8
Uko'man Nɨto' Iya'kwarʉ Poro
1 Mɨrɨ pe iyesi pɨ', kamoro Kʉrai Sises yau na'ne' nan eno'mato' pʉra iyesi serɨ pe,*Tʉron nɨ ton emen imenukasa' ton uya iponantɨpɨ'sa', tʉuko'mansan i'naino makoi awɨrɨ pʉra e'tane a'kwarʉ awɨrɨ, 2 apʉne pʉra Kʉrai Sises poro uko'man nɨto' A'kwarʉ iwano' main uya umo'kasa'†umo'kasa'; tʉron nɨ imenukasa' ton yau, ɨmo'kasa' kon; tʉron nɨ rɨ marɨ yau, umo'kasa' kon makoi mɨrɨ awonsi'kɨ uma'tan nɨto' iwano' main apai. 3 Apʉne pʉra main, Mosi' winon esi'pʉ na'ne' ɨ'sɨ'mʉra ikupʉ iya pʉra, i'naino makoi‡i'naino makoi; mɨrɨ pe pʉra, ipun; v. 4-5, 8-9, 12 yau rɨ nɨrɨ uya a'tu'mʉnka'nʉ'sa' ke, Papa uya ikuu'pʉ tiwano' tʉmu tenno'se tʉmakooikenan ka'pon kasa makoi mo'kanin pe tʉtʉsen pe.§makoi mo'kanin pe tʉtʉsen pe; mɨrɨ pe pʉra, makoi iwano' pe Mɨrɨpan uya makoi eno'ma'pʉ tʉmakooikenan ka'pon yau,*tʉmakooikenan ka'pon yau; mɨrɨ pe pʉra, ipun yau 4 ipokena' pe e'nɨ i'se main e'to' e'seposa' e'to' pe eke pe uyau'nokon, u'naino kon umakooi kon pɨkɨrɨ tʉuko'mansan pe pen e'tane urɨ'nokon Iya'kwarʉ pɨkɨrɨ tʉuko'mansan.
5 Kamoro tʉuko'mansan ti'naino kon tʉmakooi kon awɨrɨ uya tʉusenuminkato' kon tʉsa' mɨrɨ ti'naino kon e'to' i'se pona; e'tane kamoro tʉuko'mansan Iya'kwarʉ awɨrɨ uya tʉusenuminkato' kon tʉsa' mɨrɨ Iya'kwarʉ e'to' i'se pona. 6 Tʉmakooikenan ka'pon usenuminkato'†Tʉmakooikenan ka'pon usenuminkato'; mɨrɨ pe pʉra, Usenuminkan nɨto' e'tʉsa' pun pɨ' esi uma'tan nɨto', e'tane Iya'kwarʉ e'to' itesa' pe te'sen usenuminkato' esi uko'man nɨto' pe mɨrɨ awonsi'kɨ usewankaman nɨto' pen; 7 apʉne pʉra tʉmakooikenan usenuminkan nɨto'‡tʉmakooikenan usenuminkan nɨto'; mɨrɨ pe pʉra, usenuminkan nɨto' e'tʉsa' pun pɨ' esi ɨsɨ pe Papa pɨ'. Papa iwano' main ya' iye'tʉrʉ pʉra iyesi, mɨrɨ kupʉ iya poken pʉra rɨ nɨrɨ iyesi. 8 Kamoro to' i'naino makoi e'to' itesanon pe uya Papa pori'ma poken pʉra rɨ iyesi.
9 E'tane rɨ, ɨmɨrɨ'nokon a'naino kon amakooi kon esi pen ɨyesa' kon pe, e'tane Iya'kwarʉ, Papa A'kwarʉ uko'mamʉ yau ayau'nokon. Mɨrɨ awonsi'kɨ ɨnʉ' rɨ esi yau Kʉrai A'kwarʉ esa' pe pʉra, Kʉrai iwano' pe pʉra rɨ iyesi. 10 E'tane ayau'nokon Kʉrai esi yau, ɨpun kon esi iyeri'sa' pe apʉne pʉra makoi esi pɨ', e'tane aya'kwarʉ kon esi nurɨne apʉne pʉra Papa uya ayanʉmʉ kon pɨ' ipokena' ton pe. 11 Mɨrɨ awonsi'kɨ Sises i'mʉ'sa'kanin nʉ'pʉ iyerikʉ'pʉ apai A'kwarʉ uko'mamʉ yau ayau'nokon, kʉrɨ rɨ Kʉrai i'mʉ'sa'kanin nʉ'pʉ iyerikʉ'pʉ apai uya rɨ marɨ tʉuma'tasen ɨpun kon repa mɨrɨ iko'manto' ke Ta'kwarʉ poro, ayau'nokon nʉko'manyai'ne'.1 Koren 3:16
12 Mɨrɨ pe iyesi pɨ', utonpa ton, unkupʉnʉ kon kuru esi—e'tane u'naino kon umakooi kon pɨ' pen, tʉuko'mansan pe iteseru awɨrɨ pen. 13 Apʉne pʉra ɨuko'mamʉ kon pe iyesi yau a'naino kon amakooi kon awɨrɨ, ɨyerikʉ kon; e'tane Iya'kwarʉ winɨ ipun nʉkupʉ'pʉ ipoken pʉra tʉsa' auya a'tai ima'tato' ya', ɨuko'mamʉ kon nɨ, 14 apʉne pʉra kamoro, Papa A'kwarʉ narɨnʉ ton esi Papa munkɨ pe pɨ'. 15 Apʉne pʉra iya'kwarʉ eposa' auya'nokon pʉra iyesi enari'ke' pe e'nɨ poitorʉ pe kanan ɨwesi kon pa pen, e'tane Iya'kwarʉ eposa' auya'nokon imunkɨ pe ɨkonekanin kon,§imunkɨ pe ɨkonekanin kon; mɨrɨ pe pʉra, tʉmunkɨ pe ɨmo'kanin kon mɨrɨpan winɨ, “Apa,*Apa; Arami' maimu, Papai ta e'kwa pe. Papai,” ta'nokon.Ma' 14:36; Kare'siya 4:6 16 Iya'kwarʉ uya ekama tiwano' pe uya'kwarʉ kon pokon pe, urɨ'nokon esi Papa munkɨ pe tukai'. 17 Serɨ si munkɨ pe e'nɨ'nokon yau, intʉrʉnʉ anʉnnin pe e'nɨ—Papa nʉtʉrʉnʉ anʉnnin pe mɨrɨ awonsi'kɨ Kʉrai nanʉmʉnʉ intʉrʉnʉ anʉnnin pe iya'kɨrɨ, i'nai rɨ iyekota'mato' yau e'nɨsa' yau, eke pe iku'to' yau rɨ marɨ e'nɨto' pe.Kare'siya 4:5-7
Serɨ Enta' Eke Pe E'nɨto'
18 Usenuminka serɨ pe ekota'man na'ne' esi urɨ'nokon yau tʉusenpoika ton Papa uya ikupʉ winɨ eke pe iku'to' kaisa rɨ i'nʉnke' pe iyesi pen nɨ. 19 Ika'sa' kon enurikʉ tenu ke esii'ma Papa munkɨ amʉ' usenpoika enupɨkɨrɨ. 20 Tanporo ika'sa' ton ko'manʉkʉ'pʉ itiwano' pe ika'sa' epoto' iya piyapai, ɨko'manpai iyesi pɨ' pen. Serɨ e'kuu'pʉ iye'moronkato' pe ku'nin nʉ'pʉ poro, te'ku'se 21 ika'sa' kon nɨ emo'kato' pe ma'tanʉ'nin meruntɨrʉ apai, iyemo'kasa' kon Papa munkɨ pe eke pe te'ton kon pe.
22 I'tu'nokon tanporo ika'sa' kon a'nʉmʉ mʉre entunʉkʉ pɨ' e'nɨ kasa serɨ pʉ'kʉ pona rɨ. 23 Mɨrɨ kasa rɨken pen, e'tane urɨ'nokon nɨ nɨrɨ, iyepiya'tɨ pe te'sen Wakʉ A'kwarʉ eponin nʉ'san nɨ a'nʉmʉ u'nau'nokon enurikʉ tenu ke esii'ma uyanʉnto' kon pɨ' imunkɨ pe, upun kon e'mato'.2 Koren 5:2-4 24 Apʉne pʉra serɨ e'ku'nɨto' yau epika'tɨn nɨsa'. E'tane e'ku'nɨto' tensen pe na'ne' esi e'ku'nɨto' pe pʉra kuru rɨ. Ɨnʉ' ken te'ku'sen tenawon pɨ' rɨ? 25 E'tane e'ku'nɨ pe iyesi yau uyenau'nokon pʉra na'ne' pɨ', itenupɨkɨrɨ e'nɨ mɨrɨ tʉuseta'kai' pʉra.
26 Mɨrɨ kasa rɨ, Iya'kwarʉ uya upika'tɨ kon ɨ'sɨ'mʉra e'nɨto' yau. Ɨpʉreman nɨto' i'tu'nokon pʉra iyesi, e'tane Iya'kwarʉ rɨ ɨpʉrema upona'nokon ta'nʉnse main uya ekama poken pʉra rɨ. 27 Mɨrɨ awonsi'kɨ kʉrɨ uyewan kon warinpanin uya Iya'kwarʉ usenuminkato' i'tu, apʉne pʉra Iya'kwarʉ ɨpʉrema wakʉ ton Papa nʉkupʉ'san pona Papa e'to' i'se awɨrɨ.
Entakanin Nan Entai Rɨ
28 Mɨrɨ awonsi'kɨ i'tu'nokon tanporon yau rɨ Papa e'tʉrawasoma wakʉ pe ti'nʉnkanin ku'nin pe,†Tʉron nɨ imenukasa' ton yau, i'tu'nokon tanporon nɨ e'tʉrawasoma a'samʉtʉ yau wakʉ ku'nin pe kamoro Papa i'nʉnkanin nan pɨ' ikɨ'masa' kon mɨrɨto' pe ta'pʉ tʉuya awɨrɨ.‡e'tʉrawasoma wakʉ pe ti'nʉnkanin ku'nin pe, ɨkɨ'masa' kon mɨrɨto' pe ta'pʉ tʉuya awɨrɨ; mɨrɨ pe pʉra, e'tʉrawasoma a'samʉtʉ yau kamoro i'nʉnkanin nan pokon pe wakʉ pe te'sen ne'nin pe—kamoro ikɨ'masa' kon pokon pe mɨrɨto' pe ta'pʉ iya awɨrɨ. 29 Kamoro iwano' pe Papa uya wapiya i'tu'pʉ pena kanan to' koneka'pʉ iya Tʉmu kasa to' e'to' pe iwaraino kon pe, eke kuru iye'ka'sa' kon entaino pe wapiyaro' tʉmu pe tu'kan kon tonpa ton koro'tau. 30 Kamoro si pena tʉnkoneka'san, to' kɨ'masa' iya rɨ marɨ; kamoro tʉnkɨ'ma'san, anʉmʉ iya ipokena' pe; kamoro tʉnanʉmʉ'san ipokena' pe, kupʉ iya eke pe rɨ marɨ.
31 Ɨ'rɨ ken si ta serɨ ei'nin pe? Papa esi pe iyesi yau uwenai'nokon pe, ɨnʉ' ken si esi uyewa'nomanin kon pe? 32 Kʉrɨ rɨ Tʉmu teme'nin nʉ'pʉ pen, e'tane inonkanin nʉ'pʉ tanporon kon urɨ'nokon iwano' pe—nai kasa ken urɨ'nokon repa iya pʉra nesii'no ipokon pe wakʉ pe rɨ tanporon ke rɨ? 33 Ɨnʉ' uya nɨrɨ ken Papa nanʉmʉ'san pɨ' ɨri ton ta? Papa kʉrɨ rɨ anʉnnin ipokena' pe. 34 Ɨnʉ' kʉrɨ eno'manin? Kʉrai Sises, iyeri'sa' rʉ'pʉ—mɨrɨ entai, iye'mʉ'sa'kasa' rʉ'pʉ uko'man nɨto' ya'—esi na'ne' Papa emiyatʉ enwo'netʉ winɨ, urɨ'nokon pona rɨ nɨrɨ ɨpʉreman pɨ' te'sen. 35 Ɨnʉ' uya pantakan Kʉrai uya ui'nʉnkato' kon apai? Ɨ'rɨ uya katɨ, usewankaman nɨto' uya, sa'man yau e'nɨto' uya, mɨrɨ pe pʉra iwenai pʉra kota'man nɨto' uya mɨrɨ pe pʉra iwankan uya, mɨrɨ pe pʉra ipon pʉra e'nɨto' uya, mɨrɨ pe pʉra ɨsɨ yau e'nɨto' uya, mɨrɨ pe pʉra supara uya katɨ? 36 Iye'menukasa' na'ne' kasa:
“Ɨmɨrɨ'nokon epika'tɨto' pe uma'tan nɨto' yau ina esi pata tʉko'manʉ'se;
karimeru amʉ' iwɨto' kon pe iku'sa' kon kasa rɨ ina esi,”§Eren 44:22
tawon.
37 Kane, tanporo serɨ ton yau'ne e'nɨ'nokon entakanin nan entai kuru rɨ, kʉrɨ ui'nʉnkanin kon poro. 38 Apʉne pʉra apurɨsa' uya uma'tan nɨto' mɨrɨ pe pʉra uko'man nɨto', inserʉ amʉ' rɨ mɨrɨ pe pʉra makoi amʉ' rɨ,*makoi amʉ' rɨ; mɨrɨ pe pʉra, ka' epuru ton serɨ pe na'ne' mɨrɨ pe pʉra serɨ enta' na'ne', mɨrɨ pe pʉra ɨ'rɨ rɨ meruntɨ rɨ, 39 ka'tawon nɨ mɨrɨ pe pʉra i'nawon nɨ, mɨrɨ pe pʉra ɨ'rɨ rɨ tanporo ika'sa' yawon, uya pantakan pʉra rɨ iyesi Papa uya i'nʉnkan nɨto' apai Kʉrai Sises, uyepuru kon yau na'ne'.
*8:1 Tʉron nɨ ton emen imenukasa' ton uya iponantɨpɨ'sa', tʉuko'mansan i'naino makoi awɨrɨ pʉra e'tane a'kwarʉ awɨrɨ,
†8:2 umo'kasa'; tʉron nɨ imenukasa' ton yau, ɨmo'kasa' kon; tʉron nɨ rɨ marɨ yau, umo'kasa' kon
‡8:3 i'naino makoi; mɨrɨ pe pʉra, ipun; v. 4-5, 8-9, 12 yau rɨ nɨrɨ
§8:3 makoi mo'kanin pe tʉtʉsen pe; mɨrɨ pe pʉra, makoi iwano' pe
*8:3 tʉmakooikenan ka'pon yau; mɨrɨ pe pʉra, ipun yau
†8:6 Tʉmakooikenan ka'pon usenuminkato'; mɨrɨ pe pʉra, Usenuminkan nɨto' e'tʉsa' pun pɨ'
‡8:7 tʉmakooikenan usenuminkan nɨto'; mɨrɨ pe pʉra, usenuminkan nɨto' e'tʉsa' pun pɨ'
8:11 1 Koren 3:16
§8:15 imunkɨ pe ɨkonekanin kon; mɨrɨ pe pʉra, tʉmunkɨ pe ɨmo'kanin kon
*8:15 Apa; Arami' maimu, Papai ta e'kwa pe.
8:15 Ma' 14:36; Kare'siya 4:6
8:17 Kare'siya 4:5-7
8:23 2 Koren 5:2-4
†8:28 Tʉron nɨ imenukasa' ton yau, i'tu'nokon tanporon nɨ e'tʉrawasoma a'samʉtʉ yau wakʉ ku'nin pe kamoro Papa i'nʉnkanin nan pɨ'
‡8:28 e'tʉrawasoma wakʉ pe ti'nʉnkanin ku'nin pe, ɨkɨ'masa' kon mɨrɨto' pe ta'pʉ tʉuya awɨrɨ; mɨrɨ pe pʉra, e'tʉrawasoma a'samʉtʉ yau kamoro i'nʉnkanin nan pokon pe wakʉ pe te'sen ne'nin pe—kamoro ikɨ'masa' kon pokon pe mɨrɨto' pe ta'pʉ iya awɨrɨ.
§8:36 Eren 44:22
*8:38 makoi amʉ' rɨ; mɨrɨ pe pʉra, ka' epuru ton