9
Awali ahd o paymánay nezóri
1 Awali ahd o paymáná pa parasteshá ráh o rahband mán at o zeminay sará pa parastesh kanagá pákén jágahé ham hastat. 2 Tambué mekk kanag butagat o eshiay awali kóthiá*9:2 Kóthi, bezán óták, kamrah, bán. cherágdán, thébal†9:2 Thébal, bezán méz, mazanén chárpádag. o pákwandhén nagan‡9:2 Pákwandhén nagan anchén nagan atant ke modám Hodáwanday bárgáhá ér kanagi at o é gappay nesháni atant ke Hodá wati mardománi rózirasán ent. mán atant. É kóthiay nám pákén jágah at. 3 Domi pardahay poshtá ham kóthié hastat ke pákterén jágah gwashaga but. 4 É kóthiá teláhpóshén bósóchi korbánjáh mán at o ahd o karáray péti§9:4 É pétiay domi nám sháhediay péti ent. ham ér at ke sajjahén pahnáti teláhpósh atant. É pétiá mannay*9:4 Mann hamá nán ent ke Mussáay zamánagá, Hodáyá gyábáná pa Esráilián éra gétk. teláhén darp, Hárunay asá ke teji jatagat o ahd o paymánay wánek†9:4 Wánek, bezán mazanén patanén seng, wánag. Sháhediay wánekáni sará Hodáay dahén parmán nebeshtah atant. mán atant. 5 Pétiay sará, shán o shawkatay karrubián‡9:5 Karrubi, ásmáni mahluké ke bánzolesh per o Hodáay tahtay chapp o chágerdá ant. kapáratay§9:5 Ebráni zobáná kapáratay máná sarpósh ent. Edá pa gonáháni shódag o sarpósh kanagá kármarz butag. sarpósh sáhél*9:5 Sáhél, bezán sáheg kanag. kortagat. Bale annun é chizzáni sará hurt hurtá habar kanaga nabit.
6 Cha hamá wahdá ke é chizz hamé paymá tayár kanag butagant, dini péshwá pa hezmat kanagá modám awali kóthiá rawant. 7 Tahná mazanén dini péshwá domi kóthiá rawt, bale sálé yakk randé rawt o hechbar bé hóná narawt. Á pa wati gonáhán o pa kawmay gonáhán ke pa názánti kortagantesh é hónán nadra kant. 8 Gón é ráh o rahbandán, Pákén Ruh pésha dárit ke tán hamá wahdá ke awali tambu mekk at, pákterén jágahá rawagay ráh angat záher naat. 9 Á tambu pa annugén wahdá mesálé o hamá théki o korbánig ke parastesh kanóká nadra kortant, áyán parastesh kanókay zamir sarjamiá pák korta nakort. 10 É chizz warag o nóshag o tahr tahrén†9:10 Tahr tahrén, bezán warh warhén, dega dega paymén. shosht o shódi rasmán kármarza bant o bass. Bezán é záheri rasm ant o tán hamá wahdá kára kanant ke nókén dawr o zamánagay rahband byayt.
Masihay kámelén ráh o rahband
11 Bale Masih mazanén péshwá but o átk ke márá hamá sharrén chizzán bedant ke annun márá hastant. Á cha anchén master o kámelterén tambuéá gwast ke ensánay dastá jórh nakortag, bezán cha é hastiá dhann ent. 12 Masih páchen o gwaskáni hónay barkatá nashot, wati jenday hónay barkatá bass yakkén randá pákterén jágahá shot o pa má abadmánén ázátié áworti. 13 Chéá ke agan nápákén mardománi sará páchen o káigeráni‡9:13 Káiger, bezán rostagén narén gók. hónay dranzag o korbánigén porrápay§9:13 Porráp, bezán kasánomrén mádagén gók. poráni chandhag áyán dini hesábá pák o palgára kant, 14 gorhá Masihá ke abadmánén Ruhay barkatá watá Hodáay bárgáhá béaybén korbánigé kort, áiay hón may zamirá báz géshter páka kant. Márá cha hamá kárán páka kant ke ásaresh mark ent tánke má namiránén Hodáay parastesh o hezmatá bekanén.
15 Paméshká Masih nókén ahd o paymánéay myánjiger*9:15 Myánjiger, bezán sohl o saláh kanók. ent, tánke Hodáay tawár kortagén mardomán wádah dátagén abadmánén mirás berasit. Masihay mark áyán cha hamá náparmániána rakkénit ke awali ahd o paymánay wahdá kanag butagant. 16 Chéá ke wasiyat†9:16 Yunáni zobáná wasiyat o ahd o karár yakkén labz ent. hamá wahdá kára dant ke wasiyat kanókay mark sábet kanag bebit. 17 Wasiyat tahná marká rand kár bandaga bit o tán wahdé ke wasiyat kanók zendag ent, wasiyatá asaré nést. 18 Paméshká awali ahd o paymánay bandag ham bé hónay rechagá nabut. 19 Wahdé Mussáyá Sharyatay sajjahén hokm gón sarjamén kawmá gwashtant, áiá gwask o páchenáni hón zort o ápá hawár kortant o gón sohrén pazhm‡9:19 Pazhm, bezán pashm, espétpasay mud. o zupáay§9:19 Zupá kasánén drachké ke Engréziá “hyssop” o Pársiá “zufá” gwashanti. thálán*9:19 Thál, bezán sháharh, sháhal., tumár†9:19 Tumár hamá ketábána gwashant ke kwahnén zamánagá ták yá póstáni sará nebisag o gerd gerdá patáyag butagant. o sajjahén kawmay sará dranzetant. 20 Mussáyá gwasht: “Esh ent hamá ahd o paymánay hón, hamá ahd o paymán ke Hodáyá shomárá eshiay barjáh dáragay hokm dátag.” 21 Hamé paymá áiá hón zort o tambu o hamá sajjahén chizzáni sará dranzetant ke parasteshay wahdá kármarza butant. 22 Chónáhá, Sharyatay hesábá kamm o gésh sajjahén chizz gón hóná pák o palgár kanaga bant o bé hónay réchagá pahellia narasit.
23 Gorhá báyad ent ásmáni chizzáni shekl o dróshomá addh kortagén nákámelén chizz gón é korbánigán pák o palgár kanag bebant, bale ásmánay asligén chizzán sharterén korbánig pakár ent. 24 Chéá ke Masih mardománi bastagén parasteshgáhéá nashot, bezán asligénay shekl o dróshomá addh kortagén nákámelén parasteshgáhá nashot, ásmánay jendá shot ke Hodáay bárgáhá may wakiliá bekant. 25 Ódá pa é maksadá ham nashot ke watá báz randá korbánig bekant, bezán masterén dini péshwáay paymá nakorti. Masterén dini péshwá sál pa sál mazanén parasteshgáhay pákterén jágahá gón hamá hóná rawt ke áiay jenday hón naent. 26 Agan har sál korbánig pakár butén, gorhá Masihá báyad ent cha donyáay bendátá báz bará sakki o sóri besaggetén. Bale nun ke wahd sarjam but, Masih yakkén randá záher but o bass, tánke gón wati sar o sáhay korbán kanagá gonáhá nést o nábud bekant. 27 Hamá paymá ke pa ensáná bass yakk randé mark o cha marká rand dádrasi gisshénag butag, 28 Masih ham yakkén randá korbánig kanag but ke bázén mardoméay gonáhán wati jenday gardená beladdhit. Albat, á padá záhera bit, bale pa gonáháni baddhá kanagá na, pa hamá mardománi nejátá ke áiay wadárá‡9:28 Wadár, bezán entezár, rahchári. ant.
*9:2 9:2 Kóthi, bezán óták, kamrah, bán.
†9:2 9:2 Thébal, bezán méz, mazanén chárpádag.
‡9:2 9:2 Pákwandhén nagan anchén nagan atant ke modám Hodáwanday bárgáhá ér kanagi at o é gappay nesháni atant ke Hodá wati mardománi rózirasán ent.
§9:4 9:4 É pétiay domi nám sháhediay péti ent.
*9:4 9:4 Mann hamá nán ent ke Mussáay zamánagá, Hodáyá gyábáná pa Esráilián éra gétk.
†9:4 9:4 Wánek, bezán mazanén patanén seng, wánag. Sháhediay wánekáni sará Hodáay dahén parmán nebeshtah atant.
‡9:5 9:5 Karrubi, ásmáni mahluké ke bánzolesh per o Hodáay tahtay chapp o chágerdá ant.
§9:5 9:5 Ebráni zobáná kapáratay máná sarpósh ent. Edá pa gonáháni shódag o sarpósh kanagá kármarz butag.
*9:5 9:5 Sáhél, bezán sáheg kanag.
†9:10 9:10 Tahr tahrén, bezán warh warhén, dega dega paymén.
‡9:13 9:13 Káiger, bezán rostagén narén gók.
§9:13 9:13 Porráp, bezán kasánomrén mádagén gók.
*9:15 9:15 Myánjiger, bezán sohl o saláh kanók.
†9:16 9:16 Yunáni zobáná wasiyat o ahd o karár yakkén labz ent.
‡9:19 9:19 Pazhm, bezán pashm, espétpasay mud.
§9:19 9:19 Zupá kasánén drachké ke Engréziá “hyssop” o Pársiá “zufá” gwashanti.
*9:19 9:19 Thál, bezán sháharh, sháhal.
†9:19 9:19 Tumár hamá ketábána gwashant ke kwahnén zamánagá ták yá póstáni sará nebisag o gerd gerdá patáyag butagant.
‡9:28 9:28 Wadár, bezán entezár, rahchári.