol. Aqbhaqlaqhaq nail aqjievq lilheel nail lavqkhoel khe Bheiqyaqmiq nail jeq-e jaq-a ngaol. 2 Iqmoeq ilmoeq-u nee aivq-i mail tsel dov-ai thaq nail jeq-e bhai aivq maq khaonq ha-ail. Miqyail nail haqbhoil gedan nail Eillilya-i mail Ilsaqleiqlal nail tsaol-aq juq nail laiq nail phaq Miqyail bhai ge bhiq-a nail ganl, Jalliq lavqkhoel-ai niailhai gevq-ai thaq nail bhai, nuljuq heeq nia nail ngaol: 3 “Heeqphaq-ol, naoq nail haqbhoil gedan nail tsaol-aq juq bhai aqyu juq heivq khi, naoq nail laol duq juq bhai aqyu juq deeq peiv-a nail ngaol. Ngal teevq gaq taivq-ail jel-ail khi, ngaq bhai iqsanl aqyu juq heivq nail dai khi, laijai nail ngaol” dai, gevq-ai thaq nail ngaol. 4 Thailhai ngaol-aoq, Miqyail aivq bhai khalhai ge kovq bhiq-a nail-aiq. “Bhaqlal dai mil-ai thaq nail thaoqphaoq aqma maolkhoel bhai uqhuq maq thaoq-a nail sivq hinl gaq ngaq nail haqbhoil bhi jaol-a nail ngaol” dai, ge kovq bhiq-a nail ngaol. 5 Alhai dul dai, niil aq-il iqsanl Miqyail nail geeqlaoq eeljaol bhaqda nee tsel dov-ai thaq nail tsaol-aq micil jaol-ai haq nail ngaol. 6 Geeqlaoq eeljaol bhaqda nee tsel dov-ai thaq nail ngel-i mail, nl nail hal nail phaq bhai maq tavq-ail. Nl nail hal nail phaq bhai tavq-ail nul neq, geeqlaoq eeljaol al neq, geeqlaoq eeljaol maq ngel yaoq-aol.

7 Thailhai phal-iq neq, khal heel-eeq. Ilsaqleiqlal nail tsaol-aq, aqyu juq-i mail halpov nail phaq bhai maq ya-al. Tsel dov-a nail tsaol-aq taivq-ail ya khi, maq tsel dov-a nail tsaol-aq neema gaol ail-a nail ngaol. 8 Jalliq lavqkhoel bhai gevq-ai thaq nail khe-ai:

gevq-ai thaq nail ngaol. 9 Daqbhil-i mail ge-ai thaq nail niailhai jiav nail ngaol:

ge-ai thaq nail ngaol.

11 Yuldav nail tsaol-aq juq phaqthiq thiq-u phao, gaq tsuq-ail khi maq thul lal nia dai, pevq ail-a nail laiq dai, ngal naldaiq movq-ail nial. Maq ngel-ail. Aqyu juq oeqbal nl-a nail bhaqda nee, Miqyail aqyu juq bhai maivjeel bhi jeel nail haqbhoil yu nail jeq-e jaq-a juq nail kovtavq bhai hevqkovq nail phaq bhi kev lee-a nail ngaol. 12 Yuldav nail tsaol-aq juq oeqbal nl-a nail ngel-i mail, miltsaq yaq juq aqhaqlal phao hulmeeq meeq lal khi, aqyu juq-i mail sunq ail-a nail phaq iqsanl, yu nail jeq-e jaq-a aqhaqlal phao hulmeeq bhi meeq lal-a nail ngaol. Thailhai ngaol-aoq, yuldav tsaol-aq iqsanl Yeiqsul bhai neema thaqtsaol khi hav bhoel haq neq, a dai nee maqtsil tsaol-aq yaq juq iqsanl mail, aqhaqlal phao hulmeeq gaoq meeq jaiq lal nail ngaol.

13 Alheel ngel-i mail, yu nail jeq-e jaq-a pevq nail nuljuq bhai ngal niailhai ge bhiq nail ngaol. Ngal neq, yu nail jeq-e jaq-a nail haqbhoil gaqkhoel ngaol. Ngal ganl niilniai thaqeeq nail ngaol. 14 Ngal ganl niilniai thaqeeq nail neq, ngaq nail jeq-e jaq-a maivjeel jeel nail neema aol lal khi, aqyu juq teevq pav ganav juq hevqkovq nail phaq ya dai, ngal nl nail ngaol. 15 Khul khi mail dai ngal-aq neq, Ilsaqleiqlal nail tsaol-aq Yeiqsul bhai khaonq ha nail ngel-i mail, miltsaq yaq Miqyail bhai tsaq lai jil lai haq neq, Ilsaqleiqlal nail tsaol-aq Yeiqsul bhai gaoq hav bhoel kovq nail neq, gaoq bhi doevq kovq lal nail khe-ai dul nail, maq ngel-ail laiq. 16 Khaqmul iqmoeq ilmoeq lav sav-a nail heeq, Miqyail bhai bivq haq neq, khaqmul iqsanl mail Miqyail bhai danq bhiq-a nail phaq pevq nail ngaol. Aqbhaol teevq bhaol nail daoqtsail Miqyail bhai danq bhiq haq neq, lavqmeiv juq iqsanl, Miqyail nail pevq nail ngaol.

17 Miqyail lavqmeiv teevq pav ganav juq bhai dev ha khi, haqtsoiq bhai doevq nail saqloq aqbhaol nail lavqmeiv pevq nail nuljuq bhai, tsaol-aq-i mail kha-a nail saqloq aqbhaol bhai cavq lavq-a nail nee ovqtavq, lavqmeiv yaoq juq yaoq khe-ai, khaqjiq bhai bhi suv lavq-a nail ngaol. 18 Thailhai phal-iq neq, lavqmeiv al juq nail kovtavq bhai eeq movq heel movq nail neema thaq aol. Eeq movq heel movq nail neema aol haq neq, niilniai saol-nvq dai yaoq. Daoqtsail nuljuq bhai juq juq-ail doevq nail maq ngel-ail. Nuljuq daoqtsail bhai juq juq-ail doevq nail ngaol. 19 “Ngal aqbhaol bhai ya cavq lai dai, lavqmeiv juq ya dev ha-a nail ngaol” dai, nuljuq ge movq ail jaol-aq. 20 Tsaq naol. Aqyu juq neema maq thaqtsaol nail ngel-i mail, dev ha nail bhai ya daq-a nail ngaol. Nuljuq neema thaqtsaol nail ngel-i mail, ivq nail ngaol. Alheel ngel-i mail, neema thaq eeq, yaolphaol yaoq. 21 Khul khi mail dai ngal-aq neq, tsaol-aq-i mail kha-a nail saqloq lavqmeiv bhai Miqyail maq bhi covq haq neq, nuljuq bhai iqsanl maq bhi covq lavq-ail.

22 Miqyail nail geeqlaoq eeljaol khi aivq-i mail yalkhaq dal nail phaq bhai saol-nvq daiq yaoq. Aivq bhai khaonq ha nail tsaol-aq bhai aivq yalkhaq dal bhiq nail ngaol. Thailhai ngaol-aoq, nuljuq aivq nail geeqlaoq eeljaol nail lavqkhoel bhai jaol haq neq, aivq nail geeqlaoq eeljaol nuljuq nail kovtavq bhai jiav nail ngaol. Maq jaol haq neq, aivq nuljuq bhai iqsanl dev ha lavq nail ngaol. 23 Tsaol-aq al juq iqsanl neema gaoq thaqtsaol lal haq neq, Miqyail aqyu juq bhai aqbhaol bhai gaoq bhi cavq kovq lai nail ngaol. Khul khi mail dai ngal-aq neq, aqyu juq bhai teevq pov gaoq cavq kovq lai dai, Miqyail nl nia nail ngaol. 24 Aol maq jiav khi ngaol-aoq, haqtsoiq bhai doevq nail saqloq aqbhaol lavqkhoel khe nuljuq bhai dev khi, kha-a nail saqloq aqbhaol bhai cavq lavq-a nail ngaol. Thailhai phal-iq neq, kha-a nail saqloq lavqmeiv juq neq, yovqgavq nail aqbhaol bhai cavq lai jaiq nail ngaol.

25 Aqivq jaqbheq juq-ol, nuljuq yovqgavq nail neenoeq neekha bhai maq ya juq dai, oil tsail-ai thaq nail ganl niil nuljuq bhai bhi heeq kivq movq-ail nial. Miqyail-i mail noeqceiv-ai thaq nail khe-ai, yu nail jeq-e jaq-a hevqkovq nail phaq ya nail tsaol-aq juq bhee lal-u phao kev dai, Ilsaqleiqlal nail tsaol-aq teevq pav ganav juq neq neema gaol-ai haq nail ngaol. 26 Yu nail jeq-e jaq-a hevqkovq nail phaq bhai ya haq neq, Ilsaqleiqlal nail tsaol-aq iqsanl hevqkovq nail phaq ya nail ngaol. Jalliq lavqkhoel bhai gevq-ai thaq nail khe-ai:

gevq-ai thaq nail ngaol.

28 Yuldav nail tsaol-aq lavqkhiq tsail nail geeqlaoq daoq maq hav bhoel-a nail bhaqda nee, nuljuq geeqlaoq ya nia dai, aqyu juq Miqyail bhai neejiav jiav nail tsaol-aq pevq lal-a nail ngaol. Thailhai ngaol-aoq, Miqyail-i mail tsel dov-ai thaq nail bhai saol-nvq haq neq, aqyu juq nail aqphiq aqbhal juq bhaqda nee, Miqyail gaiq-a nail tsaol-aq pevq lal-a nail ngaol. 29 Aivq-i mail aqnieivq-ail bivq-ai thaq nail kovpavq bhai Miqyail maq oil kovq-ail. Aivq-i mail khul-ai thaq nail tsaol-aq bhai aivq maq noeq pov maq noeq phal-ail. 30 Nuljuq iqmoeq-u phao Miqyail nail daoq maq naldaiq khi ngaol-aoq, niil aq-il gaoqhaq gaiq-a nia nail phaq bhai ya-a nail ngaol. Khul khi mail dai ngal-aq neq, Ilsaqleiqlal nail tsaol-aq maq naldaiq-a nail ngel-i mail ngaol. 31 Alhai dul dai, nuljuq Miqyail nail gaoqhaq gaiq-a nail phaq bhai ya-a nail ngel-i mail, aqyu juq iqsanl, Miqyail nail gaoqhaq gaiq-a nail phaq bhai ya nia nail haqbhoil, niil aq-il aqyu juq Miqyail nail daoq bhai maq naldaiq nail phaq pevq nail ngaol. 32 Khul khi mail dai ngal-aq neq, Miqyail tsaol-aq yaq iqsanl bhai aivq nail gaoqhaq gaiq-a nia nail phaq bivq movq nail ngel-i mail, aqyu juq iqsanl bhai, daoq maq naldaiq nail phaq nail kov-uvq bhai pheethaiq khi bhi jaol-a nail ngaol.

33 Miqyail nail nia deedee nail neenoeq neekha khi heeq nia nail neema khadai eeq khadai geel nail ngel-ail. Miqyail-i mail yalkhaq dal nail juq bhai teevq gaq-ail maq noeq dov tsaol-ail. Aivq nail gailkhaol bhai teevq gaq gail maq moel nia-ail.

36 Khul khi mail dai ngal-aq neq, khal jaol khal jiav nail yaoq phaq yaoq-ao nee, aivq nee mail dov lee-a nail ngaol. Aivq bhaqda nee khal jaol khal jiav nail yaoq phaq yaoq-ao nee doevq lal jiav lal khi, aivq nail haqbhoil ngaol. Nqmaq maqluv halyeel aivq bhai tsiqeeq tsiqheel bhel. Aqmiq.