Yamajam chicham Mateo agagbau
1
Jesucristo muunji aajakú aidau
(Lc. 3.23-38)
Ju ainawai Jesucristo muunji aajakajua nuna daaji agatkamua duka. Nigka David, Abraham aina nu weantu aajakui.
Abraham akiauwai Isaacan,
Isaac akiauwai Jacopan,
Jacob akiauwai Judan nuigtú yachi aidaunashkam.
Judá akiauwai Tamarai Faresan nuigtú Zarajai.
Fares akiauwai Esroman,
tuja Esrom akiauwai Araman.
Aram akiauwai Aminadapan.
Aminadab akiauwai Naasogkan,
tuja Naasón akiauwai Salmogkan.
Salmón Rahapai akiauwai Boozan,
Booz Rutai akiauwai Obetan,
tuja Obed akiauwai Isain.
Isaí* “Isaí” tawa nunak tayatak “Jesé” tai, tikich tuidau “Yesé” taushkam ainawai. Tuja griegonmag “Iessai” tawai. akiauwai rey Davitan,
tuja rey David akiauwai Salomogkan Uriasa nuwe aajakua nui.
Salomón akiauwai Roboaman,
Roboam akiauwai Abiasan,
tuja Abías akiauwai Asan.
Asa akiauwai Josafatan,
Josafat akiauwai Joraman,
tuja Joram akiauwai Uziasan.
Uzías akiauwai Jotaman,
Jotam akiauwai Acazan,
tuja Acaz akiauwai Ezequiasan.
10 Ezequías akiauwai Manasesan,
Manasés akiauwai Amogkan,
tuja Amón akiauwai Josiasan.
11 Josías akiauwai Jeconiasan nuigtú yachi aidaunash, Babilonia yajuakbau aajakajua nu tsawantin.
12 Babilonia yajuakam batsamsag
Jeconías Salatielan akiauwai,
tuja Salatiel Zorobabelan akiauwai.
13 Zorobabel akiauwai Abiutan,
Abiud akiauwai Eliaquiman,
tuja Eliaquim akiauwai Azoran.
14 Azor akiauwai Sadocan,
Sadoc akiauwai Aquiman,
tuja Aquim akiauwai Eliutan.
15 Eliud akiauwai Eleazaran,
Eleazar akiauwai Matagkan,
Matán akiauwai Jacopan.
16 Tuja Jacob akiauwai Josen, María aishi aajakua nuna; nuwi akiinauwai Jesús, Cristo tujakbauwa nu.
17 Nunin asa Abrahamai nagkama ashí akiinak Davitai tantauwa duka catorce awai, tuja Davitai nagkama Babilonianmaya yajuakbauwa nui ejemash catorce awai, tuja Babilonia yajuakam batsamsauwa nui nagkama Cristo akiinauwa imanui ejemashkam catorce awai.
Jesucristo akiinamu
(Lc. 2.1-7)
18 Jesucristo akiinamuk aatus aajakui. Josek Jesucristo dukují atinun Marian anagma pujau, tujash eke nemachiatak pujus Wakaní Pegkejin ejapjukui. 19 Tujash José María aishiya duka, aishmag pegkeg asa, pegkegchau diisainum tabaunum wakenmataik idaisatjai tiuwai. 20 Nuna aatus anentaimas José kanittaman, Apu Apajuí angelji awemamu kajanum wantintuk: “José, David weantu uchijiyah, ishamtsuk Mariak jukita, ni ejapjuka nunak Wakaní Pegkejin ejapjuke”, tiuwai. 21 “Nuna uchigmaktatui, nunikmatai adaikattame JESÚS, “Jesús” tawa duka griego chichamai, nunak “Uwemtikagtin” taku tawai. wagki niina aentsji tudauji aina nunak tsagkujug uwemtijatin asamtai”.
22 Ju ashí aatus nunikua duka, Apu Apajuí tibaun profeta tiuwa nu uminbaunum nunikui, duka:
23 “Ejapjuktinai makichik muntsujut aentsú takashtai, nunik uchigmaktinai aishmagkun,
nunikmatai Emanuel Is. 7.14. adaikagtinai”, nunak: “Apajuik jutiijai awai” taku tawai.
24 Nu aaja tima José shintaag, Apu Apajuí angelji tibauwa dutiksag Marianak juki nuwatkauwai. 25 Tujash Mariajaig tsanigchauwai eke uchi akiintsaigkik, nunik pujai uchi akiinamtai adaikauwai Jesús.

*1:6 “Isaí” tawa nunak tayatak “Jesé” tai, tikich tuidau “Yesé” taushkam ainawai. Tuja griegonmag “Iessai” tawai.

1:21 “Jesús” tawa duka griego chichamai, nunak “Uwemtikagtin” taku tawai.

1:23 Is. 7.14.