23
Bada na kada Bodaboda
Ayina Deivid igirumi
1 Yawe God yakoyakoyayigu
ware sip bodaboda yana sip yakoyakoyayidina naboni
na getana awaki ayadadina.
2 Bi yaberagu da idu miisediye akenayowogha,
bi rarima nighorovidi riridiye yinaghovegu.
3 Touna yawa wouna yavereveregu,
bi keda rotomanidiye yinaghovegu
basuna yana keda waghata na nonowa rotomanidi.
4 Raghani viya na anagha wiididibaridiye apeepewa,
bi gegha ayanaghanagharana,
basuna tam kwabaabaregu da kwiiwiitegu,
ware sip bodaboda yana kiima
sip yitarababaranedi bi yakoyakoyayidina naboni.
5 Kagu aviya matadiye bi
tam kepo kiiraviguve kwakabunayi.
Tam oil gayamiguve kwiiwayi
da wiiyeveveyana tam kwakabikabi karawayegu.
Yagu niniuna reduna kwiibonuvi yakamiviwayi
6 Akovi da tam kuninuwayuyunegu
bi miisena kunabera tagu biidi
patana da anarabobo
da Yawe God yana bareye anamake waghata.