46
1 Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡɔ̃ru yɑ̃kɑ. Bɑ nɛɛ,
2 Gusunɔwɑ u sɑ̃ɑ bɛsɛn kuku yee nɑɑnɛɡiru
kɑ bɛsɛn tɑ̃si yeru.
Bɑɑ nuku sɑnkirɑnu sɔɔ,
u rɑ n sɔɔru sɑ̃ɑwɑ u kɑ tɔnu somi.
3 Yen sɔ̃nɑ sɑ ǹ bɛrum mɔ̀ sɑnɑm mɛ tem mu yĩirimɔ,
ǹ kun mɛ sɑnɑm mɛ ɡuunu diirimɔ nim wɔ̃kun sɔɔwɔ.
4 Sɑ ǹ nɑnde sɑnɑm mɛ nim wɔ̃kun nim kurenu nu wɔki nu yɑkɑ mɔ̀
sɑnɑm mɛ nu ɡuunu yĩirimɔ.
5 Dɑɑru ɡɑrɑ wɑ̃ɑ tèn nim mu kɑ nuku dobu nɑɑmɔ Wɔrukoon wɑ̃ɑ yerɔ,
dii dɛɛrɑ ten mi, mi wi, Gusunɔ u wɑ̃ɑ.
6 Gusunɔ u wɑ̃ɑ te sɔɔ, yen sɔ̃nɑ tɑ ǹ wɔrumɛ.
Gusunɔ u rɑ tu ɡɑbewɑ sɑɑ buru buru yellun di.
7 Bwesenu nu burisinɛ, mɑ bɑnnu wɔrukumɔ.
Gusunɔ u ɡbɑ̃rɑ, mɑ tem mu yɑndɑ.
8 Gusunɔ wɔllu kɑ tem Yinni u kɑ sun wɑ̃ɑ.
Yɑkɔbun Yinni, u sɑ̃ɑwɑ bɛsɛn kuku yee nɑɑnɛɡiru.
9 I nɑ i wɑ ye Yinni Gusunɔ u kuɑ.
U sɔm mɑɑmɑɑkiɡinu kuɑ hɑnduniɑ sɔɔ.
10 U tɑbu kpeesiɑ yen ɡoonu nnɛ ye sɔɔ.
U tɛnnu kɑ yɑɑsi bɔɔkɑ,
mɑ u tɑbu kɛkɛ yi dumi ɡɑwe dɔ̃ɔ mɛni.
11 U nɛɛ, i yɔ̃ro, kpɑ i ɡiɑ mɑ wiyɑ Gusunɔ.
U bɑndu dii bwesenu kpuro sɔɔ, kɑ tem kpuro sɔɔ.
12 Gusunɔ wɔllu kɑ tem Yinni u kɑ sun wɑ̃ɑ.
Wi, Yɑkɔbun Yinni u sɑ̃ɑwɑ bɛsɛn kuku yee nɑɑnɛɡiru.