3
Oo Hodáwand! Pád á
Dáuday Zabur, hamá wahdá ke cha wati chokk Abshálumá jehagá at.
1 Oo Hodáwand! Mani dozhmen chenkadar báz ant.
Bázéné mani helápá pád áyagá ent.
2 Bázéné mani bárawá gwashagá ent:
“Hodá eshiá narakkénit.” Ósht...*3:2 Pa óshtá asligén Ebráni gál “saláh” ent. É gál báz barán Zaburay ketábá átkag. Mánái pakká zánag nabutag bale balkén pa wánókay mahtal bayagá muzikay yak gálé.
3 Bale taw oo Hodáwand! Wat mani chágerdá espar ay,
Mani shán o shawkat ay,
maná sarperáza kanay.
4 Hodáwandon gón borzén tawáré peryáta kort o
áiá cha wati pák o gechénién kóhá maná passaw dát. Ósht...
5 Man ásudag waptán o pád átkán,
chiá ke Hodáwand mani posht o panáh at.
6 Cha lakkáni lakká natorsán ke cha har némagá maná angerresh kortag†3:6 Angerr kanag, bezán chapp o chágerdá gerag, Arabi o Pársiá “moháserah”..
7 Oo Hodáwand! Pád á.
Oo mani Hodá! Maná berakkén.
Taw ay ke mani dozhmenáni démá shahmáta janay o
badkáráni dap o dantánána próshay.
8 Rakkénók Hodáwand ent, tai barkat tai kawmá berasát! Ósht...