10
Hodáay dátagén rástáwari
1 Oo brátán! Mani delay wáhag o dwá gón Hodáyá pa Esráilián hamesh ent ke áyán neját berasit. 2 Man pa áyán gwáhi dáta kanán ke áyán pa Hodáyá jósh o gayrat hast, bale áyáni é jósh o gayrat cha sharrén zánt o zánagéá naent. 3 Á hamá rástáwariá sarpad nabutant ke cha Hodáay némagá ent o wati jenday rástáwariay barjáh kanagay johdá atant, paméshká watá Hodáay dátagén rástáwariay dastá nadátesh. 4 Masih, Sharyatay sarjami o kámeli ent. Nun harkas ke imána kárit, rástáwar o bémayár hesába bit.
Nejátay ráh
5 Hamá rástáwari ke cha Sharyatá kayt, áiay bárawá Mussá chosh nebeshtaha kant: “Harkas ke é hokmáni sará amala kant, gón esháni barjáh dáragá zendaga mánit.”*10:5 Láwián 18:5. 6 Bale á rástáwari ke cha imáná kayt, é dhawlá gwashit: “Wati delá magwashét ‘kay ásmáná rawt?’ ”,†10:6 Mussáay Wáz 30:12. bezán ke Masihá jahlá byárit, 7 “yá ‘kay johlén kabrá éra kapit?’ ”,‡10:7 Mussáay Wáz 30:13. bezán ke Masihá cha mordagáni jaháná borzá byárit. 8 É dhawlá gwashit: “Gál§10:8 Gál, bezán habar, kalamah, labz.tai nazzikká ent, tai dapá o tai delá ent”,*10:8 Mussáay Wáz 30:14. bezán imánay hamá Gál ke má áiay járá janén. 9 Agan dape wat bemannay ke Issá Hodáwand ent o wati delay tahá báwar bekanay ke Hodáyá á cha mordagán zendag kortag, gorhá rakkay. 10 Chéá ke ensán delay tahá imána kárit o rástáwar hesába bit, dape wat ham mannit o é paymá áiá nejáta rasit. 11 Pákén Ketába gwashit: “Harkas ke áiay sará imána kárit, hechbar sharmendaga nabit.”†10:11 Eshayá Nabiay Ketáb 28:16. 12 É bárawá Yahudi o darkawmay nyámá park o péré nést. Chéá ke hamé yakkén Hodáwand, sajjahénáni Hodáwand ent o pa hamá drostigén mardomán ke áiá tawára kanant, békesás‡10:12 Békesás, bezán béhesáb, sakk báz. saki§10:12 Saki, bezán bakshendah, Ordu o Pársiá “sakhi”. o bakshók ent. 13 Chéá ke “harkas ke Hodáwanday námá gipt o áiá tawára kant, á rakkit.”*10:13 Yuil Nabiay Ketáb 2:32.
14 Nun mardom chón yakkéá tawár bekanant ke áiay sará imánesh nayáwortag? O chón yakkéay sará imán byárant ke áiay bárawá chizzé naeshkotagesh? O chón beshkonant agan kasé áyáni kerrá é járá majant? 15 O jár janók chón jár bejanant agan rawán dayag nabutagant? Anchosh ke nebeshtah ent: “Á mardománi pád o kadam nék ant ke wasshén mestágay járá janant.”†10:15 Eshayá Nabiay Ketáb 52:7.
16 Bale bázénéá é wasshén mestág namannet, chéá ke Eshayá nabia gwashit: “Oo Hodáwand! May paygámay sará kayá báwar kort?”‡10:16 Eshayá Nabiay Ketáb 53:1. 17 Gorhá imán cha eshkonagá kayt o eshkonag cha Masihay paygámay járá.
18 Bale nun josta kanán: “Áyán naeshkotag?” Allam eshkotagesh, parchá ke:
“Jár janókáni tawár sajjahén donyáyá shotag o
áyáni habar jahánay goddhi marz o simsarán sar butagant.”§10:18 Zabur 19:4.
19 Yakk baré padá josta kanán: “Esráil sarpad nabutag?” Awalá, Hodá cha Mussáay zobáná gwashit:
“Man hamá mardománi wasilahá shomay hasaddá páda kanán ke kawmé naant;
násarpadén kawméay wasilahá shomay hezhmá páda kanán.”*10:19 Mussáay Wáz 32:21.
20 Gorhá Hodá cha Eshayá nabiay zobáná pa deléri gwashit:
“Maná hamáyán dar gétk ke mani shóházá naatant,
man watá pa hamáyán záher kort ke mani jost o porsá naatant.”†10:20 Eshayá Nabiay Ketáb 65:1.
21 Bale Esráilay bárawá gwashit:
“Sajjahén róchá man wati dast,
náparmán o jáhelén kawméay némagá pa wassháni shahár dátag.”‡10:21 Eshayá Nabiay Ketáb 65:2.
*10:5 10:5 Láwián 18:5.
†10:6 10:6 Mussáay Wáz 30:12.
‡10:7 10:7 Mussáay Wáz 30:13.
§10:8 10:8 Gál, bezán habar, kalamah, labz.
*10:8 10:8 Mussáay Wáz 30:14.
†10:11 10:11 Eshayá Nabiay Ketáb 28:16.
‡10:12 10:12 Békesás, bezán béhesáb, sakk báz.
§10:12 10:12 Saki, bezán bakshendah, Ordu o Pársiá “sakhi”.
*10:13 10:13 Yuil Nabiay Ketáb 2:32.
†10:15 10:15 Eshayá Nabiay Ketáb 52:7.
‡10:16 10:16 Eshayá Nabiay Ketáb 53:1.
§10:18 10:18 Zabur 19:4.
*10:19 10:19 Mussáay Wáz 32:21.
†10:20 10:20 Eshayá Nabiay Ketáb 65:1.
‡10:21 10:21 Eshayá Nabiay Ketáb 65:2.