14
Osobo Bagade Dunu Ilia Wadela:i Hou
(Gesami Hea:su 53)
* Louma 3:10-12Gagaoui dunu da ilisu amane sia:sa, “Gode da hamedafa esala.”
Ilia huluane da wadela:i hou hamoi dagoi.
Dunu afae hou moloidafa hamosa, amo da hame ba:su.
Hina Gode da Ea Hebene esalebe amoga osobo bagade dunu ba:lala.
Amola E da bagade dawa:su dunu
amola Ema nodosu dunu habowali lale hogosa.
Be hame ba:sa.
Ilia huluane giadofai dagoi.
Ilia da huluane defele wadela:idafa.
Dafawane! Dunu afae da hou moloi hamedafa hamosa.
Hina Gode da amane adole ba:sa, “Ilia da hame dawa:bela:?
Amo wadela:i hamosu dunu huluane da hame dawa:su dunula:?
Ilia da hawa: hamosu hame hamosa.
Be Na fi dunu ilima wamolasu fawane hamosa.
Amola, ilia da Nama hame sia:ne gadosa,” Hina Gode da amane sia:sa.
Be Gode da Ema nabasu dunu amo fawane fidibiba:le,
ilia da beda:i bagade ba:mu.
Wadela:i gasa fi dunu da fonoboi hamoi dunu ea hou wadela:lesisa.
Be Hina Gode da fonoboi dunu amo gaga:sa.
Na sia:ne gadosu da agoane.
Hina Gode da Saione Goumi amoga Isala:ili fi
ilima baligisu hou hahawane imunu da defea.
Amasea, Hina Gode da Isala:ili dunu ilima ilia bu didili hamoma:ne hamosea,
ilia da hahawane bagade ba:mu.

*14:1: Louma 3:10-12