142
1 Dɑfidin womu ɡe u kuɑ sɑnɑm mɛ u kɑnɑru kuɑ kpee wɔru sɔɔ. Ge wee.
2 Nɑ Yinni Gusunɔ nɔɔɡiru sue nɑ nùn suuru kɑnɑmɔ.
3 Nɑ nùn nɛn nuku sɑnkirɑnu sɔ̃ɔmɔ.
Nɑ nùn nɛn wɑhɑlɑ sɑɑriɑmmɛ.
4 Nɑ̀ n mwiɑ kpɑnɑ, wunɑ rɑ n yɛ̃ ye kon ko.
Bɑ mɑn yinɑ bɛriɑ swɑɑ yè sɔɔ nɑ sĩimɔ.
5 A mɛɛrio nɔm ɡeuɔ ɑ wɑ mɑ ɡoo sɑri wi u kɑ mɑn yɔ̃.
Nɑ ǹ kuku yeru mɔ.
Goo sɑri wi u mɑɑ nɛn bwisikunu mɔ̀.
6 Yinni Gusunɔ, wunɑ nɑ sokumɔ.
Nɑ nɛɛ, wunɑ ɑ sɑ̃ɑ nɛn kuku yeru.
Wunɛ turowɑ ɑ sɑ̃ɑ nɛɡii duniɑ ye sɔɔ.
7 A nɛn wuri swɑɑ dɑkio, domi nɑ nuki sɑnkire too.
A mɑn yɑkio be bɑ mɑn nɔni sɔ̃ɔmɔn nɔmɑn di,
domi bɑ mɑn dɑm kere.
8 A mɑn yɑro dɛsirun di, kpɑ n nun tɑkɑru ko.
À n mɑn durom kuɑ, ɡeeɡibɑ koo nɑ bu mɑn sikerenɑ.