54
1 Dɑfidin womu ɡe u wom kowobun wiruɡii kuɑ kɑ mɔrɔku 2 sɑnɑm mɛ Sifuɡibu bɑ nɑ Sɔɔlun mi bu kɑ nùn sɔ̃ mɑ Dɑfidi u kukuɑ ben temɔ. Ge wee.
3 Gusunɔ, ɑ mɑn fɑɑbɑ koowo wunɛn yĩsirun sɔ̃.
A de ɑ mɑn siriɑ kɑ wunɛn dɑm bɑkɑm.
4 Yinni Gusunɔ, ɑ swɑɑ tem kpĩiyɔ kpɑ ɑ nɛn kɑnɑru nɔ.
5 Domi tɔn tukobu bɑ mɑn seesi.
Tɔn kɔ̃sobu bɑ kɑsu bu mɑn ɡo.
Ben bwisikunu sɔɔ, bɑ nɛɛ, wunɛ Gusunɔ ɑ sɑri.
6 Adɑmɑ nɛn mi, wunɑ ɑ sɑ̃ɑ nɛn fɑɑbɑ kowo.
Be bɑ kɑ mɑn yɔ̃, berɑ ɑ mɑɑ kɑ yɔ̃.
7 A nɛn yibɛrɛbɑ kɔ̃sɑ kɔsio.
A mɑn bɔrɔkiniru sɔ̃ɔsio, ɑ bu ɡo.
8 Kon nun yɑ̃kunu kuɑ kɑ nuku tiɑ.
Kon womu ko kɑ wunɛn yĩsiru n nun tɔmɑ,
domi ɑ sɑ̃ɑ tɔn ɡeo.
9 Wunɑ ɑ rɑ mɑn nuku sɑnkirɑru wunɑri,
kpɑ nɑ n nuku dobu mɔ nɑ̀ n nɛn yibɛrɛbɑ wɑ.