1 Na ɗa ngono mi iɗika n na aza a Isaraila a lya'i n kuvon, ali ɗa a ɗikai uka̱ni wi iɗika i le dem. A ɗikai uɓon u kasana u Kuyene ku Urudu, a̱ gita̱i a uɓon u ka̱ra̱'a̱ ka Aruno ali a kubana a Kusan ku Hamonu, koɓolo kpamu n uɓon u kasana ra̱ka̱ u Araba. 2 Ele ɗa Sihon mogono ma aza a Amoriya ma na mo yongoi a Heshibon, vuza na u lya'i tsugono ili i na i ɗikai a Arowa a uteku u ka̱kina̱ ka̱ ka̱ra̱'a̱ ka Aruno, e mere ma̱ ka̱ra̱'a̱ ma ali a kubana e kuyene ku Jaboku, a uteku wi iɗika ya aza a Amona, wi ta̱ koɓolo n kagimi ka Giliyadu. 3 U lya'i kpamu tsugono a uɓon u kasana ka Araba a ili i na i ɗikai a Mala ma Kineretu*12:3 Kineretu E ci ɗekei ta̱ kpamu n kula mala ma̱ Ga̱lili. ali a kubana a Mala ma Araba, ɗaɗa Mala ma mkpaɗi, u ɗikai kpamu a kubana e Betu-jeshimotu, ɗa u bonoi kpamu a uɓon u ɗaka a̱ ka̱ra̱'a̱ ka Pisiga. 4 N uɓon wi iɗika u Ogu mogono ma Bashan, vuza na u buwai a̱ ka̱tsuma̱ ka uma a Refimu ɗa kpamu u lya'i tsugono a Ashitarotu n Edire. 5 U lya'i tsugono a Kusan ku Hamonu, n Saleka, n uɓon u Bashan ra̱ka̱ ali a kubana a uteku wa aza a Geshuru n aza a Makatu, n kagimi ka Giliyadu ali a kubana a̱ a uteku wi iɗika i Sihon, mogono ma Heshibon. 6 Musa kagbashi ka Vuzavaguɗu koɓolo n aza a Isaraila a lya'i le n kuvon. Ɗaɗa Musa va u nekei kumaci ka aza a Ruben n ka aza a Gadu, n kagimi ka kumaci ku Manasa iɗika ya, yo okpoi yi uka̱ni i le.12:6 Mkc 32:33; Wil 3:12

7 Ele na ɗa ngono mi iɗika n na Jesuwa n uma a Isaraila a lya'i n kuvon a ukambu u ka̱livi ka̱ Urudu, ili i na i ɗikai a Bala-gadu punu a̱ ka̱ra̱'a̱ ka Lebano ali a kubana a Kusan ku Halaku ku na ku banai a uɓon u Siyaru. Ɗa Jesuwa u nekei iɗika i le ya a kumaci ka aza a Isaraila yo okpoi yi uka̱ni i le tsu na upecu u ka̱na̱i, 8 n iɗika ya aginda n uɓon wa̱ a̱ra̱'a̱ n ka̱ra̱'a̱ ka Araba n uɓon wa̱ a̱gida̱la̱u n meremune n Negebu, ɗaɗa iɗika ya aza a Hitiya n aza a Amoriya n aza a Kana'ana n aza a Periziya n aza a Hiviya koɓolo n aza a Jebusiya. 9 Aza a Isaraila a lya'i ngono mi iɗika i nampa n kuvon. Mogono ma Jeriko, mogono ma Ai ɗevu m Betelu, 10 mogono ma Urushelima, m mogono ma Heburon, 11 m mogono ma Jarumutu, m mogono ma Lakishi, 12 m mogono ma Igulonu, m mogono ma Geza, 13 m mogono ma Debiri, m Betu-gada 14 m mogono ma Horuma, m mogono ma Aradu. 15 Koɓolo m mogono ma Libina, m mogono ma adulam, 16 m mogono ma Makeda m mogono ma Betelu, 17 m mogono ma Tapuwa, m mogono ma Hefa, 18 m mogono ma Afeku, m mogono ma Sharon. 19 Koɓolo kpamu m mogono ma Madon, m mogono ma Hazoru, 20 m mogono ma Shimironu-meronu, m mogono ma Akashafa, 21 m mogono ma Tanaku, koɓolo m mogono ma Magido, 22 m mogono me Kedeshi m mogono ma Jokinimi a Kamelu, 23 m mogono ma Doru a Nafata, koɓolo m mogono ma Goyim a Giliga. 24 Koɓolo kpamu m mogono ma Tiza, ele ɗa ngono kamangankupa m me te ra̱ka̱.