55
Gode da Asigiwane Gogolema:ne Olofosu Imunu Sia:i
1 * Wamolegei Sia: Olelesu 21:6; 22:17Hina Gode da amane sia:sa,
“Nowa da hano hanai galea, misa! Hano na misa!
Amola, dilia muni hame gagui dunu!
Gagoma bidi lamusa:, misa!
Waini hano amola bulamagau dodo maga:me bidi lamusa:, misa!
Amo lama:ne, dilia da muni hame imunu.
2 Dilia da abuliba:le, hame sadisu liligi, amo lamusa:,
dilia muni udigili ha:digisala:?
Dilia abuliba:le dilia hawa: hamosu muni bidi lai amo udigili ha:digili,
bu ha:i bagade ba:ma:bela:? Na sia: nabima amola nabawane hamoma!
Amasea, dilia da ha:i manu baligili noga:idafa amo manu.
3 † Asunasi dunu Ilia Hou 13:34Na fi dunu! Nabima!
Amola Nama esalusudafa lama:ne misa.
Na da eso huluane dialalalumu gousa:su dilima hamomu.
Amola hahawane iasu hou, Na musa: Da:ibidima imunu ilegei,
Na da amo dilima imunu.
4 Na hamobeba:le, e da fifi asi gala fi
ilima hina bagade amola ouligisu dunu ba:i.
Amola e da Na gasa amoga hawa: hamobeba:le,
Na da Na gasa amo fifi asi gala, ilima olelei.
5 Wali dilia da ga fifi asi gala ilima, dilima misa:ne sia:mu.
Musa: dilia da amo fi hame dawa:i galu, be wali ilia da dilima gilisima:ne,
hehenane misunu. Na, Hina Gode, Isala:ili fi ilia Hadigi Gode,
Na da amo hou huluane ba:ma:ne, hamomu.
Na da dilima nodosu amola hadigi imunu.”
6 Hina Gode da gadeneiba:le,
Ema sinidigili, sia:ne gadoma.
7 Wadela:i hamosu dunu da ilia wadela:i hou fisili,
ilia wadela:i asigi dawa:su afadenema:mu.
Ilia da ninia Gode, amo Hina Godedafa, Ema sinidigimu da defea.
Bai Gode da asigisa, amola E da hedolo gogolema:ne olofosu dawa:.
8 Hina Gode da amane sia:sa,
“Na asigi dawa:su da dilia asigi dawa:su defele hame gala.
Amola Na hou da dilia hou amoma hisu agoane gala.
9 Muagado da osobo bagadega gadodafa gala.
Amo defele, Na asigi dawa:su da dilia asigi dawa:su
amoga baligili gadodafa gala.
10 ‡ 2 Golidia 9:10Na sia: da anegagi mugene amola gibu agoai gala.
Ilia da muagado misini, osobo bagadega hano iaha.
Ilia dabeba:le, ha:i manu da heda:sa,
ninia hawa: bugima:ne amola ha:i manu moma:ne ba:sa.
11 Na sia: amola da agoaiwane gala.
Na sia: sia:i, da Nama udigili sinidigimu da hamedei.
Be Na sia: da Na ilegei huluane didili hamoi dagoi ba:mu.
12 Dilia da Ba:bilone yolesili, hahawane gadili masunu.
Na da amo moilai bai bagadega dili gadili oule masunu.
Fedege agoane, goumi amola agolo ilia da gesami hea:mu, amola ifa huluane da hahawaneba:le, ilia lobo famu.
13 Sogebi amoga wali gagaloba: fawane dialebe ba:sa,
amoga ‘saibalase’ ifa heda:lebe ba:mu.
Amola, aya: gaga:nomei sogebi amoga ‘medele’ ifa da heda:lebe ba:mu.
Amo da eso huluane dialalalumu dawa:digisu olelesu agoane ba:mu.
Na, Hina Gode, Na hamosu dawa:ma:ne, amo dawa:digisu olelesu da lelumu.”