132 অধ্যায়
যাত্ৰাৰ সঙ্গীত।
হে যিহোৱা, তুমি দায়ুদৰ পক্ষত থাকি তেওঁ সহন কৰা সকলো ক্লেশ সোঁৱৰণ কৰা;
তেওঁ কেনেকৈ যিহোৱাৰ ওচৰত শপত খাইছিল,
যাকোবৰ সর্বশক্তিমান জনাৰ ওচৰত সঙ্কল্প কৰিছিল।
তেওঁ কৈছিল, “মই নিজ গৃহত প্রৱেশ নকৰিম,
নিজৰ শয্যাতো শয়ন নকৰিম,
মই মোৰ চকুক নিদ্রা যাবলৈ নিদিম,
চকুৰ পতাক তন্দ্রা-মগ্ন হ’বলৈ নিদিম,
যেতিয়ালৈকে মই যিহোৱাৰ কাৰণে এক স্থান বিচাৰি নাপাওঁ,
যাকোবৰ সর্বশক্তিমান জনাৰ কাৰণে এক আবাস বিচাৰি নাপাওঁ।”
চোৱা, আমি ইফ্ৰাথাত এই বিষয়ে শুনিছিলোঁ,
কিন্তু যিয়াৰৰ পথাৰত তাক পালোঁ।
“আহাঁ, আমি তেওঁৰ আবাসলৈ যাওঁ,
তেওঁৰ চৰণ তলত প্ৰণিপাত কৰোঁ।”
হে যিহোৱা, উঠা; তোমাৰ বিশ্রাম স্থানলৈ আহাঁ;
তুমি আহাঁ আৰু তোমাৰ শক্তিৰ চন্দুক আঁহক।
তোমাৰ পুৰোহিতসকলে ধাৰ্মিকতাৰূপ বস্ত্ৰ পিন্ধক,
তোমাৰ ভক্তগণে আনন্দ-ধ্বনি কৰক।
10 তোমাৰ দাস দায়ুদৰ কাৰণে তোমাৰ অভিষিক্ত ৰজাক তুমি বিমুখ নকৰিবা।”
11 যিহোৱাই দায়ুদৰ আগত নিশ্চিত ৰূপে এই শপত খালে,
তেওঁ তাৰ পৰা কেতিয়াও বিচলিত নহ’ব;
“তোমাৰ ঔৰসত জন্মা সন্তান সকলৰ এজনক মই তোমাৰ সিংহাসনত বহুৱাম।
12 তোমাৰ সন্তান সকলে যদি মোৰ নিয়মটি পালন কৰে,
আৰু মই দিয়া আদেশবোৰ মানি চলে, যিবোৰ মই তেওঁলোকক শিকাম,
তেন্তে তেওঁলোকৰ সন্তান সকলেও চিৰকাললৈকে তোমাৰ সিংহাসনত বহিব।”
13 কিয়নো যিহোৱাই চিয়োনক মনোনীত কৰিলে,
তেওঁ নিজৰ আবাসৰ কাৰণে তাকে বিচাৰিলে;
14 তেওঁ ক’লে, “এয়ে মোৰ চিৰকালৰ বিশ্ৰাম স্থান;
মই এই স্থানতে বাস কৰিম, কিয়নো মই ইয়াকে ইচ্ছা কৰিলোঁ।
15 মই চিয়োনৰ খাদ্য-বস্তুক অধিক আশীৰ্ব্বাদ কৰিম,
মই ইয়াৰ দৰিদ্ৰ লোকসকলক আহাৰেৰে তৃপ্ত কৰিম,
16 মই ইয়াৰ পুৰোহিতসকলক পৰিত্ৰাণ ৰূপ বস্ত্ৰ পিন্ধাম;
ইয়াৰ ভক্তসকলে উচ্চস্বৰেৰে আনন্দ ধ্বনি কৰিব।
17 তাতে মই দায়ুদৰ বংশৰ পৰা এজনক মহান ৰজা পাতিলো,
মই সংৰক্ষণৰ কাৰণে মোৰ নিৰ্বাচিত এজনক ৰজা স্বৰূপে নিযুক্ত কৰিলোঁ* মই সেই ঠাইত দায়ুদৰ কাৰণে এটি শিং উদ্ভৱ কৰিম, মই মোৰ অভিষিক্তজনৰ কাৰণে এক প্ৰদীপ যুগুত কৰালোঁ।
18 মই তেওঁৰ শত্ৰুবোৰক লজ্জাৰূপ বস্ত্ৰ পিন্ধাম,
কিন্তু তেওঁৰ মূৰত হ’লে তেওঁৰ কিৰীটি জিলিকি থাকিব। কিন্তু তেওঁৰ ৰাজত্ব উন্নতিশীল হ’ব।

*132 অধ্যায়:17 মই সেই ঠাইত দায়ুদৰ কাৰণে এটি শিং উদ্ভৱ কৰিম, মই মোৰ অভিষিক্তজনৰ কাৰণে এক প্ৰদীপ যুগুত কৰালোঁ।

132 অধ্যায়:18 কিন্তু তেওঁৰ ৰাজত্ব উন্নতিশীল হ’ব।