Jakaraiya
Wonawiiakowa
Wara mmko bukana kamone na God sawara tupadi yibadedi da kate yana wawaya yitarababaranedi na yisisiyeni, da maragata yavereveredi bi miisena yaberabera toudi biiyadi. God, Jakaraiya ivineyi da yana peroveta bi yana sisiya wawaya biiyadi iyiwaraveredi da gegha ere kumararayidi God siyabagibagiyeni, da bada berabero wawayidi aro inaveredi bi yana wawaya na inakabiwiiveramayidi touna wosina biidi.
Jakaraiya iwonakasiyaragha da Keriso inapiika, bi wawaya sinasinighiiyeni. Bi muriye na God yana wawaya waghata iniyawiidi bi Yawe God na kubura tupana kana kiiwawo.
9
9 Yawe God iwona bo,
“Tami Zaiyon dammi parapa kovi nuwamiise,
bi Jerusalem dammi korukwatu gwaru.*Mmkodi waghawagha yadi bata Zaiyon da Jerusalem na kwanatuna tanagha sisisiyeni, bi gegha da Zaiyon na touna gawara meme Bare Kabikabikuwayina yamiimiirina yisisiyeni.
Kokita, yami kiiwawo yapiipiika tami biiyadi.
Yana keda na rotomanidi, bi sawara tupadi igeeiwaiyidi,
touna wawaya wawumina bi donki debane inageru bi inapiipiika.
Bi donki wotuna debane inageru, nokona donki yagarina natuna.
10 Tagu, Isrel kamone seriyot da kate
Jerusalem kamone hosi, mekodi wiirouwa kamone sigerugeru na anakabitavetaveyana.
Bi wiirouwa sawaridi tupadi aniberodi,
yami kiiwawo nuwaruriri inapiikeni dam tupadi biiyadi.
Yana wiibadana yegii nawane inadaguni da inanagho yegii nawane,
bi kate Iparate rarimine da inanagho kubura tupana damone.”
*9:9: Mmkodi waghawagha yadi bata Zaiyon da Jerusalem na kwanatuna tanagha sisisiyeni, bi gegha da Zaiyon na touna gawara meme Bare Kabikabikuwayina yamiimiirina yisisiyeni.