36
Ntsukaya n Isuwa
1 Ele na ɗa ntsukaya n Isuwa, ko Edom.
2 Isuwa ta na u ɗikai a̱ma̱ci a̱ ni a̱ ubuta̱ wa aza a Kana'ana, Ada a̱yi ɗa mekere mo Elon va aza a Hitiya, Oholibama mekere ma Ana maku ma Zibiyon vuza va aza a Hiviya, 3 m Basematu mekere ma Isuma'ilu taku vu Nebatu.
4 Ada u matsakai Isuwa Elifaza, Basematu u matsakai ni tamkpamu Reyuwelu. 5 Oholibama feu u matsakai ni Jewushi, n Jalam, n Kora. Ele nanlo ɗa muku n Isuwa n na a matsakai ni a iɗika i Kana'ana.
6 Ɗaɗa Isuwa u ɗikai a̱ma̱ci a̱ ni, olobo a̱ ni, nkere n ni, koɓolo n uma a na i a kpa'a ku ni dem, n ilikuzuwa i ni ra̱ka̱, n anaka a̱ ni ra̱ka̱, koɓolo n ucanuku u na u ciya̱i ra̱ka̱ a iɗika i Kana'ana; ɗa u bonoi a iɗika i yoku da'in n vuza ni Yakubu. 7 U laza ta̱ adama a na ubuta̱ u na a̱yi wi n Yakubu u ɗika le ba; iɗika i na i o kuyongo i ɗika le ba, adama a kuzuwa ku le. 8 Adama a nannai Isuwa u da̱sa̱ngi a uɓon wu nsasan n Siyaru, Isuwa a̱yi ɗa ta na feu Edom.
9 Ele na ɗa ntsukaya n Isuwa, tsukaya tsa aza e Edom.
10 Ele na ɗa ula a̱ muku n Isuwa:
Elifaza maku ma Ada vuka vu Isuwa, Reyuwelu maku ma Basematu vuka vu Isuwa feu.
11 Muku mo olobo n Elifaza ele ɗa,
Timan, Omaru, Zefo, Gatamu, n Kenazu.
12 Elifaza kolobo ka Isuwa u zuwa ta̱ vuka vi yoku vu na vi n kula Timan ali u matsakai ni maku ma na mi n kula Ameleki. Ele nanlo ɗa muku mo olobo n Isuwa n na Ada u matsakai ni.
13 Ele na ɗa muku mo olobo n Reyuwelu;
Nahatu, Zera, Shama, n Miza. Ele na ɗa kpamu muku mo olobo n Isuwa n na vuka vi ni Basematu u matsakai ni.
14 Muku mo olobo n Oholibama vuka vi Isuwa mekere ma Ana vu Zibiyon. Ele ɗa Jewushi, n Jalam, n Kora.
15 Na ɗa umaci u tsukaya tsu na tsu uta̱i a̱ ubuta̱ u Isuwa. Kolobo ka iyain ka Isuwa Elifaza a̱yi ɗa wi ishi akaya a umaci u nampa: Teman, Omaru, Zefo, Kenazu, 16 n Kora, Gatamu n Ameleki. Ele ra̱ka̱ aza a gbagba'in a Elifaza a ɗa a Edom, ntsukaya n Ada vuka vi Isuwa ɗa.
17 Reyuwelu maku ma Isuwa a̱yi ɗa akaya a umaci u nampa a Edom: Nahatu, Zera, Shama, m Miza. Ele ra̱ka̱ ntsukaya m Basematu vuka vi Isuwa ɗa.
18 Na ɗa umaci u tsukaya tsu na tsu uta̱i a̱ ubuta̱ u Isuwa n vuka vi ni Oholibama, mekere ma Ana: Jewushi, Jalam, n Kora.
19 Umaci u na mpa ra̱ka̱ ele ɗa ntsukaya n na mu uta̱i a̱ ubuta̱ u Isuwa, ɗaɗa Edom.
20 Ele na ɗa olobo e Siyaru vuza va aza o Horitu, ele na i ida̱shi a iɗika ya: Lotan, n Shobalu, n Zibiyon, koɓolo n Ana, 21 n Dishon, n Eza, n Dishan feu. Ele na ɗa umaci wa aza o Horitu muku n Siyaru aza a iɗika i Edom.
22 Muku mo olobo n Lotan ele ɗa
Hori n Heman. A̱yi Lotu wi ta̱ n vuza ni vuza kula Timina.
23 Muku mo olobo n Shobalu ele ɗa
Alavan, n Manahatu, n Ebalu, n Shefo, koɓolo n Onamu.
24 Ele na ɗa feu muku mo olobo n Zibiyon:
Ayiya n Ana. Ana vu nanlo va a̱yi ɗa we enei meyenike mu usuɗukpi na ɗe a kakamba, a ayin a na wi a kuguɓa njaki me esheku.
25 Muku n Ana n ɗa na:
Dishon, n Oholibama mekere ma Ana.
26 Muku mo olobo n Dishon ele ɗa na:
Hemadan, Esheban, Itiran, n Keran.
27 Muku n Eza ele ɗa
Bilihan, Zavan, n Akan.
28 Muku n Dishan ele ɗa
Uzu n Aran.
29 Ele na ɗa ngono n Horitu:
Lotan, n Shobalu, n Zibiyon n Ana, 30 n Dishon, n Eza, n Dishan. Ele ɗa ngono n Horitu, a uteku u na e pecuki a iɗika i Siyaru.
Ngono n Edom
31 Ele na ɗa ngono n na n lya'i tsugono a Edom kafu ngono ma aza a Isaraila a lya'a tsugono ci le ɗe.
32 Bela maku ma Beyo u lya'i tsugono a Edom. Kula ku likuci ku ni ku ɗa Dinahaba.
33 Bela u kuwa̱i, ɗa Jobabu maku ma Zera vu Boza u lya'i kelime n tsugono.
34 Ana Jobabu u kuwa̱i feu, ɗa Husham a iɗika ya aza a Tema wo okpoi mogono.
35 Husham feu u kuwa̱i, ɗa Hadadu maku ma Bedadu vuza na u lya'i aza a Midiya n kuvon a̱ likuci i Mowabu, wo okpoi mogono. Kula ki iɗika i ni ku ɗaɗa Avitu.
36 Hadadu u kuwa̱i, ɗa Samula vu Masareka wo okpoi mogono.
37 Ana Samula feu u kuwa̱i, Shawu vu Rehobotu vu uɓon u kuyene ku Yufiretus wo okpoi mogono.
38 Shawu u kuwa̱i, ɗa Balu-hanan maku ma Akubo wo okpoi mogono.
39 Balu-hanan maku ma Akubo feu u kuwa̱i, ɗa Hadaru wo okpoi mogono. Kula ku likuci ku ni ku ɗaɗa Pawu. Kula ku vuka vi ni ku ɗaɗa Mehetabelu mekere ma Materedu a̱yi feu mekere ma Mezahabu ma'a.
40 Ele na ɗa ngono ma aza e Edom a uteku u na umaci u le wi n uteku wu ubuta̱ u na i. Ele ntsukaya n Isuwa n ɗa. Ula e le a ɗa,
Timina, n Aliva, n Jetetu, 41 Oholibama, n Ela, n Pinon, 42 n Kenezu, n Teman, m Mibizaru, 43 m Magadiyelu, n Iram. Ele na ɗa ishi ngono ma aza a Edom, n ubuta̱ u na o yongoi n uteku wi iɗika i na a̱ ka̱na̱i.
A̱yi na ɗa Isuwa esheku a aza e Edom.