126
May washbahtiá padá byár
Dém pa Urshalimá borzád rawagay sawté.
1 Wahdé Hodáwandá Sahyunay washbahti
per tarrént o áwort
má purah wáb gendagá atén.
2 May dap cha kandagá porr at,
zobán cha shádehiay sawtá.
Á wahdá kawmáni nyámá gwashag but:
“Hodáwandá pa eshán mazanén kár kortag.”
3 Haw, Hodáwandá pa má mazanén kár kort,
má gal atén.
4 Oo Hodáwand! May washbahtiá padá byár,
anchó ke kawr Négéway*126:4 Negew, Esráilay jonubá gyábáné. gyábáná ábádia kárit.
5 Hamá ke ars récháná kesht o keshára kanant,
pa shádehi kukkár kanáná ronant.
6 Hamá ke gréwáná dara kapit o tohmán pa keshagá bárt,
pa shádehi kukkár kanáná wátarra kant†126:6 Wátarr kanag, bezán per tarrag. o
wati lóthokána‡126:6 Lóthok, bezán rotagén káhay bastag, changol, bandhal. kárit.