23
Vuzavaguɗu ɗa maguɓi ma̱ va̱,
Vishipa vu Dawuda.
1 Vuzavaguɗu maguɓi ma̱ va̱ maꞋa,
mi a ku namba ili ba.
2 U tsu zuwa mu ta̱ n yongo a̱ ubuta̱ u na wi n ijanu i ta̱ku,
u tsu tono ta̱ nu mpa a uɓon wu nyeneke n na mi e ku yene sawu.
3 U tsu doku mu ta̱ utsura.
U tsu tono ta̱ nu mpa a uye wu usuɓi,
adama a na a cikpa kula ku ni.
4 Ko ɗa baci n tonoi n kpenle ku ka̱yimbi ku ukpa̱,
mi a kupana wovon ba,
adama a na vi ta̱ koɓolo nu mpa,
kalangu ka nwalu ka̱ nu,
n kalangu ka kaguɓa ka̱ nu,
i ta̱ a̱ kula̱na̱ mu,
i ta̱ e ku ere wuma u va̱.
5 Vu foɓuso ko mu ta̱ ka̱ɗiva̱,
e kelime ki irala i va̱,
vu erengu mu ta̱ n maniꞋin me kerengu,
meyelyu ma̱ va̱ ma shanai ali ma ɓarakpai.
6 Mayun, kasingai ka̱ nu n ucigi u nu,
wi ta̱ o kuyongo nu mpa a ayin a wuma u va̱ dem,
ka̱ta̱ n da̱sa̱ngu a kpaꞋa ku Vuzavaguɗu ko wannai.