118
1 I Yinni Gusunɔ siɑro, u sɑ̃ɑwɑ tɔn ɡeo.
Win kĩru tɑ rɑ n wɑ̃ɑwɑ sere kɑ bɑɑdommɑɔ.
2 Bɛɛ Isirelibɑ kpuro, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
3 Bɛɛ yɑ̃ku kowobu Aronin bweseru, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
4 Bɛɛ be i Yinni Gusunɔ nɑsie, i wuro i nɛɛ,
Yinni Gusunɔn kĩru tɑ rɑ n wɑ̃ɑwɑ sere kɑ bɑɑdommɑɔ.
5 Nɛn nuku sɑnkirɑnu sɔɔ, nɑ Yinni Gusunɔ somiru kɑnɑ.
U nɛn kɑnɑru nuɑ, mɑ u mɑn yɑrɑ.
6 Yinni Gusunɔ u sɑ̃ɑ nɛɡii, nɑ ǹ ɡɑ̃ɑnu ɡɑnun bɛrum mɔ.
Mbɑ tɔnu u koo kpĩ u mɑn kuɑ.
7 Yinni Gusunɔwɑ u sɑ̃ɑ nɛn fɑɑbɑ kowo.
Yen sɔ̃nɑ ko nɑ n yɛ̃ɛrimɔ nɑ̀ n nɛn yibɛrɛbɑn biru wɑ.
8 A Yinni Gusunɔ nɑɑnɛ koowo ye kɑɑ kɑ tɔnu nɑɑnɛ ko.
9 A Yinni Gusunɔ nɑɑnɛ koowo ye kɑɑ kɑ dɑmɡibu nɑɑnɛ ko.
10 Bwese dɑbinu nu mɑn tɑrusi,
mɑ nɑ nu yɑrinɑsiɑ kɑ Yinni Gusunɔn dɑm.
11 Nu mɑn wukiriwɑ mɑm mɑm,
mɑ nɑ nu yɑrinɑsiɑ kɑ Yinni Gusunɔn yĩsiru.
12 Nu mɑn mɔnsimɑ nɡe tĩi.
Adɑmɑ nɑ nu yɑrinɑsiɑ kɑ Yinni Gusunɔn dɑm
mɑ nu ɡbisukɑ nɡe sɑ̃ki yi yi dɔ̃ɔ mwɑɑrɑ.
13 Nu rɑɑ mɑn bɔriɑmɔ nu kɑ mɑn surɑ,
ɑdɑmɑ Yinni Gusunɔ u mɑn somiru nɑ.
14 Yinni Gusunɔwɑ u sɑ̃ɑ nɛn dɑm.
Wiyɑ ko nɑ n dɑ siɑre. Wiyɑ u mɑn fɑɑbɑ kuɑ.
15 Nɑsɑrɑn kuuki yi nɔɔrɑmɔ ɡemɡibun yɛnusɔ.
Yinni Gusunɔn dɑm mu sɔ̃ɔsirɑ.
16 U win nɔm ɡeu sue, ɡɑ win dɑm sɔ̃ɔsimɔ.
17 Nɑ ǹ mɑɑ ɡbimɔ, ko nɑ n wɑ̃ɑwɑ,
kpɑ n win sɔmɑ ye u kuɑn ɡɑri kpɑrɑ.
18 Yinni Gusunɔ u mɑn sɛɛyɑsiɑ.
Adɑmɑ u ǹ mɑn ɡɔɔ nɔmu bɛrie.
19 I mɑn ɡem kɔnnɔsu kɛniɔ,
kpɑ n du n Yinni Gusunɔ siɑrɑ.
20 Win kɔnnɔ ɡe wee. Min diyɑ ɡemɡibu bɑ rɑ du.
21 Yinni Gusunɔ, nɑ nun siɑrɑ, domi ɑ nɛn kɑnɑru mwɑ,
mɑ ɑ mɑn fɑɑbɑ kuɑ.
22 Wee kpee te bɑnɔbu bɑ yinɑ, terɑ tɑ kuɑ ɡɑni ɡɔmburun dɑm.
23 Yinni Gusunɔwɑ u ye kuɑ mɑ n kuɑ mɑɑmɑɑki bɛsɛn nɔni sɔɔ.
24 Yinni Gusunɔwɑ u tɔ̃ɔ te kuɑ.
Su nuku dobun kuuki ko.
25 Yinni Gusunɔ, ɑ sun somiɔ, kpɑ ɑ sun kuurɑsiɑ.
26 Wi u sisi kɑ wunɛn yĩsiru u sɑ̃ɑwɑ domɑruɡii.
Sɑ ko nùn siɑrɑ Yinni Gusunɔn sɑ̃ɑ yerɔ.
27 Gusunɔ u sɑ̃ɑwɑ Yinni. Wiyɑ u sun yɑm bururɑsie.
I yɑ̃ku yɑɑ bɔkuo. I kɑ ye doo sere yɑ̃ku yerun kɑ̃ɑnɔ.
28 Gusunɔ, ɑ sɑ̃ɑwɑ nɛn Yinni.
Kon nun siɑrɑ. Kon nun wɔlle suɑ.
29 I Yinni Gusunɔ siɑro, u sɑ̃ɑ tɔn ɡeo.
Win kĩru tɑ rɑ n wɑ̃ɑwɑ sere kɑ bɑɑdommɑɔ.