6
Oo Hodá! Maná berakkén
Pa sázger o washáwázáni sálárá. Gón zehi o simmi sázán. “Sheminitay”*6:0 Sheminitay máná “hashtomi” ent. Báwar esh ent ke edá muzikay yak gálé. tarzay sará. Dáuday Zabur.
1 Oo Hodáwand! Maná gón wati hezhmá hakkal maday o
gón wati gazabá neherr.
2 Hodáwandá! Mani sará rahm kan chiá ke gimmortagán.
Oo Hodáwand! Maná dráh bekan chiá ke jesm o jánon paréshán ent.†6:2 Asligén Ebráni zobána gwashit: “Haddh o bandon paréshán ant.”
3 Arwáhon sakk békarár o jalájósh ent.
Oo Hodáwand! Tán kadén? Tán kadén?
4 Hodáwandá! Wati démá gón man tarrén o mani sáhá berakkén,
wati mehray sawabá maná neját beday.
5 Chiá ke mordag tará yát korta nakanant,
kay ent ke cha mordagáni jaháná tai shográ begipt?
6 Cha nálagán dam bortagán,
har shap gandalán cha gréwagá ménán o
tahtá gón arsán tarra kanán.
7 Chammon cha bázén andóhán nezór butagant o
cha bázén dozhmenán tahár.
8 Oo sajjahén badkárán! Cha man dur bét,
chiá ke Hodáwandá mani gréwagáni tawár eshkotagant.
9 Hodáwandá mani peryát gósh dáshtagant,
Hodáwand mani dwáyá mannit.
10 Mani sajjahén dozhmen sharmendag o sakk paréshána bant,
á démá chahra dayant o pashal o sharmendaga bant.