1 Malkisedik Shalimay*7:1 Shalim hamá Urshalim ent. bádsháh at o borzén arshay Hodáay dini péshwá at. Wahdé Ebráhémá bádsháh prósh dátagatant†7:1 Prósh dayag, bezán shekast dayag. o per tarragá at, Malkisedik gón áiá dochár kapt o Ebráhémi barkat dát. 2 Ebráhémá áiárá har chizzay dahyakk dát. Malkisedikay námay máná “adl o ensápay bádsháh” ent o á Shalimay bádsháh ent, bezán “sohl o émeniay bádsháh”. 3 Na áiay pet o mát o béh o bonyáday‡7:3 Béh o bonyád, bezán pet o pirok, asl o nasab. bárawá chizzé zánaga bit o na áiay zenday bendát o ásaray§7:3 Bendát o ásar, bezán shoru o halási. bárawá. Á, Hodáay Chokkay dhawlá ent o tán abad dini péshwá mánit.

4 Bechárét, á chinchok mazan ent ke may bonpirok Ebráhémá cha jangay áwárán*7:4 Áwár, bezán jangay tahá lotth o pol kortagén mál o mardom. áiárá dahyakk dát. 5 Nun Sharyatay redá Láwiay nasl o padréch ke dini péshwá bant, cha kawmá, bezán cha wati brátán dahyakka gerant, bell toré á wat ham Ebráhémay chokk o óbádag ant. 6 Bale Malkisedik ke cha Láwiay naslá naat, áiá cha Ebráhémá dahyakk gept o Ebráhémi barkat dát, hamá Ebráhém ke Hodáyá gón áiá wati wádah kortagatant. 7 Béshakk kasteréná cha masteréná barkata rasit. 8 Yakk némagé hamá mardom dahyakka gerant ke merant, domi némagá hamá mardom dahyakka gipt ke gwáhi dayag butag ke á zendaga mánit. 9 Chó ham gwashta kanén, Láwi ke dahyakka gipt, áiay jendá ham hamá wahdá dahyakk dát ke Ebráhémá dahyakk dát, 10 chéá ke wahdé Malkisediká gón Ebráhémá dhikk wárt†7:10 Dhikk warag, bezán dochár kapag, gón chizzéá laggag., Láwi wati bonpirok Ebráhémay sréná at o angat pédá nabutagat.

11 Agan Láwiay dini péshwáiá ensán kámel kort bekortén, hamá péshwái ke áiay bonyádá Shariat kawmá dayag butagat, gorhá dega péshwáéay áyagay zalurat ché at, Malkisedikay darjah o makámay péshwáé, Hárunay darjah o makámay na? 12 Chéá ke agan dini péshwái badala bit, gorhá Sharyat ham báyad ent badal bebit. 13 May Hodáwandén Issá ke áiay bárawá é habar kanag butagant, cha dega kabilahéá ent o cha á kabilahá hechbar kassá korbánjáhá hezmat nakortag. 14 Chéá ke é gapp záher ent ke may Hodáwand cha Yahudáay kabilahá at o Mussáyá hecch nagwashtagat ke cha é kabilahá kasé dini péshwá buta kant. 15 É gapp hamá wahdá angat pakkátera bit ke Malkisedikay darjah o makámay péshwáé byayt. 16 May Hodáwand é bonyádá péshwá jórh nabut ke Sharyatá áiay béh o bonyáday bárawá hokmé mán, hamé bonyádá péshwá but ke áiay zend hechbar halása nabit. 17 Chéá ke áiay bárawá chó gwáhi dayag butag: “Taw tán abad péshwáé ay, Malkisedikay darjah o makámay péshwáé.”

18 É paymá, pésarigén hokm poshtá dawr dayag but, chéá ke nezór o kárá nayátk. 19 Sharyatá hecch chizz kámel nakort. Márá sharterén omété raset ke eshiay barkatá má gón Hodáyá nazzikka bén.

20 É kár bé sawgendá nabut. Á dega bé sawgendá dini péshwá butant, 21 bale Issá gón sawgendéá péshwá but, hamá wahdá ke Hodáyá gón áiá gwasht:

22 É sawgenday barkatá Issá gehterén ahd o paymánéay zámen‡7:22 Zámen, bezán zamánat dayók. but. 23 Á dega dini péshwá sakk báz butagant, chéá ke marká á móh§7:23 Móh, bezán wahd, porsat, mókal, wár o gég. nadátagant ke dáemá péshwái bekanant, 24 bale Issá tán abad zendag ent, paméshká áiay péshwái dáemi ent. 25 Hamé sawabá, á mardom ke cha Issáay ráhá Hodáay kerrá káyant, Issá áyán sarjamén nejáté baksheta kant, chéá ke á modám zendag ent tánke áyáni wakiliá bekant.

26 Márá anchén mazanén péshwáé pakár ent ke pák o palgár o béayb bebit, cha gonahkárán jetá bebit o áiay jáh cha arshá borzter bebit. 27 Áiá zalurat naent ke é dega dini péshwáyáni paymá har róch awalá pa wati gonáhán o randá pa kawmay gonáhán korbánig bekant, chéá ke hamá wahdá ke áiá watárá nadr kort, é kári yakkén randá kort o bass. 28 Sharyat anchén mardomán mazanén dini péshwá jórha kant ke áyán ensáni nezóri mán, bale hamá sawgend ke cha Sharyatá rand átk Hodáay Chokki pa péshwáiá gechén kort. Chokká wati kár sarjam kort o tán abad kámel but.