44
Oo Hodá! May madatá byá
Pa sázger o washáwázáni sálárá. Kórahay chokkáni shayri gwashtánk.
1 Oo Hodá! Má wati góshán eshkotag,
may pet o pirénán gwashtag
ke áyáni zamánagá chónén káret kortag,
gwastagén dawr o bárigán.
2 Taw gón wati dastá kawm dar kortant,
bale may pet o pirén sabz kortant.
Kawmet droshtant o
may pet o pirén sháhegáni bakshátant.
3 Na áyáni zahmáni zór at ke molkesh gept
na ke básk o bázuán sóbén kortant.
É tai rástén dast at, tai básk o
chehragay rozhn,
chiá ke áyáni sará mehrabán atay.
4 Oo Hodá! Taw mani bádsháh ay.
Pa Ákubá péróziay hokmá borr.
5 Cha tai némagá ent ke dozhmenán pada kenzénén,
cha tai námá ent ke orosh barókán lagatmála kanén.
6 Man wati kamánay sará tawkala nakanán o
zahm maná sóbéna nakant.
7 É taw ay ke márá cha dozhmenán rakkéntag o
badwáh sarjahl kortagant.
8 Oo Hodá! Má modám tai sará pahr kortag o
tán abad tai námay shográ gerén. Ósht...
9 Bale nun taw márá dawr dátag o béezzat kortag,
may lashkaray hamráha nabay.
10 Márá dozhmenáni démá pada kenzénay o
badwáh márá áwára*44:10 Áwár, bezán jangay tahá lotth o pol kortagén mál o mardom. janant.
11 Márá korbánigén pasáni paymá pa koshagá eshtaget o
kawmáni nyámá sheng o sháng kortag.
12 Taw wati kawm arzáná bahá kortag o
cha áyáni baháyá sutté nabortag.
13 Márá hamsáhegáni rishkandi kortag o
kerr o gwaray mardománi kalági.
14 Taw márá kawmáni nyámá thekk o neshán kortag,
darkawm sará chandhénant o maskará kanant.
15 Sajjahén róchá gón sarjahliá dém pa dém án o
sharmá mani dém póshetag,
16 cha bad o rad gwashókáni shegáná,
cha dozhmen o bérgiray dastá.
17 É sajjahén may sará átkagant,
bale angat má tará nashamoshtag o
gón tai ahdá nárást nabutagén.
18 May del cha taw per natarretag o
pád o gám cha tai ráhá dar nabutag.
19 Bale taw márá prósh dátag o gón wahshién haywánán yakjáh kortag,
gón tahárterén tahárókiá póshéntag.
20 Agan má wati Hodáay nám beshamoshtén,
yá dast pa bigánagén hodáéá borz kortén,
21 Hodáyá nazántagat?
Chiá ke á cha delay ráz o asrárán sarpad ent.
22 Bale má tai sawabá sajjahén róchá gón marká dém pa dém én o
korbánigén pasáni paymá hesáb áraga bén.
23 Oo Hodáwand! Ágáh bay. Pa ché wáb ay?
Jáh jan o márá tán abad yalah makan.
24 Chiá wati démá chéra dayay o
pa ché may bazzagi o lagatmáliá shamóshay?
25 Chiá ke má háká dém pa chér én o
láp zeminá lacchetag.
26 Pád á o may madatá byá,
wati mehray sawabá márá bemók†44:26 Mókag, bezán pa kaséay jánay rakkénagá gránén kimmaté dayag, Pársiá “bázkharid”. o berakkén.