8
Tsugbayin tsu Ka̱shile n vuma
Kadanshi a kubana u vuza vu kelime vi ishipa: Vishipa vu Dawuda: a kubana u ma̱zuɓi a yaꞋan vu ɗa tsu na <<Giti.>>
Vuzavaguɗu, Vuzavaguɗu tsu,
e yeve ta̱ tsugbayin tsu nu a̱ ubuta̱ dem aduniyan,
avu na ucikpi u nu u yawai ɗe gaɗi,
Muku nu nreɓu a kucikpa wu.
ucikpi u nu wo okpo ta̱ mashilya a irala i nu,
adama a na a shamgbatangu irala i nu,
n aza a na i a kuciga kutsupa.
Ana mi indai gaɗi,
ulinga we ekiye a̱ nu,
wotoi n azangata,
a na vu zuwai a̱ ubuta̱ wi ida̱shi i le.
Ɗa n danai, yayi vuma ali vi a̱ kusa̱Ꞌa̱ yi?
Yayi vuma vu lima̱ ali vi a̱ kula̱na̱ yi?8:4 Ishp 144:3; A Ib 2:6
N nannai dem, avu ɗa baci ba,
babu ili i na i laꞋi vuma,
ali vu nekei ni tsugbayin n ucikpi.
Vu zuwai ni u lyaꞋa tsugono ci ili i na vu yaꞋin dem,
Vu zuwai ili ra̱ka̱ yi okpoi ekiye a vuma,8:6 1 Kor 15:27; Af 1:22; A Ib 2:8
nu nlala n anaka,
nu nnama n kakamba feu,
nu nnu n adan,
ni ili i wuma i mini ra̱ka̱.
Vuzavaguɗu, Vuzavaguɗu tsu,
e yeve ta̱ tsugbayin tsu nu a̱ ubuta̱ dem aduniyan.

8:4 8:4 Ishp 144:3; A Ib 2:6

8:6 8:6 1 Kor 15:27; Af 1:22; A Ib 2:8