اَلرِّسَالَةُ إِلَى ٱلْعِبْرَانِيِّينَ
في هاد البْرِيّة، ما مَدكور لا آسَم الكاتَب وَلا آسَم الناس اللي نْكَتبَتَّلهُم. الكاتَب عَندو تَقافة يونانِيّة بَصَّح يَعرَف مْليح كْتوب العَهَد القْديم. بايَن باللي كْتَب لناس مَسيحِيّين آصَلهُم يْهود، وهاد المَسيحِيّين كانو بْداو يْشَكّو فالشي اللي آمنو بيه معَ الأوَّل وكايَن منهُم حَتّى اللي عَوّلو يْبَطّلو يامنو.
الكاتَب بْعَتَّلهُم هاد البْرِيّة باش يْكَمَّلَّلهُم التَعليم اللي نالوه ويْرَجَّعَّلهُم التيقة فالإيمان. المَسيح هُوَ ابن الله، يَعني هُوَ تاني إلَه، ووَلّا بْنادَم باش كي مات، نَحّا القُوّة لروح الشَر.
المَسيح كْبير على المَلايكة وعلى موسى ويَشوع ورِيّاس رْجال الدين مْتاع العَهد القْديم. واللي يَفهَم المَعنى مْتاع الضْحِيّة فالعَهد القْديم يَفهَم مْليح قيمة ضْحِيّة المَسيح.
بالمَسيح اللي يَقدَر بْنادَم يَدخُل في عَلاقة معَ الله.
1
الإبن خير من المَلايكة
شْحال من مَرّة وبشْحال من صِفة، زْمان، كَلَّم الله الجْدود بالأَنبيا. فالأَخَّر مْتاع هاد اليامات، كَلَّمنا بوْليدو، اللي دارو وارَت لكُل شي، واللي بيه تاني خْلَق الزْمانات، هُوَ بْريق بْهاه، وهُوَ الرَسم مْتاع واش يْكون الله، رافَد كُل شي بكَلمة قُدَّرتو، وبَعد ما طَهَّر من الدْنوب، قْعَد فالعْلالي على يْمين جْلالة الله، ووَلاّ كْبير على المَلايكة ووْرَت آسَم خير من آسَمهُم.
خاطَر ليمَن من المَلايكة سْبَق قال: "أَنتَ وْليدي، أنا اليوم وْلَدتَك"؟ وزاد: "أنا نْكون باباه، وهُوَ يْكون وْليدي"، ويْزيد، كي بْعَت البْكَر فالدَنيا المَسكونة، يْقول: "لازَم كامَل مَلايكة الله يَسَّجدولو"، وعلى المَلايكة يْقول: "يْرَد المَلايكة مْتاعو رْياح، والخَدّامين مْتاعو لْهيب نار"، بَصَّح لوْليدو يْقول: "عَرشَك يا الله للدْوام، ومَلكَك تَحكُم فيه بالحَق، حَبّيت الحَق وكْرَهت الباطَل، على هَدا، دَهنَك الله إِلَهَك بزيت الفَرحة، وخَيّرَك على صْحابَك"، 10 و: "أَنتَ من الأَوَّل يا رَب حَطّيت لْساس للأَرض، والسْماوات صَنعة يَدّيك، 11 هومَ يَفناو وأنت تْدوم، كامَل يَقدامو كي اللْباس، 12 وتَطويهُم كيما يَنطوا البَرنوس، يَتبَدّلو تاني كي اللْباس. أنتَ كيما أنتَ، وعْوامَك ما يَخلاصوش". 13 ليمَن من المَلايكة سْبَق قال: "أَقعَد على يْميني، حَتّى نْحَط عَديانَك تَحت رَجليك؟" 14 ماشي كامَل أرواح يَخَّدمو الله، مَبعوتين على جال اللي لازَم يَوَّرتو السْلاك؟