1 Nuhay chokk, Sám o Hám o Yápetay nasl o padréchay kessah chosh ent:

Eshán cha tuppáná rand chokk o bar kort.

2 Gumer o Májuj o Madái o Yáwán o Tubál o Máshek o Tirás, Yápetay mardénchokk atant. 3 Ashkenáz o Ripat o Tugarmah, Gumeray mardénchokk atant. 4 Elishah o Tarshish o Kettimi mardom o Dódánimi mardom, Yáwánay mardénchokk atant. 5 Cha eshán tayábdapi*10:5 Tayábdap, bezán daryáay nazzikk o gwarén jágah, zerkerr, sáhel. mardom wati sardhagárán tálán butant, har yakké gón wati jenday zobáná, wati kabilaháni hesábá, wati kawmáni tahá.

6 Kush o Mesráim o Put o Kanhán, Hámay mardénchokk atant. 7 Sebá o Hawilah o Sebtáh o Rámah o Sabteká, Kushay mardénchokk atant. Sabá o Dédán, Rámahay mardénchokk atant. 8 Cha Kushá Namrud pédá but ke zeminay sará awali zórmandén jangól†10:8 Jangól, bezán jangarósk, jang kanókén mardom. at. 9 Hodáwanday chammán Namrud, zrengén shekárié at, paméshká gwashaga bit: “É mard, Hodáwanday chammán Namruday paymén mazanén shekárié.” 10 Namruday bádsháhiay bendát cha Bábel, Erek, Akkád o Kalnehá but ke Shináray‡10:10 Shináray sardhagár, bezán Bábelay sardhagár ke maróchigén Erákay jonubi bahr at. sardhagárá atant. 11 Á cha é sardhagárá Áshurá shot o ódá Naynawá, Rahubut-Ir, Kálah o 12 Risenay shahri addh kortant. Risen, Naynawá o Kálahay nyámá ent, Kálah mazanén shahré.

13 Cha Mesráimá, Ludi o Anami o Lehábi o Naptuhi mardom pédá butant o 14 Patrusi o Kapturi o Kasluhi mardom, ke cha Kasluhián, Pilesti pédá butant.

15 Kanhánay awali chokk Saydun at o padá Hitti o 16 Yabusi o Amuri o Gergáshi o 17 Héwi o Arki o Sini o 18 Arwádi o Semári o Hamáti mardom pédá butant. Randá Kanháni kabilah sheng o tálán butant. 19 Kanhánay hadd o simsar, cha Sayduná ke dém pa Gerárá raway tán Gazzahá at o agan dém pa Sodum, Gomurah, Admah o Sebwimá raway, tán Lasháhá at. 20 Hámay naslay kessah, áyáni kabilah o zobán o sardhagár o kawmay hesábá hamesh at.

21 Sám ke Yápetay masterén brát at, áiá ham mardénchokk but. Sám, Eberay sajjahén chokkáni bonpirok ent. 22 Sámay mardénchokk, Ilám o Áshur o Arpakshád o Lud o Arám atant. 23 Arámay mardénchokk, Uz o Hul o Giter o Másh atant. 24 Arpakshád, Shelahay pet at o Shelah, Eberay pet. 25 Eberá do mardénchokk but, yakkéay nám Péleg§10:25 Pélegay máná “bahr o báng” ent. at, chéá ke hamé wahdá zemin bahr o báng but. Brátay námi Yoktán at. 26 Yoktán, Almudád o Shélep o Hazarmáwet o Yérah o 27 Hadurám o Uzál o Deklah o 28 Óbál o Abimáél o Sabá o 29 Ópir o Hawilah o Yubábay pet at. É sajjahén Yoktánay mardénchokk atant. 30 Á damagá ke é nendók atant, cha Mesháyá dém pa Sepárá at, ródarátkay kóhestagén molká. 31 Sámay chokkáni kessah, áyáni kabilah o zobán o sardhagár o kawmay hesábá hamesh at.

32 Nuhay mardénchokkáni kabilah, áyáni sar o bonay red o banday sará, áyáni kawmáni hesábá hamesh atant. Tuppáná rand cha hameshán sajjahén kawm zeminay sará sheng o tálán butant.