Kareta Paarʉ Nennoko'pʉ
Kare'siya Pon Kon
Ena'
Ekamanin
Wakʉ itekare Sises pɨ' epiya'tɨ tekamasen pe mɨrɨ awonsi'kɨ tereutanʉ'sen pe koro'tau Esuwerʉ amʉ' pen ka'pon amʉ' koro'tau, usekama'popɨ' nɨto' e'seporo'pʉ man Mosi' winon pe' awɨrɨ ka'pon e'to' pe iyesi, i'nai rɨ Kʉri'san pe e'nɨto' pe tukai'. Paarʉ uya to' eseru'ka'pʉ mɨrɨ i'se e'nɨto' pe pʉra serɨ esi tukai'—mɨrɨ kuru nin, Kʉrai yau uko'man nɨto' esi apurɨto' rɨken iwinɨ na'ne' tanporon kon ekonekato' Papa pokon pe. E'tane Kare'siya so'sii amʉ' koro'tau, Roman nono, Eisa Mʉre'pʉ yau, ka'pon amʉ' uye'sa' esi'pʉ, mɨrɨpan kon uya Paarʉ ewa'noma'pʉ mɨrɨ awonsi'kɨ to' uya ta'pʉ ka'pon uya kuru rɨ marɨ apurɨto' pe iyesi tekonekato' pe Papa ya' Main, Mosi' winon nʉnonka'pʉ.
Kareta Paarʉ Nennoko'pʉ Kare'siya Pon Kon Ena' e'menuka'pʉ kamoro itano'masa' kon serɨ ennakanin enupan nɨto' ke, na'ponin pe i'nai rɨ te'sen apurɨto' mɨrɨ awonsi'kɨ iku'to' ya'. Paarʉ epiya'tɨ itekare ekamai' Sises nennoko'pʉ pe tesa'to' wa'kʉtʉ pe. Ta iya, ikɨ'masa' itekare ekamai' enno'sa' pe iye'to' pe esi, Papa winon pe, ka'pon meruntɨrʉ winɨ pen, mɨrɨ awonsi'kɨ enno'sa' pe iyesi'pʉ Esuwerʉ amʉ' pen piya' kuru. Mɨrɨ awonsi'kɨ si te'sei'pɨ'to' to' eseru'ka pe emo'ka'pʉ iya apurɨto' winɨ rɨken nɨ ka'pon amʉ' ekoneka Papa pokon pe. Iu'matʉ airo'nan isa'ta yau, Paarʉ uya enpoikasa' Kʉri'san amʉ' nʉkupʉnʉ e'kupʉ tiwano' ti'naino pe rɨ tʉusi'nʉnkato' winɨ Kʉrai apurɨto' moron nʉ'pʉ pe.
Iyawon Ekamanin
Ekamanin (1:1-10)
Paarʉ meruntɨrʉ itekare ekamai' enno'sa' pe (1:11—2:21)
Papa uya eke wakʉ nonkasa' ekareei (3:1—4:31)
Ɨnʉ' enawon kon pen nɨ Kʉri'san amʉ' mɨrɨ awonsi'kɨ to' tʉrawasooi (5:1—6:10)
Iu'matʉ (6:11-18)
1
Miyarɨ Ta Paarʉ Uya
Paarʉ, enno'sa' itekare ekamai'—ka'pon amʉ' winɨpai enno'sa' pen, mɨrɨ pe pʉra ka'pon nennoko'pʉ pen, e'tane Sises Kʉrai mɨrɨ awonsi'kɨ Papa, Ikʉipʉnʉ, i'mʉ'sa'kanin nʉ'pʉ iyerikʉ'pʉ apai nennoko'pʉ winɨpaino— mɨrɨ awonsi'kɨ tanporon kon tonpa ton upiyawon kon winɨpaino,
So'si ton Kare'siya po'nan enakan:
Tɨwɨ wakʉ nonkasa' mɨrɨ awonsi'kɨ tʉusewankamai' pʉra ɨwe'to' kon Papa, ukʉipʉnʉ kon mɨrɨ awonsi'kɨ Itepuru Sises Kʉrai winɨpaino nesii ɨyenakan kon pe. Kʉrɨ rɨ Sises Kʉrai iye'tʉsa' rʉ'pʉ umakooi kon iwano' pe umo'kanin kon pe serɨ pe na'ne' ɨri pe e'nɨto' apai, urɨ'nokon e'to' itese' pɨ' Papa, ukʉipʉnʉ kon e'to' i'se awɨrɨ, nesii ɨyenakan kon pe. Kʉrɨ rɨ Papa iwano' pe eke pe iku'to' nesii tɨwɨrɨ rɨ mɨrɨ awonsi'kɨ tɨwɨrɨ rɨ. Amen.
Tʉron Nɨ Itekare Pen
Usewansiukasa' man inke pʉra kuru rɨ ɨkɨ'manin nʉ'pʉ kon wakʉ nonkasa' Kʉrai uya winɨ nonka auya'nokon pɨ',* eke wakʉ Kʉrai nʉnonka'pʉ; mɨrɨ pe pʉra, eke wakʉ innonka'pʉ mɨrɨ awonsi'kɨ ɨyera'tɨ kon tʉponaron nɨ itekare winɨkʉi'— itekare parɨ pen kuru rɨ winɨkʉi'. Tʉron kon ka'pon amʉ' uya ɨyeno'ma kon poken iyesi utaipon nɨto' ya', mɨrɨpan kon esi wakʉ Kʉrai ekareei wʉuka i'se. E'tane pʉra rɨ, ina mɨrɨ pe pʉra inserʉ Epʉn poino uya rɨ tʉron nɨ itekare ekama pe iyesi yau, serɨ ina nekamayai'ne' ɨpɨ'nokon warai pen nɨ, tɨwɨ ipa'nʉ'sa' pe nesii! Ina uya taka'sa' na'ne' kasa rɨ, takapʉ uya kanan serɨ pe: Ɨnʉ' uya tʉron nɨ itekare ekama pe iyesi yau ɨpɨ'nokon, ananʉmʉ'pʉ kon waraino pen, tɨwɨ ipa'nʉ'sa' pe nesii!
10 Ka'pon amʉ' uya pe' uyapurɨto' i'se esi serɨ, mɨrɨ pe pʉra Papa uya katɨ? Mɨrɨ pe pʉra ka'pon amʉ' katɨ ɨnpori'mapai esi? Ka'pon amʉ' ɨnpori'mapai esi yau, Kʉrai poitorʉ pe pʉra rɨ esi mɨrɨ.
Papa Uya Paarʉ Kɨ'ma'pʉ
11 I'tu auya'nokon i'se e'ai', utonpa ton, sekamayai'ne' wakʉ itekare esi ka'pon nʉkoneka'pʉ pen. 12 Ka'pon winɨ uneporo'pʉ pen nɨ, mɨrɨ pe pʉra uyenupasa' rʉ'pʉ ipɨ' pen nɨ; e'tane ru'ku, Sises Kʉrai uya enpoika winɨ uneporo'pʉ.
13 Apʉne pʉra eta'pʉ auya'nokon uko'mamʉ'pʉ Esuwerʉ amʉ' eseru yau, ɨsɨ pe rɨ Papa so'sii kota'ma'pʉ uya, anma'tanʉ'pai rɨ esi'pʉ. Inkupʉ'pʉ 8:3; 22:4-5; 26:9-11 14 Esuwerʉ amʉ' eseru yau ukɨɨyisi kaisaron kon entai rɨ utɨsa' esi'pʉ utamokori ton eseru kuru awɨrɨ e'nɨ pɨ'. Inkupʉ'pʉ 22:3 15 E'tane Papa, uyamanin nʉ'pʉ entu'pʉ si'kɨrɨ entu'pʉ si'kɨrɨ; mɨrɨ pe pʉra, usan ewan apai mɨrɨ awonsi'kɨ ukɨ'ma'pʉ iya wakʉ nonkasa' tʉuya winɨ, esi'pʉ pori' pe 16 tʉmu ɨnenpoikapai uyau itekareei ekamanin pe e'to' pe Esuwerʉ amʉ' pen koro'tau. Mɨrɨ a'tai, ɨnʉ' rɨ ekama'po'pʉ uya pen upika'tɨto' pe iya, Inkupʉ'pʉ 9:3-6; 22:6-10; 26:13-18 17 utɨsa' pʉra rɨ iyesi Surusiran pona urawɨron kon itekare ekamai' enno'sa' kon ense'na, e'tane ru'ku utɨ'pʉ inke pʉra Arepiya pona, emennʉ'pʉ tenna'po ton pe Tamaskas pona.
18 Mɨrɨ awonsi'kɨ osorʉwau wʉipiya tʉpo, utɨ'pʉ Surusiran pona Pi'ta Pi'ta; mɨrɨ pe pʉra, Ke'pas - Kiri' maimu yau enupankase'na, mɨrɨ awonsi'kɨ ipiyau uko'mamʉ'pʉ 15 kaisa rɨ wʉi. Inkupʉ'pʉ 9:26-30 19 Tʉron kon itekare ekamai' enno'sa' kon ensa' uya pʉra iyesi—Isens rɨken, Itepuru akon. 20 I'nai rɨ kuru ekama uya, Papa uya entane, serɨ simenukayai'ne' esi kasi pe pen. 21 Mɨrɨ tʉpo utɨ'pʉ Siriya itese' pata pona mɨrɨ awonsi'kɨ Siri'siya itese' pata pona. 22 Ka'pon pe urɨ i'tu so'si amʉ' Kʉrai yau te'san Isutiya pon kon uya pʉra iyesi'pʉ. 23 Uyekareei rɨken eta'pʉ to' uya, “Ka'pon, ɨsɨ pe so'si kota'manin nʉ'pʉ man tapurɨsen ima'tanʉkʉ i'se te'sa' rʉ'pʉ ekareei ekama pɨ',” tawon. 24 Mɨrɨ awonsi'kɨ Papa apurɨpɨtʉ'pʉ to' uya urɨ uriya'.

*1:6 eke wakʉ Kʉrai nʉnonka'pʉ; mɨrɨ pe pʉra, eke wakʉ innonka'pʉ

1:13 Inkupʉ'pʉ 8:3; 22:4-5; 26:9-11

1:14 Inkupʉ'pʉ 22:3

1:15 entu'pʉ si'kɨrɨ; mɨrɨ pe pʉra, usan ewan apai

1:16 Inkupʉ'pʉ 9:3-6; 22:6-10; 26:13-18

1:18 Pi'ta; mɨrɨ pe pʉra, Ke'pas - Kiri' maimu yau

1:18 Inkupʉ'pʉ 9:26-30