1 Ɗa e nekei kumaci ku Yahuda upecu uteku tsu na i kpa'a-kpa'a a uɓon u ɗaka, e kure ka aza a Edom, a kakamba ka Zinu ɗe da'angi a uɓon u ɗaka. 2 Kure ku le ku gita̱ ta̱ uɓon u ɗaka ɗa ku lazai a kubana e kelime ka mala ma mkpaɗi ku na ki a kinda a uɓon uɗaka, 3 ɗa ku lya'i kelime a kubana a uɓon u ɗaka u Akarabim, ɗa ku lazai ku tonoi n Zinu, ɗa ku gaɗukpai n tsu ɗaka tsu Kadeshi-baniyan n tsu uɓon u Hezuron a kubana Adaru ɗa ku kpatalai ku bonoi a Karka. 4 Ka̱ta̱ ku laza a kubana Azemonu, ku tono n uɓon u kuɗolu ku Masar, ka̱ta̱ ku zuwa uteku a mala. Nava ɗaɗa wo kokpoi kure ku ɗa̱ n tsu ɗaka. 5 Kure ku le n uɓon u kasana ɗaɗa mala ma mkpaɗi a kubana a̱ ka̱kina̱ ka̱ Urudu. Ka̱ta̱ kure ku uɓon u gaɗi kugita̱ n ka̱kina̱ ka a̱ ubuta̱ u na kuyene ku Urudu ku gida̱la̱i a mala. 6 Ka̱ta̱ kure ka ku gaɗukpa a kubana a Betu-hogula ka̱ta̱ kutono n tsu gaɗi tsu Betu-araba. Yeve ka̱ta̱ ku ɗa ku bono a katali ka Bohan kolobo ka Ruben. 7 Ɗa kure ka ku gaɗukpai ili i na i ɗikai a̱ ka̱ra̱'a̱ ka Akoru a kubana a Debiri, ɗa kpamu ku kpatalai n tsugaɗi o kubono a Giliga vu na vi a kinda kaginda ka Adumi ka na ki n tsu ɗaka tsu ka̱ra̱'a̱. Ka̱ta̱ ku ɗa ku laza o kutono ka̱kina̱ ka̱ mini ma Eni-shemeshi, yeve ka̱ta̱ ku ɗa ku zuwa uteku a Eni-rogelu. 8 Yeve ka̱ta̱ kure ka ku gaɗukpa a kubana a̱ ka̱ra̱'a̱ ka Hinomu a̱ ka̱gida̱la̱u a uɓon u ɗaka wa aza a Jebusiya, ɗaɗa Urushelima. Ɗa kure ka ku bonoi ku gaɗukpai gaɗi vu kusan ku na ku vaki a kinda ka̱ra̱'a̱ ko kolobo ka Hinomu, a̱ ka̱kina̱ ka̱ ka̱ra̱'a̱ ka aza a Refimu n tsugaɗi. 9 Ka̱ta̱ kpamu ku tono ɗe n gaɗi vu kusan a kubana a̱ a̱shi mini ma Nefutuwa, ka̱ta̱ ku lapa a kubana a̱ likuci yi nsansa n Efuron. Yeve ka̱ta̱ ku ɗa ku kondorokpo ku bono a Bala, ɗaɗa Kiriyatu-jerimu. 10 Ka̱ta̱ kure ka ku ya'an mashingi n tsu ka̱livi n Bala a kubana a kusan kugbayin ku Seyiru, ka̱ta̱ ku laza a n uɓon gaɗi kubana a kusan kugbayin ku Jerimu ɗaɗa Kesalon, ɗa ku gida̱la̱i a kubana a Betu-shemeshi, ɗa kpamu ku lazai a kubana a Timuna. 11 Ka̱ta̱ kpamu ku ɗa ku tono a̱ kugida̱la̱ a Ekoron n tsugaɗi, ka̱ta̱ ku ɗa ku kpatala a kubana Shikeron, ka̱ta̱ ku laza a kubana a katali kagbayin ka Bala, ka̱ta̱ ku laza a kubana Jabunilu. Ka̱ta̱ ku zuwa uteku a mala. 12 Kure ku le kpamu n tsu uɓon u ka̱livi ɗaɗa uteku u mala ma gbayin. Na lo ɗa kure ku na ku kanzai aza a Yahuda, uteku tsu na i kpa'a-kpa'a.

13 Uteku tsu na Vuzavaguɗu u danai Jesuwa u neke Kelepu kolobo ka Jefune ugboku wi iɗika e mere ma aza a Yahuda. Ɗa u nekei Kelepu Kiriyatu-araba, ɗaɗa Heburon, Araba va a̱yi ɗa akaya a Anaki. 14 Ɗa Kelepu u lokoi kumaci ku tatsu ka aza a Anaki ɗe a Heburon, Shishayi n Ahiman koɓolo n Talimayi, kumaci ku Anaki. 15 Ɗa kpamu u ɗa̱nga̱i u banai u shilika̱i n aza a Debiri a na n ci cau e ci ɗeke n kula Kiriyatu-sefa. 16 Ɗa Kelepu u danai, <<Yaba dem na baci u lya'i Kiriyatu-sefa n kuvon, n kuneke yi ta̱ mekere ma̱ va̱ Akasa u zuwa.>> 17 Ɗa Otiniyelu kolobo ka Kenazu, vangu vu Kelepu, u lya'i likuci ya ɗa Kelepu u nekei ni mekere ma̱ ni Akasa wo okpoi vuka vu ni. 18 Ana Akasa u ta̱wa̱i a̱ ubuta̱ u ni, ɗa Otiniyelu u kushai ni u folono esheku a̱ ni e ne'e yi kakamba. Ana ta na u cipa̱i a majaki ɗa Kelepu we ecei ni, <<Yiɗa̱i vu cigai?>> 19 Ɗa u danai, <<Ya'an n ciya̱ una̱singai wa̱ nu. Vu neke mu ta̱ ɗe kashina a̱ likuci i Negebu, gogo na n ciga ta̱ vu neke mu nɗolu kpamu.>> Ɗa Kelepu u nekei ni nɗolu n na mi a kaginda nu n na mi ɗaka vu a̱ra̱'a̱.

20 Na ɗa ili yi uka̱ni i kumaci ku Yahuda uteku tsu na i kumaci-kumaci. 21 Likuci i kumaci ku Yahuda i na yi n tsu ɗaka ka̱u, a kubana e kure ku Edom, i ɗaɗa Kabuzeyelu n Eda n Jaguru, 22 n Kina n Dimona n Adada, 23 n Kedeshi n Hazoru n Itana, 24 n Zifa n Telem m Bilotu, 25 n Hezuron-hadata n Kiriyotu-hezuron, ɗaɗa Hazoru, 26 n Amamu n Shema m Molada, 27 n Haza-gada n Heshimo m Betu-peletu, 28 n Haza-shuwalu m Biyasheba m Biziyotiya, 29 m Bala n Iyim n Izimu, 30 n Elitoladu n Kesili n Horuma, 31 n Zikilagu m Madumana n Sansana, 32 n Lebawatu n Shilihim n Ayini n Rimon. Dem vu le ele ɗa likuci kamanga n kuci koɓolo n likuci i wawa'a i le.

33 A uɓon kumi ku kusan tamkpamu ele ɗa, Eshitawo n Zora n Ashina, 34 n Zanowa n En-ganimu n Tapuwa n Enamu, 35 n Jarumutu n Adulam n Soko n Azeka, 36 n Sharayimu n Aditayimu n Gedera, n Gederotayimu. I ta̱ likuci kupa n i na̱shi koɓolo n likuci i wawa'a i le.

37 Koɓolo kpamu n Zena n Hadasha m Migidalu-gadu, 38 n Diliyan m Mizipe n Jokiteyelu, 39 n Lakishi m Bozikatu n Igulonu, 40 n Kabon n Lahamasu n Kitilishi, 41 n Gederotu m Betu-dagon n Nama, m Makeda. Dem vu le ele ɗa likuci kupa n i ta̱li koɓolo n likuci i wawa'a i le.

42 Koɓolo kpamu n Libina n Eta n Ashan, 43 n Ipata n Ashina n Nezibu, 44 n Kayila n Akizibu m Maresha. Dem vu le likuci kuci koɓolo n likuci i wawa'a i le.

45 N Ekoron, koɓolo n likuci i gbagba'in n i wawa'a i ni, 46 i na i ɗikai ɗe a Ekoron a kubana a mala, koɓolo n likuci i gbagbain ni i wawa'a dem i na yi ɗevu n Ashidodu.

47 Ashidodu koɓolo n likuci i gbagba'in n i wawa'a i ni, Gaza koɓolo n likuci i gbagba'in n i wawa'a i ni, ɗa ku bonoi e kuyene ku Masar a kubana a̱ ka̱kina̱ ka Mala ma gbayin.

48 Likuci i na kpamu yi a̱ ubuta̱ wa aginda ele ɗa, Shamiru n Jatiru, n Soko, 49 n Dana n Kiriyatu-sefa (ɗaɗa e ci ɗeke Debiri), 50 n Anabu n Eshitemo Animu, 51 n Goshen Holon koɓolo n Gilo. Dem vu le ele ɗa likuci kupa n i te koɓolo n likuci i wawa'a i le.

52 Arabu n Ruma n Eshan kpamu feu i ta̱ lo, 53 n Janimu n Betu-tapuwa n Afika, 54 n Humuta Kiriyatu-araba (ɗaɗa e ci ɗeke Heburon), koɓolo n Ziyo. Ele ɗa likuci kuci koɓolo n likuci i wawa'a i le.

55 Mawon n Kamelu n Zifa n Juta kpamu i ta̱ lo, 56 n Jezirelu n Jokideyam n Zanowa, 57 n Kayin n Gibiya koɓolo n Timuna. Ele ɗa likuci kupa koɓolo n likuci i wawa'a e le.

58 Halihulu m Betu-zuru koɓolo n Gedo feu i ta̱ lo, 59 m Maratu m Betu-anotu koɓolo n Elitekon. Ele ɗa likuci i ta̱li koɓolo n likuci i wawa'a i le.

60 Kiriyatu-balu, ɗaɗa feu e ci ɗeke (Kiriyatu-jerimu), koɓolo n Raba. Ele ɗa likuci i re koɓolo n likuci i wawa'a i le.

61 Likuci i na tamkpamu yi akamba, ele ɗa, Betu-araba m Midi koɓolo n Sekaka, 62 n Nibushan likuci yi mkpaɗi, koɓolo n Engedi. Ele ɗa likuci i ta̱li koɓolo n likuci i wawa'a i le.

63 Ama aza a Yahuda a fuɗa o loko aza a Jebusiya a na i punu ida̱shi a Urushelima ba, kpamu ali n anana aza a Jebusiya i ta̱ punu ida̱shi koɓolo n aza a Yahuda a Urushelima.