36
Osobo Bagade Dunu Ilia Wadela:i Hou
1 *Louma 3:18Wadela:i hou da wadela:i hamosu dunu ea dogo ganodini osodogone sia: daha.
E da Godema higale amola Ema hame nodosa.
2 E da Gode da ea wadela:i hou hame ba:sayale
amola amoga se dabe hame ima:bela:le dawa:lala.
Bai hi da hidale hina:musu baligili gadodafa dafawaneyale dawa:lala.
3 Ea sia: da wadela:idafa amola ogogosu amoga nabai gala.
E da noga:le dawa:su hou amola noga:idafa hou, amo fisi dagoi.
4 E da ea golasu da:iya diala, wadela:le hamomusa: ilegele dadawa:lala.
Ea hamobe amoga afae noga:idafa hame gala.
Amola wadela:i hou amoga ea higamu afae da hame gala.
Gode Ea Noga:idafa Hou
5 Hina Gode! Dia mae fisili asigidafa hou da heda:le, muagado amoga sasanosa.
Dia mae fisili fidisu hou da muagado amoga sasanosa.
6 Dia moloidafa hou da goumi agoane gagilisa heda:sa.
Dia moloidafa fofada:su hou da hano wayabo lugudu oso dogoi defele gala.
Di da dunu amola ohe fi ouligisa.
7 Gode! Dia mae fisili asigidafa hou da bidiga lamu hamedei galebe!
Ninia da Dia ougiaha gaga:su ba:sa.
8 Dia da ninima ha:i manu bagohame iabeba:le, ninia da sadini naha.
Dia noga:idafa hou da hano agoane, amola ninia da amo moma:ne,
Dia da logo doasisa.
9 Di da esalusu huluane ea baidafa gala.
Amola Di da Hadigidafa.
Amaiba:le, ninia da hadigi ba:sa.
amola moloidafa hou hamonanebe, ilima asigima! 10 Dia mae fisili, dunu ilia da Dima dawa:i dialebe amola moloidafa hou hamonanebe, ilima asigima!
11 Gasa fi dunu ilia da nama mae doagala:ma:ma!
amola wadela:i hamosu dunu na hobeale masa:ne, mae sefasima:ma!
12 Wadela:i hamosu dunu ilia dafai hou ba:ma!
Amogai ilia da diala, amola wa:legadomu gogolesa.