1-2 A꞉fe 5.22To halomilo꞉ sio꞉ o꞉leaumbo꞉, ga indo꞉ gio꞉lo꞉, ge kaluwa꞉ ha꞉ga mada dowa꞉lubi. Kalu gilo꞉wo꞉ Godeya꞉ ene towo꞉ ko꞉lo꞉ mo꞉kudu ha꞉nalega, ga gio꞉ ge kaluwa꞉ ha꞉ga dowa꞉bi. A꞉la꞉galikiyo꞉ giyo꞉ towo꞉ mo꞉sa꞉lab ko꞉sega, gilo꞉ Gode tagilakilo꞉ ha꞉ga dowan man o꞉lia꞉, gi man digalo꞉ dimida꞉lab a꞉no꞉lia꞉ ba꞉da꞉sa꞉ga꞉yo꞉, ili asulo꞉wo꞉ gilo꞉ man dimidab a꞉ma꞉ nodo alifa꞉ib. 3 1Tim 2.9Gio꞉ ga nafale doma꞉nikiyo꞉, gi do꞉mo꞉ ha꞉la꞉ amilo꞉ momadan o꞉mba. Ge gesegema꞉kilo꞉ misa꞉ fo꞉n melano꞉, go꞉la꞉lo꞉ momadakilo꞉ kagedano꞉, a꞉la꞉ta꞉ga꞉ so꞉g nafale ka꞉lan a꞉ma꞉yo꞉ ge ga nafale doma꞉ibo꞉ o꞉mba. 4 Ko꞉sega gio꞉ mada gesego꞉le fa꞉la꞉doma꞉kiyo꞉, gi asulo꞉ usamilo꞉ da꞉lab a꞉no꞉ asula꞉sa꞉ga꞉ dinafalema. Ha꞉salo꞉ mesa꞉no꞉ man o꞉lia꞉, ha꞉fa꞉nolo doma꞉no꞉ man a꞉no꞉lia꞉ma꞉yo꞉ gio꞉ gesego꞉le fa꞉la꞉do alifa꞉ib ko꞉lo꞉, gesego꞉ a꞉no꞉ mada mo꞉kelegema꞉ib. A꞉la꞉ta꞉ga꞉ man wengo꞉wo꞉ Godeya꞉ siwa꞉l amio꞉ mada nafale ko꞉lo꞉lab. 5 Giliyo꞉ a꞉la꞉do꞉ dimidama꞉no꞉wo꞉ mo꞉wo꞉ we. Tamin amilo꞉ tilidabu ka꞉isale a꞉ma꞉lo꞉ dimida꞉leno꞉ we. Iliyo꞉ Godeya꞉ to sio꞉ a꞉no꞉ hendele fa꞉la꞉doma꞉ib a꞉la꞉li tilida꞉dakiyo꞉, ini e kaluwa꞉ ha꞉ga dowa꞉sen. Man a꞉ma꞉ ilikiyo꞉, inino꞉ nafale momade alitaki gesego꞉ fa꞉la꞉do alifelo꞉. 6 Mo꞉mo꞉ 18.12A꞉la꞉do꞉ go꞉ o꞉leaumbo꞉, Sa꞉la eyo꞉ Ablahama꞉ towo꞉ kudu ha꞉nakiyo꞉, inbo꞉wo꞉ kalu alan a꞉la꞉sio꞉. A꞉la꞉go꞉ko꞉lo꞉ gio꞉ kelego꞉ imilig nowo꞉ mo꞉tagilaki man nafale dimidalega, gio꞉ Selaya꞉ ene ida꞉la꞉la꞉le ko꞉lo꞉lab.

7 A꞉fe 5.25A꞉la꞉do꞉ go꞉ o꞉leaumbo꞉, galeso꞉ giliyo꞉lo꞉ ga gililo꞉wo꞉ dinafa asulaki, i o꞉lia꞉yo꞉ ha꞉salo꞉ mesa꞉no꞉ a꞉no꞉ ko꞉lo꞉ dowa꞉bi. Ga ili do꞉mo꞉wo꞉ halaido꞉lo꞉ma ko꞉lo꞉, kalu giliyo꞉ iyo꞉ asuwa꞉taki, dinafa tilidowa꞉bi. Mo꞉wo꞉ Godeya꞉ ene so꞉walemo꞉lo꞉ mela꞉no꞉ dimia꞉ib a꞉no꞉ iyo꞉lo꞉ dia꞉ib. Godemo꞉lo꞉ gililo꞉ dulugu sa꞉ma꞉no꞉wo꞉ ka꞉labena꞉kiyo꞉, giliyo꞉ man a꞉no꞉ ko꞉lo꞉ kudu ha꞉na꞉lubi.

8 To a꞉no꞉ edakiyo꞉, tilidabu kaluka꞉isale gio꞉ tambo asulo꞉wo꞉ imilig dowa꞉lubi. Gegelebo꞉ nolo꞉ nofola꞉bi. Gaole asulan aumbo꞉, nolo꞉lo꞉ mada alan asula꞉bi. Nol o꞉lia꞉yo꞉ ha꞉fo꞉wo꞉ disa꞉la꞉bi. A꞉la꞉ta꞉ga꞉ go꞉no꞉n asulo꞉wo꞉ sana to꞉lota꞉ga꞉, ge ha꞉ga dowa꞉bi. 9 Kalu abeyo꞉ gimo꞉wo꞉ mogago꞉wo꞉ dimidalega, giliyo꞉ wa꞉lo꞉ wa꞉dea꞉so꞉bo. Iliyo꞉ ge dio꞉ge sa꞉lalega, giliyo꞉ a꞉ma꞉la꞉bo꞉ dio꞉ge sa꞉la꞉so꞉bo. A꞉la꞉ba. Gililo꞉ a꞉ma꞉la꞉ to sa꞉ma꞉ibo꞉ we. I a꞉no꞉ nafale doma꞉kiyo꞉, Godemo꞉ dulugu sa꞉la꞉bi. Godeya꞉lo꞉ gi ko꞉lo꞉ ho꞉ido꞉wo꞉ a꞉la꞉dimidama꞉ki go꞉. Giliyo꞉ a꞉la꞉dimidalikiyo꞉, Godeya꞉ ene so꞉walemo꞉lo꞉ nafale mesa꞉no꞉ tif amilo꞉ dimia꞉ib a꞉no꞉ gimo꞉wo꞉lo꞉ dimia꞉ib. 10 Song 34.12-16Mo꞉wo꞉ Godeya꞉ towa꞉yo꞉ a꞉la꞉sa꞉sa꞉lo꞉,

13 Giliyo꞉ man nafaleyo꞉ halale kudu ha꞉na꞉lalega, kalu noma꞉lo꞉ gi ko꞉lo꞉ mogagila꞉ma꞉no꞉wo꞉ tog do꞉ma doma꞉ib. 14 Ais 8.12-13,Madi 5.10, 1Bid 2.20, 4.14Ko꞉sega giliyo꞉ man nafale dimido꞉ ami, nolba꞉yo꞉ nagalo꞉ hida꞉yo꞉wo꞉ gimo꞉wo꞉ dimialega, Gode eyo꞉ gi a꞉no꞉ sagale alitakiyo꞉ asuwa꞉fa꞉ib. Kaluka꞉isale i a꞉ma꞉yo꞉ gio꞉ tagima꞉kiyo꞉ towo꞉ sa꞉lalikiyo꞉, kele asulakiyo꞉ tagila꞉so꞉bo. 15 Gio꞉ tagio꞉ mo꞉dowaki, Keliso esa gili Kalu Alan a꞉la꞉bo꞉ wabulu sa꞉lakiyo꞉, asulo꞉ gililo꞉wa halale dia꞉ta꞉bi. Kaluka꞉isale nolba꞉yo꞉ gemo꞉wo꞉ dabu ba꞉daki, “Gio꞉ Gode amilo꞉ tilida꞉dakilo꞉ yasilab ko mo꞉wo꞉ o꞉ba?” a꞉la꞉bo꞉ gimo꞉wo꞉ dabu ba꞉ba꞉ib ko꞉lo꞉, gililo꞉ a꞉ma꞉la꞉ to sa꞉ma꞉no꞉wo꞉ dimidalia꞉bi. Ko꞉sega giliyo꞉ a꞉ma꞉la꞉ to sa꞉lakiyo꞉, ha꞉fa꞉nolo dofo꞉liki ha꞉sa sama. 16 1Bid 2.12Ho꞉leno꞉ tambo gi asulakiyo꞉, “man we digalo꞉ dimido꞉l” a꞉la꞉do꞉ asulab a꞉no꞉leko꞉ kudu ha꞉na꞉bi. A꞉la꞉do꞉ dimidab a꞉namio꞉ kalu nolba꞉yo꞉ gimo꞉wo꞉ diga꞉li sa꞉lalega, dikidian kalu i a꞉ma꞉yo꞉ gili man nafa Kelisowa꞉ wiya ilikilo꞉ dimidab a꞉no꞉ ba꞉dakiyo꞉, inin ko꞉ a꞉sendeloma꞉ib. 17 Gode eyo꞉ nio꞉ man nafa dimido꞉ ami hida꞉yo꞉wo꞉ dima꞉ki asulalega, a꞉no꞉ o꞉li. Ko꞉sega hida꞉yo꞉ diab a꞉no꞉ nililo꞉ man mogago꞉ dimido꞉ a꞉na a꞉la꞉ta꞉ga꞉ dialega, a꞉no꞉ mo꞉ililo꞉.

18 A꞉ma꞉ mo꞉wo꞉ we. Giliyo꞉ Keliso e asuluma. E mada digalo꞉ kalu ko꞉sega, mogago꞉lo꞉ dimida꞉sen kaluwa꞉ heno꞉ e diaki, mogago꞉ ililo꞉ a꞉ma꞉ ilikiyo꞉, nagalo꞉wo꞉ e odo꞉ si. E ho꞉len imilig amilo꞉ sowo꞉ a꞉na ilikiyo꞉, ili mogago꞉wo꞉ tambo e dilaki ilili alifa꞉ ko꞉lo꞉, wa꞉kabiyo꞉ mo꞉soma꞉ib. Elo꞉ hida꞉yo꞉ dia꞉li ha꞉na꞉lab a꞉ma꞉yo꞉ nio꞉ tililia꞉ ha꞉na꞉ga꞉ Godelo꞉wa ta꞉taki go꞉. Henfelo꞉ kaluwa꞉yo꞉ ene do꞉mo꞉wo꞉ sanala꞉ ko꞉sega, Gode eyo꞉ ene mela꞉no꞉ mama a꞉no꞉ mela꞉no꞉wo꞉ a꞉dimi ko꞉lo꞉lab. 19 E mama mela꞉no꞉ ilikiyo꞉, dibolo hen amilo꞉ sowo꞉ mamalo꞉ sab a꞉namio꞉ ha꞉na꞉sa꞉ga꞉, towo꞉ imo꞉wo꞉ a꞉na wido꞉. 20 Mo꞉mo꞉ 6–7Mama i a꞉no꞉, Noa ho꞉len amilo꞉ Godeya꞉ ene tolo꞉ gola ba꞉ba꞉yo꞉ o꞉m. Noa elo꞉ ho꞉n ko꞉sulo꞉ dimida꞉i ha꞉na꞉len amio꞉, Gode e ha꞉sa iliki, eyo꞉ kaluka꞉isale i a꞉no꞉ bo꞉ebo꞉ mo꞉wa꞉deaki o꞉yasila꞉len. A꞉la꞉ta꞉ga꞉ ho꞉n ko꞉su us a꞉namio꞉ kaluka꞉isale modo꞉ma, Noaya꞉ ene eso꞉lo꞉ ola꞉fo꞉ a꞉no꞉leko꞉ tiane. Ho꞉n galu mio꞉ a꞉ma꞉yo꞉, ho꞉n ko꞉suwo꞉ ha꞉lelia꞉ga꞉ fa꞉la꞉ ane ko꞉lo꞉, ho꞉n a꞉na a꞉la꞉ta꞉ga꞉yo꞉ Noaya꞉ eso꞉lo꞉le a꞉no꞉ko꞉ ga꞉li sili handalowo꞉. 21 Ilo꞉ amilo꞉ fa꞉la꞉dowo꞉ a꞉ma꞉yo꞉, ho꞉n amilo꞉ to꞉lolan man nililo꞉ o꞉go꞉do꞉ kudu ha꞉na꞉lab a꞉no꞉ ko꞉lo꞉ da꞉feyo꞉. Mo꞉wo꞉ ho꞉n amilo꞉ to꞉lolab a꞉ma꞉yo꞉ nio꞉ mo꞉soma꞉ki asuwa꞉takigab. Ho꞉n amilo꞉ to꞉lolan man a꞉ma꞉yo꞉ do꞉mo꞉ wa꞉l amilo꞉ heyo꞉ a꞉no꞉ ko꞉lo꞉ dilaki gaba. Gode eyo꞉ Ya꞉su Keliso sowo꞉ a꞉dasi alifa꞉ a꞉na ilikiyo꞉, Gode eyo꞉ nio꞉ digalo꞉ kalu da꞉feyo꞉ ko꞉lo꞉, nio꞉ Godeya꞉ siwa꞉l amio꞉ o꞉ma digalo꞉ dowo꞉ a꞉la꞉asuluma꞉kiyo꞉, ho꞉n amilo꞉ to꞉lolab a꞉ma꞉yo꞉ widaki gab. 22 Ya꞉su e a꞉ma꞉la꞉ dasila꞉sa꞉ga꞉yo꞉, Hebene ane ko꞉lo꞉, o꞉go꞉ e Godeya꞉ ene dagi ililiba siliki, ma꞉mula꞉ kalu i o꞉lia꞉, a꞉la꞉ta꞉ga꞉ mama ko꞉li ko꞉lilo꞉ halaido꞉lo꞉ a꞉lab a꞉no꞉ tambo e ha꞉ga dia꞉taki, e bo꞉fo꞉lab.