1 Haû mù luî, nungmoq gi, Hkrisduq eq rahá lhoq dui toq é hui bekô nghut jáng, Garai Gasâng é loqyo hkyam*Loqyo hkyam nghû é gi, ahko ahkáng wó é jowò lé gâ é nghut lhê. má zung tô é Hkrisduq é jowò má joq é, ahtoq mâ é azíng zê pé lé myit ô nau nyì keq. 2 Nungmoq gi, myidàm htoq mâ é azíng zê lé myit tuî é a nghut é za, ahtoq mâ é azíng zê lé myit tuî nyì keq. 3 Hkâsu mù gâ le, nungmoq gi, shî bekô nghut luî, ahkuî, nungmoq é asak gi, Hkrisduq eq rahá, Garai Gasang má haq tô é hui bekô nghut ri. 4 Nungmoq é asak nghut sû, Hkrisduq htoq shit é hkûn, nungmoq le, Yhang eq rahá, hpungwup shingkang hkaû má htoq shit kó râ nghut lhê.

5 Haû mù luî, nungmoq é mingkan hkyô eq sêng é, ashop é dông gungsho zùm yap é hkyô, agot a-û nyì zô lhûm é hkyô, ye lhaí nau é hkyô, agè ashop yut yut ô nau é hkyô eq, hparà noq hkyô nghut é myoqnoq hkyô pé haî lé le sat pyám keq. 6 Haú hkyô pê é yanmai, Garai Gasâng é nhikmo-yo hkyô gi, jìno a gyo bâng é ahtoq má†Jìno a gyo bâng é ahtoq má, gâ é dang, chyúmding ra-am má a bò nghut lhê. jé râ za nghut lhê. 7 Laî lò bê hkûn, nungmoq le, haú hkyô pé dông sô wú kô é nghut lhê. 8 Nghut kôlhang, ahkuî, nungmoq gi, nhikjum yô é, nhikmo-yô é, agè ashop é dông nò shoq kut é, lumù gansang é eq, nungmoq é nhutwuî mai hkunchoq taî é hkyô shí pé banshoq lé, yhumsing gùng yhumsîng tô pyám râ dut lhê. 9 Rayuq eq rayuq hkâ-mhaû lhum kó; hkâsu mù gâ le, nungmoq gi, nungmoq é byù xau eq byù xaû é nyì yap hkyô lé hkyut pyám mù, 10 byù sik lé tû wut yû kô é nghut lhê; byù sik haû gi, sumsé hpaqchyî dông mai, yhang lé hpân Su é gungdu isâm má asik jat lò nhang é huî nyi ri. 11 Byù sik má gi, Grik eq Yudaq byù nghu é, ahpyo-kuq hpyit hkâm bang eq a hkâm bang nghu é, byù bíng eq byù jum nghu é, jùn eq jùn a nghut sû nghu é a nyì lô é za, Hkrisduq gi, banshoq nghut mù, banshoq má nyi nyi ri.

12 Haû mù luî, Garai Gasâng èq hkyin yù huî é bang, Yhâng èq gyai yhang chyitdap é huî é chyoiyúng bang dông, shogyo myit, gè hkyô shit é myit, lhoq nyhum é myit, nú nhâm é myit eq myit hing é hkyô pé lé, yhumsing gùng yhumsîng mebu su wut to keq. 13 Nungmoq yhangchang mara kut shut é hkyô joq é nghut jáng, hkam jan byî lhum luî, rayuq eq rayuq mara hkyut byî lhum keq. Haû Yhumsîng gi, nungmoq é mara hkyut pyám byî é su, nungmoq le mara hkyut byi keq. 14 Haû ge é sâmlai banshoq wó é htoq agó, gumjup é rading ralhum za dut é hkyô má, banshoq lé rahá wó tuî zing tô é chyitdap myit lé puq wut to keq.

15 Nungmoq gi, nguingón hkyô wó râ matú ji yu é hui bekô nghut mù, gungdu ralhum mâ é bang chyat nghut bekô yanmai, Hkrisduq é nguingón hkyô lé, nungmoq é myit má up nhang nyì keq. Haû mù, jeju hkya-ôn nyì keq. 16 Nungmoq, rayuq eq rayuq, hpaqchyî byéng-yá banshoq èq mhoqshit é eq lhoq pun lhoq kyîng lhûm é hkûn le, Garai Gasang lé nungmoq jeju bûn é myit mai, jihkyang dang, hkya-on mahkôn, woi-nyí eq sêng é mahkôn pé hkon é hkûn le, haû Hkrisduq é mungdang lé, nungmoq é myit nhiklhum má agùn agó bò nhang nyì keq. 17 Nungmoq haî wá kut kut, dang dông nghut nghut, zui saî é dông nghut nghut, banshoq lé Yhumsîng Yesuq é myìng mai kut é hkûn, haû Îwa nghut é Garai Gasang lé Yhang dông mai jeju hkya-on keq.

18 Ikun myhî pé ê, ikun hpô pé uphkang é ahkaû má nyì keq. Haû gi, Yhumsing é hí má kut gíng é hkyô nghut lhê.

19 Ikun hpô pé ê, ikun myhî pé lé chyitdap nyì keq. Yhangmoq lé dang htân hkâ-nyô kó.

20 Zo wuî ê, jung hkangmó má nungmoq é mó wui é jìno gyo keq; hkâsu mù gâ le, haû gi, Yhumsîng ô nau é hkyô nghut lhê.

21 Îwâ pé ê, nungmoq é zo wuî lé myit hkâ-nô nhâng kó, nò nhâng jáng gi, yhangmoq, myit wum gyuî byuq kó râ nghut lhê.

22 Jùn pé ê, hkyô hkangmó má nungmoq é myidàm htoq mâ é jùn sîng bang uphkang é ahkaû má nyi nyì keq; yhangmoq é myoq hí má za zui saí luî, myoqdong ho é dông a nghut é za, haû Yhumsîng lé gyuq hkunggâ é eq lhumzuî é myit mai zui saî nyì keq. 23 Nungmoq haî wá kut kôle, byu é matú kut é a nghut, haû Yhumsing é matú kut nyi é dông, nungmoq é myit nhiklhum banshoq eq zui saî nyì keq. 24 Haî mù gâ le, nungmoq gi, haû Yhumsing chyáng mai, muizè lé chyunghuq dông wó yû kó râ nghut é lé, sé kô é yanmai nghut lhê. Nungmoq dojaú nyi é sû gi, Yhumsîng Hkrisduq ru nghut lhê. 25 Kut shut sû gi, yhang kut shut é marâ matú dam byî é hui zo râ nghut lhê, haî mù gâ le, Garai Gasang gi, myoqdong hkyin é hkyô a joq.