35
Jeikap inagho Haranma bi Leiban natunatuna wasiwasike bata kadi waghawagha Liya da Reitsel irawayidi. Leiban kiiravine bodu 14 ibagibagi da kiiravidiye iyimiisana. Bi Liya yana wiitamariyana wasike Zilpa, Jeikap ivereni da naboni wavinena tana bi bada Reitsel yana wiitamariyana wasike Bilha, Jeikap ivereni da naboni wavinena tana. Bi God iwoneni da rawananaki yana kubura iyakuyoveni bi iyaveramagha tamananaki yana kubure. Raghanina iyaveraveramagha, na Isso yana wawaya teya inagharedi basuna yana rakaraka teya siyakayowiiaviyedi. Bi raghanina sivibanana, na Isso genuwanuwana iyapughana bo gesiyirouwa kabivivirana.
God, Jeikap ivimiiseyeni
9 Jeikap, Mesapotemiyama*Mesapotemiya na kubura Padam Aram kana waghawagha tana. iveramagha, bi Betel kwanatune iyamakamake na God irumaghataramagha touna biidi da ivimiiseyeni. 10 Gen 32:28Bi iwona bo,
“Tam kam waghawagha Jeikap,
bi gegha muriye sinakwatuvem Jeikap.
Kam waghawagha na Isrel.ӠHibru yadi gamoma waghawagha Jeikap yana basuna kayegidu ikabitawani, bo wiiyaba. Bi waghawagha Isrel yana basuna God teya sirouwa.
Na ikwatuveni Isrel. 11 Gen 17:4-8Wasina bi God iwona bo,
“Tagu God Maragata Kirakiigu.
Kuvituwa da natunatum sinakoroto.
Tam nosinosim na sinidam kiitowana bi dam mududi
bi kiikiiwawo tamve sinatubugha.
12 Tagu tanawa anaverem,
noko Abraham da Aisik averedina
bi bada mmko tanavina
nosinosim murimve anaveredi.”
13 Wasina bi God, noko gawarine Jeikap yawata sivisisiya, na ikuyoveni inagho. 14 Gen 28:18,19Bi gawarina meme God touna biidi ivisisiya, na Jeikap akima ikabiwiimiiri bi wain iwayi debane da naboni yana suwara.‡Suwara nininina na touna suwara rarimina nonowa na wain. Mmko suwarina na nonowa suwara tana teya sakabiwiikapu sasuwara. Jeikap ikayoveni da wiimayimayiyi iyiyeveveyana da yana wiitumaghana God biidi. Wasina bi oliv miina bada debane iwayi.§Jeikap mmko gawarina iyaberabera da kabikabikuwayina da God biidi pepeta. 15 Bi noko gawarina ikwatuveni Betel,**Hibru yadi gamoma Betel yana basuna God yana bare bo God yana gawara. basuna God name ivisisiya touna biidi.
Reitsel yana rabobo
16 Noko murine Jeikap yana dam yawata Betel sikuyoveni bi siwagawaga siyanono, na boga gisina rabarabana bi muriye da Ifareit kwanatune siyakanibu. Na Reitsel wawaya idaguni. Bi yana wiituwa ipiropiro 17 na patana iyibusura da sinivisi ghamana iyidami bi pepeya iyatubutubugha. Na wiiburaburawa wasikena iwona bo, “Gekunanagharana! Tomogha tana kuvitubuyi.” 18 Raghanina Reitsel yawiina itavenatughureni - bi rabobo biidi na pepeyina ikwatuveni Benoni.††Hibru yadi gamoma Benoni yana basuna yagu nuwapoya tomoyina. Bi tamananaki ikwatuveni Benjiman.‡‡Hibru yadi gamoma Benjiman yana basuna waghata na katiiyagu tomoyina (miiba sisiyina) yana basuna abawiiwiita maragasina. 19 Wasina bi Reitsel irabobo na name Ifareit (kata sakwatuveni Betlihem) kedana ririne sidogu. 20 Bi Jeikap wavinena karawagine akima ikabiwiimiiri. Noko akimina na kata patana nama da Reitsel karawagina yimatakireni.
Jeikap natunatuna bi Aisik yana rabobo
Wasina bi Jeikap natunatuna yadi 12 kadi waghawagha mma.
23 Liya natunatuna:
Rubin na Jeikap natuna iyarokona,
Simiyon, Livai, Jiuda, Isaka bi Jebulan.
24 Bi Reitsel natunatuna:
Jousep da Benjiman.
25 Reitsel yana wiitamariyana wasike, Bilha natunatuna:
Dan da Neptalai.
26 Liya yana wiitamariyana wasike, Zilpa natunatuna:
Ged da Aser.
Mmkodi na Jeikap natunatuna Mesapotemiya kubure natuwavinena sivituvedi.
27 Gen 13:18Wasina bi Jeikap iveramagha Mamrima, Kiriyat-Aba (kata sakwatuveni Hebron) ririne, tamananaki Aisik biidi. Bi mmko kuburine Abraham imake, bi bada muriye Aisik imake. 28 Bi Aisik imakae da kana bodu 180. 29 Touna imoraba da ikabipipin bi irabobo, na kayekikina muridigha inagho. Wasina bi natunatuna Isso da Jeikap tubuyina sidogu.
*35:9: Mesapotemiya na kubura Padam Aram kana waghawagha tana.
35:10: Gen 32:28
†35:10: Hibru yadi gamoma waghawagha Jeikap yana basuna kayegidu ikabitawani, bo wiiyaba. Bi waghawagha Isrel yana basuna God teya sirouwa.
‡35:14: Suwara nininina na touna suwara rarimina nonowa na wain. Mmko suwarina na nonowa suwara tana teya sakabiwiikapu sasuwara. Jeikap ikayoveni da wiimayimayiyi iyiyeveveyana da yana wiitumaghana God biidi.
§35:14: Jeikap mmko gawarina iyaberabera da kabikabikuwayina da God biidi pepeta.
**35:15: Hibru yadi gamoma Betel yana basuna God yana bare bo God yana gawara.
††35:18: Hibru yadi gamoma Benoni yana basuna yagu nuwapoya tomoyina.
‡‡35:18: Hibru yadi gamoma Benjiman yana basuna waghata na katiiyagu tomoyina (miiba sisiyina) yana basuna abawiiwiita maragasina.