3
ሰርዴስ መገን አመዕናኖ ዱእ ምናተ
1 «ሴርዴስ መገን አመዕናኖ ዱእ ምነ መላይኬቺሃ
«ለመለ መገን አያነለከ ለመል ቤዜት አፎሀኒች ጠወአሞዕሃን፤ ሆጉክ ደጋም፤ ጠለዕል ሱዕሙ ዮሄ ቤሉ አት ሬቶንት። 2 በቅይ፤ ሬሆተ ሆንጠኮሃለከ ፈቆሄ ቀዉ ወልቀክ ጠረኝስ፤ መገን ብሬን ሆጉክ ዊመ እካን ደጎምበአ። 3 ህንዴ መ ተማርሴመሄጎር መ ሞጮጭቶንትጎር ሰውይ፤ አገርስ፤ ቶበት፤ ጠዉ እኮጎሬ በቅ ይቱዕነ ድንገቴን ሞጋንችገ አሜታም፤ መ ወክት ኪቤቹ አሜታምገ ደጋንትበአ። ማቶ. 24፥43-44፤ ሉቃ. 12፥39-40፤ መና. 16፥15። 4 ጠዉ እኮጎሬ ኦድኑሰ ንጃስሶበእ ቀዉ መኑ ኪን ሜጡበ ሰርዴስ ከተማን ዮኡ፤ እሰ ዋጁተ ኦድኑተ ኦደኡ *ዋጁተ ኦድኑተ ኦደኡ፦ የኖሁ መኑ ኦደአኖ ነጠ ኦድኑተ እሁዕነ ኦርሸተ ቄሎ መኒሃ መገኑ ኣሰኖ መሲህ ኢሲሃ ወገሬት። ሀስሰኖሳሃ እኮቤቺሃ ዋጁተ ኦድኑተ ኦደእ ኢን ሜጡበ መርታአ። 5 ድለ አዕዮሀኒሃ እሰገን ዋጁተ ኦድኑተ ኦድሴኖ፤ አን ሱዕመስ አንኤለከ መላይከ ብሬን ሙንደዕይ ኩላም ቤሉ ሄእ መጻፊች ሱዕመስ ቤሳምበአ። ፉል. 32፥32-33፤ መዝ. 69፥28፤ መና. 20፥12፤ ማቶ. 10፥32፤ ሉቃ. 12፥8።
6 «መገን አያኑ መገን አመዕናኖ ጭምት ዱእ ምኒሃ የኖሃ መጨት ዮሲሁ ሞጮጩን» የኖት ይት ከተብ።
ፊሌዴልፍ መገን አመዕናኖ ዱእ ምናተ
7 ፊሌዴልፍ መገን አመዕናኖ ዱእ ምነ መላይኬቺሃ
«ጠሊለለከ ሀንቅ እኮሀኒቺት፤ ህትን እሲንከ ደዉዴ ቁልፉ ዮሲ እኮቤቺሃ እስ ፈኞ ኡሩተ አዪሁ ጡፈኖበአ፤ ህትን እስ ጡፎ ኡሩተ አዪሁ ፈነኖበአ። ኢሳ. 22፥22፤ አዩ. 12፥14። 8 ሆጉክ ደጎም፤ አዪሁ ጡፎተ አታለኖበእ ኡሩተ ብሬክ አዕዮም፤ ዎልቀክ ቀዉ እሁስ ደጎም፤ እሁን ቤሉ ላጋኤ አገርቶንት፤ ሱዕመኤ ካዶንትበአ። ኢሳ. 49፥23፤ 60፥14፤ 43፥4። 9 አይሁደ እኩዕናን አይሁድራን ይታእረ ህከ ሼይጣን ምኒ እኮ ክዝበኛኑት አሜት ሎከክ አሌን ኡብ ሰገዳሄገ አኣም፤ አን ኢቱኤ ደጋገ አኣም። 10 ፈረህ ይ አዘዦንኬ ላጋኤ አገርቶንትቤቺሃ ኣዱንያ አሌን ሄአኖሃ ጉዕመንከ ፌተንቶተ አሜታ ኦርሸ ወክቲች አገራንኬ። 11 አን ደዕል አሜታም፤ ህትን አዪሁ ኬሳሃ ዬመ ሽልማት አአኖሄበእገ ዮሄሃ ጠረኝስ አጵ። 12 ድለ አዕዮሀኒሃ ዱእ ምኒ ቱቃ አኣም፤ እስን ህከኒች ሆሮ ፉለኖበአ፤ መገንኔ ሱዕመለከ መገን ከተም ሱዕመ እስ አሌን ከተባም፤ ሁኩ ከተሙንኩ ሰሜች መገንኔ አዲች አሜታ ሃዕሮሃ ዬሩሳሌመ፤ ህትን ኢ ገይኤ ሃዕሮ ሱዕመ እስ አሌን ከተባም። መና. 21፥2፤ ኢሳ. 62፥2፤ 65፥15።
13 ህትን «መገን አያኑ መገን አመዕናኖ ጭምት ዱእ ምናተ የኖሃ መጨት ዮሲሁ ሞጮጩን የኖት» ይት ከተብ።
ሎዶቅይ መገን አመዕናኖ ዱእ ምናተ
14 ሎዶቅይ መገን አመዕናኖ ዱእ ምኒ መላይኬቺሃ
«እሁን እኮሃ፥ አመዕነሞለከ ሀንቅ ምስክር እኮሀኒች ህትን መገን ክልቀቲሃ ጉዕሚንከ ቡቁተ እኮሁ መሳ. 8፥22። 15 እስን አን ሆጉክ ደጋም፤ አት ቅዞንትያበአ ህከረንገ እቦንትያበአ፤ ህካን እኮቤቺሃ ቂዘ ህከረንገ ኢባቡ እኮንት እቃ ጡመ እቅ። 16 ቂዘ ህከረንገ ኢባቡ እኩዕነ ልብጭ ይቶንትቤቺሃ አፌችኤ ፉሽ ቱ ዮሄታት። 17 አት ‹ልግቡ ብሩ ዮኤ፤ ቀባጣሙሃን፤ ሆፈዕዮኤሁ መቱርቹሁ ዮኤበአ› ይታንቲት፤ ጠዉ እኮጎሬ ኦርሻሙ፥ ላፈ፥ ቡጥቹ፥ ቆቀለከ ከሉ እኮንትገ ደቅቶንትበአ። 18 አት ቀባጣሙ እኮተ ጊራን ሺል መኬ ዎርቀ ኢች ህዕርቶተ፥ ከልመክ ለልትበገ ድቦተ ዋጁ ኦድኑተ ህዕርቶተ ኦደኦተለከ ለኦተ እሌንከክ ቡዕርታንት እሌ ዘቡሃ †«እሌሀክ ደነ ቀጩ» የመም ፈሰረሞሁ ሀላብሳን «እሌ ዘቡ» የመሞኡ፤ መሰንትስ ግሪክ አፎን «እሌ ዘቡ» የኖሃ ቤሉ ደነ ቀሲሃ ቡዕሬኖሃበአ። ህዕርት ቡዕርታንትገ ሸዛንኬ። 19 አን ኢታም መነ ጉዕመንከ ኡሙዕራም፤ ቀጠኣንሰ፤ ህካን እኮቤቺሃ ሰጭትኬእ ቶበት። ምሳ. 3፥12፤ እብ. 12፥6። 20 አን ኡሮን ኡር ጡፈ ቆጫም፤ አዪሁ ላገእ ሞጮጭ ፈኞጎሬ እስቤቹ ኣግ እሲንን ሜጡበ እታም፤ ህትን እስን ኢን ሜጡበ እተኖ። 21 አን ድለ አዕዮሀኒሃ አኒንከኤ ጄነትስ ቦርጭማን አፉዕሌምሀንገን ህትን ቄሎሁ ጄነቴንኬኤ ቦርጭማን ኢን ሜጡበ አፉዕለኖገ አኣም።
22 «መገን አያኑ መገን አመዕናኖ ጭምት ዱእ ምናተ የኖሃ መጨት ዮሲሁ ሞጮጩን የኖት» ይት ከተብ።
3:3 ማቶ. 24፥43-44፤ ሉቃ. 12፥39-40፤ መና. 16፥15።
*3:4 ዋጁተ ኦድኑተ ኦደኡ፦ የኖሁ መኑ ኦደአኖ ነጠ ኦድኑተ እሁዕነ ኦርሸተ ቄሎ መኒሃ መገኑ ኣሰኖ መሲህ ኢሲሃ ወገሬት።
3:5 ፉል. 32፥32-33፤ መዝ. 69፥28፤ መና. 20፥12፤ ማቶ. 10፥32፤ ሉቃ. 12፥8።
3:7 ኢሳ. 22፥22፤ አዩ. 12፥14።
3:8 ኢሳ. 49፥23፤ 60፥14፤ 43፥4።
3:12 መና. 21፥2፤ ኢሳ. 62፥2፤ 65፥15።
3:14 መሳ. 8፥22።
†3:18 «እሌሀክ ደነ ቀጩ» የመም ፈሰረሞሁ ሀላብሳን «እሌ ዘቡ» የመሞኡ፤ መሰንትስ ግሪክ አፎን «እሌ ዘቡ» የኖሃ ቤሉ ደነ ቀሲሃ ቡዕሬኖሃበአ።
3:19 ምሳ. 3፥12፤ እብ. 12፥6።