88
1 Womu ɡe Koren bibu bɑ wom kowobun wiruɡii kuɑ. Bɑ ɡu kuɑwɑ kɑ ɡuuru. Hemɑni Esirɑhiɡiiwɑ u ɡu kuɑ. Ge wee.
2 Yinni Gusunɔ nɛn fɑɑbɑ koowo,
nɑ rɑ n nɔɔɡiru suewɑ wunɛn wuswɑɑɔ wɔ̃kuru kɑ sɔ̃ɔ sɔɔ.
3 A de ɑ nɛn kɑnɑru nɔ.
A swɑɑ tem kpĩiyɔ ɑ nɔ ye nɑ nun kɑnɑmɔ.
4 Wee wɑhɑlɑ yɑ mɑn deemɑ n kpɑ̃
sere nɑ ɡɔribun wɑ̃ɑ yeru turuku kuɑ.
5 Nɑ wɑ̃ɑ be bɑ ɡɔɔ dɔɔn wuurɔ.
Nɑ ǹ mɑɑ dɑm mɔ.
6 Wee nɑ kpĩ kɑ ɡɔribu sɑnnu.
A derɑ nɑ wɑ̃ɑ kɑ be sɑnnu sikirɔ,
be, be ɑ ǹ mɑɑ yɑɑyɑmɔ, ɑ ǹ mɑɑ bu nɔɔrimɔ.
7 A mɑn kpɛ̃ɛ wɔru bɔkɔ sɔɔ mi yɑm wɔ̃kurɑ wɑ̃ɑ.
8 A mɑn mɔru seesi,
mɑ n sɑ̃ɑre nɑ nim mwɛɛre.
9 A derɑ nɛn kpɑɑsibu bɑ mɑn deri.
A derɑ bɑ mɑn tusɑ,
mɑ nɑ tɑɑrere nɑ ǹ kpɛ̃ n nundɑ nɛn wɑhɑlɑn di.
10 Nɛn nɔni dɑm dwiiyɑ nɔni swɑ̃ɑrun sɔ̃.
Yinni Gusunɔ, tɔ̃ru bɑɑtere nɑ rɑ nɔmɑ yiiyewɑ wunɛn mi ɡiɑ nɑ n nun somiru kɑnɑmɔ.
11 Gɔribɑ ɑ rɑ mɑɑmɑɑki kue?
Gɔribɑ bɑ koo kpĩ bu se bu nun sɑ̃?
12 Gɔribɑ bɑ koo kpĩ bu wunɛn bɔrɔkinirun ɡɑri ɡere siki wɔruɔ?
Bɑ koo kpĩ bu wunɛn tɔn ɡeerun ɡɑri ɡere ɡɔribun wɑ̃ɑ yerɔ?
13 Bɑ koo kpĩ bu wunɛn mɑɑmɑɑki wɑ yɑm wɔ̃kurɔ?
Bɑ koo kpĩ bu wunɛn ɡem tubu ɡɔriɔ mi bɑ rɑ tɔmbu duɑri?
14 Yinni Gusunɔ, wunɑ nɑ rɑ fɑɑbɑ kɑnɛ.
Bururu bɑɑtere, wunɑ nɑ rɑ nɔɔɡiru sue.
15 Yinni Gusunɔ, mbɑn sɔ̃nɑ ɑ mɑn wunɛn wuswɑɑ berue.
Mbɑn sɔ̃nɑ ɑ ǹ kĩ n nun wɑ.
16 Sɑɑ nɛn birun di, nɑ wɔnwɔndu soorewɑ nɑ ɡɔɔ dɔɔ.
Nɑ burisinɛ nɔni swɑ̃ɑ te ɑ mɑn kpɛ̃ɛn sɔ̃.
17 Nɛ sɔɔrɑ wunɛn mɔru yɑ wɔri, mɑ yɑ mɑn ɡoomɔ.
18 Yɑ kɑ mɑn sikerenɛ tɔ̃ɔ bɑɑtere nɡe nim bweru.
Ye kpurowɑ yɑ mɑn wukiri.
19 A derɑ nɛn kpɑɑsibu kɑ nɛn bɔrɔbɑ bɑ mɑn biru kisi.
Be kpuro bɑ mɑn deri.