1 رندا من آسمانا دگه هئیران کنۆک و بلاهێن نشانیے دیست، هپت پرێشتگ که هپتێن گُڈسری اَزابِش گۆن اتنت، گُڈسری، پمێشکا که گۆن اِشان هُدائے گَزب سَرجمَ بیت.

2 پدا من چیزّے دیست، دریاێئے پئیما اَت بله چۆ شیشّگا اَت، گۆن آسا هئوار. و من دیست شیشّگی دریائے کَشا هما اۆشتاتگ‌اتنت که رسترئے سرا و آییئے بُت و نامئے نمبرئے سرا سۆبێن بوتگ‌اتنت. چَنگِش دستا اَت که هُدایا داتگ‌اتنت. 3 آیان هُدائے هزمتکار موسّائے سئوت دپا اَت و گوَرانڈئے سئوت هم. گوَشگا اتنت:

5 چه اِشیا رند، من چارت و پرستشگاه، بزان «شاهدیئے تَمبو» اَرشا دیست که پَچ اَت. 6 هپتێن پرێشتگ که هپتێن اَزابِش گۆن اتنت، چه پرستشگاها ڈنّا در آتکنت. آیان سپا و رُژناێن لیلُمێن*15‏:6 لیلُم، گُدئے تَهرے که اَنگرێزیا «لینِن» گوَشگَ بیت. گُد و پۆشاک گوَرا اَت و سێنَگا تلاهێن پَٹّی‌اِش بستگ‌اَت. 7 پدا چه چارێن سَهداران یکّێا هپتێن پرێشتگانا هپت تلاهێن دَرپ دات که چه هُدائے گَزبا پُرّ اتنت، اَبد تان اَبد زندگێن هُدائے گَزبا. 8 پرستشگاه چه دوتّا پُرّ بوت که چه هُدائے شئوکت و آییئے زۆرا آتک و کَسّا تان هما وهدا پرستشگاهئے تها شتَ نکرت که هپتێن پرێشتگانی هپتێن اَزاب سَرجم نبوتنت.