2
Issáay awali mójezah
1 Sayomi róchá, Jalilá, Káná námén métagéá, sur o árósé hastat o Issáay mát hamódá at. 2 Issá o áiay moridesh ham lóthetagatant. 3 Wahdé sharáb*2:3 Pákén Ketábay tahá har jágah ke sharábay labz átkag, eshiay máná cha angurá jórh butagén sharáb ent ke Engréziá “wine” gwashaga bit. halletant, Issáay mátá gón áiá gwasht: “Eshán dega sharáb nést.” 4 Gwashti: “Oo bánok! Maná o tará gón eshiá che kár? Mani wahd angat nayátkag.” 5 Mátá gón kárendahán†2:5 Kárendah, bezán kárdár, nawkar. gwasht: “Harché ke shomárá gwashit, hamá kárá bekanét.”
6 Ódá shash sengén kunzag‡2:6 É kunzag kombpaymén mazanén kunzag atant. ér at ke har yakkéá hashtád tán sad o bist litar§2:6 Asligén Yunáni nebeshtánka gwashit: “do tán say metretes”. ápa dásht o Yahudiáni shosht o shódi rasmán kármarza butant. 7 Issáyá gón kárendahán gwasht: “Kunzagán cha ápá porr kanét.” Gorhá kunzagesh cha ápá porr kortant. 8 Issáyá gwasht: “Nun kammoké bekasshét o pa diwánay kamáshá bebarét.” Áyán anchosh kort. 9 É áp ke sharáb butagatant, diwánay kamáshá chashtant. Nazánti ke cha kojá árag butagant, bale hamá kárendahán ke áp kasshetagatant, áyána zánt. Nun diwánay kamáshá, sálónk tawár jat o 10 gwashti: “Harkas mehmánán sharterén sharábá pésará dant. Wahdé á mast o malára bant, randá adná*2:10 Adná, bezán arzán, kamkimat, kamarzesh. o arzánteréná kárit. Bale taw sharterén sharáb nóki áwortag.”
11 É mójezah o ajabbatén nesháni ke Issáyá Jalilay métag Kánáyá pésh dásht, áiay awali mójezah at. Áiá gón hamé mójezahá wati shán o shawkat záher kort o moridán áiay sará imán áwort. 12 Randá Issá gón wati mát o brát o moridán Kaparnáhumay shahrá shot. Lahtén róchá hamódá dáshtesh.
Issá cha parasteshgáhá sawdagerána gallénit
(Mattá 21:12–13; Markás 11:15–17; Luká 19:45–46)
13 Yahudiáni Pesah, bezán Sargwazay Aid,†2:13 É aidá Sargwazay Aid paméshká gwashant ke cha Mesriáni chérdastiá Esráiliáni ázátiay wahdá markay préshtag cha Esráili mardénchokkáni koshagá sar gwast. nazzikk at. Paméshká, Issá Urshalimá shot. 14 Disti ke mazanén parasteshgáhá mardom gók o pas o kapótay bahá kanagá goláésh ant o sarráp‡2:14 Sarráp, bezán hamá mardom ke zarr bahá zurit o zarr bahá kant. ham neshtagant. 15 Gorhá cha sádá hayzaráné jórhi kort o sajjahén sawdáger o pas o góki cha parasteshgáhá galléntant§2:15 Gallénag, bezán táchénag, dar kanag, dur ráh dayag. o sarrápáni zarr o sekkahi ham rétkant o thébali*2:15 Thébal, bezán méz, mazanén chárpádag. chappi kortant. 16 Gón kapót bahá kanókán gwashti: “É chizzán cha edá dar kanét. Mani ásmáni Petay lógá bázáré makanét.” 17 Nun morid yátá kaptant ke Hodáay Pákén Ketábá nebeshtah ent: Á jósh o gayrat ke maná pa Hodáay lógá hastent, maná sóchit o pora kant.†2:17 Zabur 69:9.
18 Gorhá Yahudián gwasht: “Taw gón chónén mójezah o ajabbatén neshánié sábeta kanay ke tará é káráni ejázat hastent?” 19 Issáyá gwasht: “É mazanén parasteshgáhá bepróshét, man say róchá padá chestia kanán.” 20 Yahudián gwasht: “É mazanén parasteshgáh, chell o shash sálá jórh kanag butag, taw chón eshiá say róchá chesta kanay?” 21 Bale á parasteshgáh ke Issá áiay bárawá habar kanagá at, áiay jenday badan at. 22 Issáay merag o jáh janagá‡2:22 Jáh janag, bezán cha wati jáhá yakdam pád áyag, zendag bayag, chest bayag. rand, morid yátá kaptant ke áiá wat é habar kortagat. Nun áyán Hodáay Pákén Ketáb o Issáay habaráni sará imán áwort.
23 Á róchán, Issá Sargwazay Aidá Urshalimá at. Bázén mardoméá ke Issáay ajabbatén nesháni distant, áiay námay sará imánesh áwort. 24 Bale Issáyá áyáni imánay sará báwar nakort, chéá ke áiá sajjahénáni del o daruna§2:24 Darun, bezán báten, andarun. zánt. 25 Áiá ensánay bárawá hechkasay gwáhiay zalurat naat, chéá ke á, ensánay delay har hálá sahig at.
*2:3 2:3 Pákén Ketábay tahá har jágah ke sharábay labz átkag, eshiay máná cha angurá jórh butagén sharáb ent ke Engréziá “wine” gwashaga bit.
†2:5 2:5 Kárendah, bezán kárdár, nawkar.
‡2:6 2:6 É kunzag kombpaymén mazanén kunzag atant.
§2:6 2:6 Asligén Yunáni nebeshtánka gwashit: “do tán say metretes”.
*2:10 2:10 Adná, bezán arzán, kamkimat, kamarzesh.
†2:13 2:13 É aidá Sargwazay Aid paméshká gwashant ke cha Mesriáni chérdastiá Esráiliáni ázátiay wahdá markay préshtag cha Esráili mardénchokkáni koshagá sar gwast.
‡2:14 2:14 Sarráp, bezán hamá mardom ke zarr bahá zurit o zarr bahá kant.
§2:15 2:15 Gallénag, bezán táchénag, dar kanag, dur ráh dayag.
*2:15 2:15 Thébal, bezán méz, mazanén chárpádag.
†2:17 2:17 Zabur 69:9.
‡2:22 2:22 Jáh janag, bezán cha wati jáhá yakdam pád áyag, zendag bayag, chest bayag.
§2:24 2:24 Darun, bezán báten, andarun.