1 رَندا، چه پاکێن روهئے رهشۆنیا ایسّا گیابانا شت تان شئیتان آییا بچَکّاسیت.*4‏:1 چَکّاسگ، بزان آزمایش کنگ، اِمتهان گِرگ. 2 چِل شپ و چِل رۆچ رۆچگ دارگا رند ایسّا شدیگ بوت. 3 گڑا شئیتان په آییئے چَکّاسگا آتک و گوَشتی: «اگن تئو هُدائے چُکّ ائے، اے سِنگان بگوَش نگن ببنت.» 4 ایسّایا پَسّئو دات: «پاکێن کتابا نبیسگ بوتگ:

5 پدا شئیتانا ایسّا پاکێن شهرا برت و مزنێن پرستشگاهئے دیوالئے بُرزترێن جاگها اۆشتارێنت و 6 گوَشتی: «اگن تئو هُدائے چُکّ ائے گڑا وتا چه اِدا جهلاد دئور بدئے چیا که نبیسگ بوتگ:

7 ایسّایا گوَشت: «هئو، بله چُش هم نبیسگ بوتگ: وتی هُداوندێن هُدایا مچَکّاس و آزمایش مکن.»§4‏:7 شَریَتئے دومی رهبند 6‏:16.

8 نون شئیتانا یک سکّێن بُرزێن کۆهێئے سرا برت و چه اۆدا دنیائے سجّهێن بادشاهی و آیانی شان و شئوکتی پێش داشتنت و 9 گوَشتی: «اگن تئو منی دێما کۆنڈان بکپئے و منا پرستش بکنئے، من اے سجّهێنان ترا دئیان.» 10 گڑا ایسّایا گوَشت: «او شئیتان! چه منی دێما گُم بئے! پاکێن کتابا نبیسگ بوتگ: وتی هُداوندێن هُدایا پرستش بکن و تهنا هماییئے هِزمتا بکن.»*4‏:10 شَریَتئے دومی رهبند 6‏:13. 11 نون شئیتانا آ یله دات و شت. پرێشتگ آتکنت و ایسّائے هِزمتِش کرت.

12 وهدے ایسّا سَهیگ بوت که یَهیا دَزگیر کنگ بوتگ، گڑا جَلیلا شت. 13 ناسِرَهئے شهری یله دات و کَپَرناهومئے شهرا جهمنند بوت. کَپَرناهوم، جَلیلئے مَزَن‌گوَرمئے†4‏:13 مَزَن‌گوَرم، بزان دریاچه. کِرّا، زِبولون و نَپْتالیئے کَبیلهانی سرڈگارا اِنت. 14 پمێشکا اے ڈئول بوت که اِشئیا نبیئے گوَشتن سَرجم ببیت:

17 چه هما وهدا، ایسّایا اے کُلئو و پئیگامئے رسێنگ بُنگێج کرت. گوَشتی: «چه وتی گناهان پشۆمان ببێت چیا که آسمانی بادشاهی نزّیک اِنت.»

18 وهدے ایسّا جَلیلئے مَزَن‌گوَرمئے لَمبا§4‏:18 لمب، بزان دامن، کِرّ. گام جنَگا اَت، دو براتی دیست، یکّے شَمون اَت که پَنّامی پِتْرُس اَت و دومی آییئے برات اَنْدْریاس اَت. آیانی کار ماهیگیری اَت و آ وهدا په ماهیگیریا وتی دام و ماهۆران گوَرما چێر گێجگا اتنت. 19 ایسّایا گۆن آیان گوَشت: «بیاێت، منی رَندگیریا بکنێت و من شمارا اَنچشَ کنان که ماهیگ گِرگئے بدلا، مردمانی دلا شکار بکنێت.»*4‏:19 دلئے شکار کنگئے مکسد مردمان هُدائے راها آرگ اِنت. 20 آیان هما دمانا وتی دام یله دات و آییئے همراه بوتنت. 21 وهدے کمّے دێما شت، دگه دو برات، آکوب و یوهَنّایی دیستنت که زِبْدیئے چُکّ اتنت. بۆجیگئے†4‏:21 بۆجیگ، بزان لانچ، یکدار، کشتی. تها گۆن وتی پت زِبْدیا نِشتگ‌اتنت و وتی ماهۆران سْراچگ و شَرّ کنگا اتنت. ایسّایا آ لۆٹتنت. 22 آیان هم وتی پت گۆن بۆجیگا یله دات و آییئے همراه بوتنت.

23 ایسّایا سجّهێن جَلیلا تَرّ و گردَ کرت. آییا کَنیسَهانی‡4‏:23 کَنیسَه، بزان یَهودیانی پرستشگاه. تها مردم درس و سَبکَ دات، هُدائے بادشاهیئےمستاگَ§4‏:23 مستاگ، بزان وشّێن هال، بشارت. رسێنت و مردم چه ناجۆڑی و نادْراهیان جۆڑ و دْراهَ کرتنت. 24 سجّهێن سوریَها آییئے نام و تئوار پْرشت و مردمان هر ڈئولێن ناجۆڑ و نادْراه، جِنّی، مِرْگیئے نادْراه،*4‏:24 مِرْگی اَنچێن نادْراهیے که مردما بێهۆش و کپ و گَجَّ کنت. اَربی و پارسیا «صرعَ». لَنگ و مُنڈ ایسّائے کِرّا آورتنت و آییا دْراهَ کرتنت. 25 جَلیل، دِکاپولیس، اورْشَلیم، یَهودیَه و اُرْدُنئے کئورئے آ دستئے هَند و دَمگانی بازێن مردمے آتک و ایسّائے همراه بوت.