1 I Yinni Gusunɔ siɑro.

Bɛɛ win sɔm kowobu, i nùn siɑro.

2 Su win yĩsiru bɛɛrɛ wɛ̃ sɑɑ tɛ̃n di sere kɑ bɑɑdommɑɔ.

3 Su nùn siɑrɑ sɑɑ bururun di sere kɑ yokɑɔ.

4 Yinni Gusunɔwɑ u bwesenu kpuro kere.

Win yiiko yɑ wɑ̃ɑ sere wɔnwɔlleɔ.

5 Gusunɔ bɛsɛn Yinnin wɑ̃ɑ yerɑ wɑ̃ɑ wɔllɔ.

Wɑrɑ u kɑ nùn weenɛ.

6 U rɑ tukewɑ u kɑ wɔllu kɑ tem mɛɛri.

7 U rɑ dɑm sɑriruɡii seeye tem di, kpɑ u wɔnwɔndo seeyɑ kubɑnun di.

8 Kpɑ u de bu sinɑ kɑ win tɔmbun wiruɡibu.

9 U rɑ wĩro yɛnu bɑniɛ u sinɑ,

kpɑ u nùn ko bii mɛro wi u nuku dobu mɔ win bibun suunu sɔɔ.

Yen sɔ̃, i Yinni Gusunɔ siɑro.