1 Taitus giyo꞉ to man widakiyo꞉, to hendele o꞉lia꞉lo꞉ ililo꞉ dowab a꞉no꞉ ko꞉lo꞉ wida꞉bi. 2 Kalu ko꞉go꞉do꞉le sab o꞉mo꞉wo꞉ a꞉la꞉wida꞉bi. “Kalu ko꞉go꞉do꞉ gio꞉ mo꞉no꞉nolo dowaki, asulo꞉ nafaleyo꞉ ko꞉lo꞉ kudu ha꞉na꞉lubi. Giliyo꞉ mano꞉ nafale dimidaki, go꞉no꞉n a꞉ma꞉la꞉yo꞉ tili dowa꞉lubi. Tilidabu mano꞉, ha꞉fo꞉ disa꞉lan mano꞉, a꞉la꞉ta꞉ga꞉ hida꞉yo꞉ fa꞉la꞉dowalikilo꞉ halale kagama꞉no꞉ man a꞉no꞉ ko꞉lo꞉ kudu ha꞉na꞉lubi.” Giyo꞉ imo꞉wo꞉ a꞉la꞉wida꞉bi. 3 1Tim 3.11Taitus giyo꞉, ka꞉isale ko꞉go꞉do꞉ sab imo꞉wo꞉ towo꞉ a꞉la꞉wida꞉bi. “Ka꞉isale ko꞉go꞉do꞉ giliyo꞉ Godeya꞉lo꞉ asulab au dimidakiyo꞉, nolo꞉ sada꞉da꞉so꞉bo. Aluna꞉ ho꞉n nab a꞉ma꞉yo꞉ gili asulo꞉wo꞉ mo꞉tilidoma꞉ki ta꞉ta꞉bi. Man digalo꞉ mesa꞉no꞉ a꞉no꞉ ko꞉lo꞉ wida꞉li ha꞉na꞉bi.” 4-5 A꞉fe 5.22Giyo꞉ a꞉la꞉widalikiyo꞉, ka꞉isale ko꞉go꞉do꞉ iliyo꞉lo꞉ ka꞉isale kalu ho꞉gilo꞉ ane imo꞉wo꞉lo꞉ a꞉la꞉wida꞉bi. Kalu gilo꞉ o꞉lia꞉ so꞉wa gilo꞉ o꞉lia꞉mo꞉wo꞉ ha꞉fo꞉wo꞉ disa꞉la꞉lubi. A꞉la꞉ta꞉ga꞉ gio꞉ asulo꞉ nafale kudu ha꞉naki, malilo꞉ man a꞉no꞉ ko꞉lo꞉ kudu ha꞉na꞉lubi. Gio꞉ kalu go꞉ndo꞉ma꞉ ha꞉ga dowaki, ginin so꞉lo꞉wo꞉ dinafa bo꞉fo꞉lubi. A꞉la꞉ta꞉ga꞉ gio꞉ nowo꞉mbo꞉wo꞉lo꞉ sagale alita꞉bi. Kaluka꞉isale nolba꞉yo꞉ Godeya꞉ to nafa a꞉no꞉ dio꞉ge sa꞉labena꞉kiyo꞉, ka꞉isale i a꞉no꞉ man we ko꞉lo꞉ kudu hamana꞉ki wida꞉bi.

6 A꞉la꞉ta꞉ga꞉ kalu so꞉wa iliyo꞉ asulo꞉ nafaleyo꞉ kudu hamana꞉ki, iyo꞉ halale alita꞉bi. 7 1Tim 4.12Iliyo꞉ man gilo꞉wo꞉ ba꞉da꞉sa꞉ga꞉ kudu mena꞉ki, giyo꞉ kelego꞉ tambo dimidakiyo꞉, mano꞉ nafale dimida꞉bi. Giyo꞉ mano꞉ widakiyo꞉, man digalo꞉le kudu ha꞉naki, a꞉la꞉ta꞉ga꞉ to gilo꞉ sa꞉lab a꞉no꞉ hendele a꞉la꞉asuluma꞉ki wida꞉bi. 8 1Bid 2.15Giyo꞉ to man widakiyo꞉, to nafale digalo꞉ a꞉no꞉ko꞉ sa꞉la꞉lubi. A꞉la꞉dimidalikiyo꞉, nililo꞉ mogago꞉ dimido꞉ imilig nowo꞉ gis kaluwa꞉yo꞉ mo꞉ba꞉ba꞉ ko꞉lo꞉, to sa꞉ma꞉no꞉wo꞉ aundo꞉ma dowaki, iyo꞉ sendeloma꞉ib.

9-10 1Tim 6.1Giyo꞉ madali nanogdo꞉ dian kaluka꞉isalemo꞉wo꞉ a꞉la꞉wida꞉bi. “Nanog dian kaluka꞉isale gio꞉, kelego꞉ tambo amio꞉ gilo꞉ bo꞉fo꞉lowan kaluwa꞉ ha꞉ga iliki, towo꞉ a꞉ma꞉la꞉bo꞉ sa꞉la꞉so꞉bo. Bo꞉fo꞉lowan kaluwo꞉ sagale alita꞉bi. A꞉la꞉ta꞉ga꞉ bo꞉fo꞉lowan kaluwa꞉ kelego꞉wo꞉ afalebo꞉ dia꞉so꞉bo. Ko꞉sega gilo꞉ bo꞉fo꞉lowan kaluwa꞉yo꞉ gio꞉ tili asuluma꞉kiyo꞉, giliyo꞉ ho꞉leno꞉ tambo man digalo꞉ a꞉no꞉ ko꞉lo꞉ kudu ha꞉na꞉lubi.” Iliyo꞉ a꞉la꞉dimidalikiyo꞉, kaluka꞉isale nolba꞉yo꞉ ililo꞉ dimidab a꞉no꞉ ba꞉da꞉sa꞉ga꞉, Godeya꞉lo꞉ ni ko꞉lo꞉ gasili to wida꞉lab a꞉no꞉ hendelelo꞉b a꞉la꞉bo꞉ asulakiyo꞉, to a꞉no꞉ iyo꞉lo꞉ kudu ha꞉na꞉no꞉ asuluma꞉ib.

11 Godeya꞉lo꞉ ha꞉fo꞉ disa꞉lan man a꞉ma꞉yo꞉ kaluka꞉isaleyo꞉ o꞉lika gasilia꞉ib ko꞉lo꞉, man a꞉no꞉ kaluka꞉isale tambolo꞉ amio꞉ kalaba fa꞉la꞉dowo꞉. 12 1Yo꞉n 2.16Godeya꞉lo꞉ mo꞉asulab a꞉no꞉lia꞉ do꞉mo꞉wa꞉lo꞉ asulan man a꞉no꞉lia꞉yo꞉ kata꞉foma꞉kiyo꞉, Godeya꞉ ene ha꞉fo꞉ disa꞉lan man a꞉ma꞉yo꞉ nimo꞉wo꞉ wida꞉lab. Man a꞉no꞉ ta꞉takiyo꞉, nio꞉ henfelo꞉ wena silikiyo꞉, asulo꞉ nafalelo꞉ kudu ha꞉na꞉sen man o꞉lia꞉, digalo꞉ doma꞉no꞉ man o꞉lia꞉, Godeya꞉lo꞉ asulab au doma꞉no꞉ man o꞉lia꞉yo꞉ kudu hamana꞉ki, widab. 13 Nilo꞉ gasilia꞉no꞉ Gode Alan o꞉lia꞉ Ya꞉su Keliso elo꞉ a꞉ma꞉la꞉do꞉ mia꞉nigab ho꞉len alan a꞉no꞉, nio꞉ sagala꞉li yasila꞉likiyo꞉, man a꞉no꞉ ko꞉lo꞉ dimida꞉mela꞉niki. 14 Kis 19.5,Lo 7.6, Ese 37.23, Gala 1.4, 1Bid 2.9Nio꞉ man mogago꞉ dimida꞉len amio꞉ a꞉ma꞉la꞉ gasiliaki, a꞉la꞉ta꞉ga꞉ nili asulo꞉wo꞉ malilo꞉ doma꞉kiyo꞉, Ya꞉su Keliso eyo꞉ ene mela꞉no꞉wo꞉ a꞉na wala꞉. A꞉la꞉go꞉ko꞉lo꞉ kaluka꞉isale nio꞉ eno꞉le doma꞉ki, a꞉la꞉ta꞉ga꞉ mano꞉ nafale dimidama꞉no꞉ mada asuluma꞉kiyo꞉, Ya꞉suwa꞉yo꞉ a꞉na dimido꞉.

15 1Tim 4.12A꞉la꞉fo꞉ko꞉lo꞉ giyo꞉ to a꞉no꞉ wida꞉lubi. Giyo꞉ towo꞉ halaido꞉ widakiyo꞉, kaluka꞉isaleya꞉ tilidabu a꞉no꞉ halale alitakiyo꞉, mogago꞉ dimido꞉ a꞉no꞉ digala꞉lubi. Kaluka꞉isale nolba꞉yo꞉ ge wa꞉la꞉ sa꞉ndabena꞉ki, ge halaido꞉ dowa꞉bi.