61
1 Dɑfidin womu ɡe u wom kowobun wiruɡii kuɑ kɑ mɔrɔku. U nɛɛ,
2 Gusunɔ, ɑ nɛn weeweenu nɔɔwɔ,
kpɑ ɑ nɛn kɑnɑru nɔ.
3 Sɑɑ tontonden diyɑ nɑ nun nɔɔɡiru sue kɑ nuku sɑnkirɑnu.
A kɑ mɑn ɡuuru yɔɔwo te nɑ ǹ kpɛ̃ n kɑ tii yɔ.
4 Domi ɑ sɑ̃ɑwɑ nɛn kuku yeru.
Mɑ ɑ mɑɑ sɑ̃ɑ nɛn ɡbɑ̃rɑru nɛn yibɛrɛbɑn wuswɑɑɔ.
5 Nɑ kĩ nɑ n wɑ̃ɑ wunɛn kuu bekuruɡirɔ sere kɑ bɑɑdommɑɔ,
nɑ n kukuɑ wunɛn kɑserun kɔkɔrɔ.
6 Domi ɑ rɑ mɑn kue ye nɑ kĩ,
kpɑ ɑ mɑn tubi wɛ̃ ye ɑ rɑ be bɑ wunɛn yĩsiru nɑsie wɛ̃.
7 Gusunɔ, ɑ bɛsɛn sinɑ bokon wɑ̃ɑru dɑkɑɑ dɑɑsio.
A de win wɑ̃ɑru tu dɛnyɑ.
8 Kpɑ ɑ de u n bɑndu dii sere kɑ bɑɑdommɑɔ wunɛn wuswɑɑɔ.
A de wunɛn bɔrɔkiniru kɑ wunɛn tɔn ɡeerɑ n wɑ̃ɑ wi sɔɔ.
9 Sɑɑ yerɑ kon nun tɔmɑ sere kɑ bɑɑdommɑɔ,
kpɑ nɑ n nɛn nɔɔ mwɛɛru yibiɑmɔ tɔ̃ɔ bɑɑtere.