1 İndi İsrail söyləsin:

Rəbb tərəfimizi saxlamasaydı,

2 Bizə qarşı insanlar qalxarkən

Rəbb tərəfimizi saxlamasaydı,

3 Bizə qarşı qəzəblərindən yanarkən

Bizi diri-diri udardılar,

4 Sular bizi yuyub-aparardı,

Sellər üstümüzü basardı,

5 Azğın sular üstümüzü basardı.

6 Alqış olsun Rəbbə!

O bizi onların dişlərinə ov etmədi.

7 Bizi ovçunun tələsindən bir quş kimi qurtardı,

Tələ qırıldı, canımız azad oldu.

8 Bizə Rəbbin adından,

Göyləri və yeri yaradandan yardım gəlir.