20
Oo Hodáwand! Bádsháhá sób o pérózi beday
Pa sázger o washáwázáni sálárá. Dáuday Zabur.
1 Hodáwand tará sakki o sóriáni róchá passaw bedayát,
Ákubay Hodáay nám tará negahpán bát.
2 Cha wati pákén jágahá pa taw komak berasénát o
cha Sahyuná tará madat kanát.
3 Tai sajjahén korbánigán wati yátá bedárát,
tai sóchagi korbánigáni mannók bát. Ósht...
4 Tai delay wáhagán barjáh dárát o
tai sajjahén shawrbandián kámyáb kanát.
5 Tai sób o péróziá gón shádmáni kukkár bekanén o
wati bayraká*20:5 Bayrak, bezán parcham. tai námay sará borzád bechandhénén.
Hodáwand tai sajjahén dazbandián purah o sarjam bekanát.
6 Nun zánton ke Hodáwand wati rógen per moshtagéná†20:6 Rógen per moshag, bezán pa bádsháhiá gechén kanag. rakkénit o
cha wati pákén ásmáná áiá passawa dant,
gón wati rástén dastay rakkénókén wák o tágatá.
7 Lahtén wati asp o arrábaháni‡20:7 Arrábah, bezán mazanén mansabdáráni hamá gárhi ke aspia kasshant. sará pahra kanant,
bale má wati Hodáwandén Hodáay námay sará pahra kanén.
8 Á srénprósha bant o kapant,
bale má páda káén o mohra óshtén.
9 Oo Hodáwand! Bádsháhá sób o pérózi beday.
Tawár ke kanén, may passawá beday.